Uncategorized

ප්‍රවීන මාධ්‍යවේදියෙකු මෙන්ම ජනප්‍රිය නිවේදකයකු වූ අභාවප්‍රාප්ත හේමනලීන් කරුණාරත්න මහතාගේ දේහය පිළිබඳ අවසන් කටයුතු අද (08) පෙරවරුවේ සිදුකෙරුණි.ඒ බොරැල්ලේ පොදු සුසාන භූමියේදීයි.

මාධ්‍යවේදී හේමනලීන් කරුණාරත්න මහතාගේ මාලඹේ, මිල්ලගහවත්ත පාරේ පිහිටි නිවසේ තැන්පත් කර තිබූ දේහය ඊයේ(07) උදෑසන කොළඹ පෞද්ගලික මල් ශාලාවක් වෙත රැගෙන ආවේය.

ඒ මහතාගේ දේහය අද පෙරවරු 9.30 දක්වා මහජන ගෞරවය සඳහා එම ස්ථානයේ තැන්පත් කර තිබුනු අතර පසුව ආදාහන කටයුතු සිදුකිරීම සඳහා දේහය බොරැල්ල පොදු සුසාන භූමිය වෙත රැගෙන යනු ලැබීය.

අවසන් කටයුතු සිදුවූ අවස්ථාවට මාධ්‍ය ක්ෂේත්‍රය නියෝජනය කරන බොහෝ පිරිසක් මෙන්ම එතුමන්ගේ ඥාතීන්ද සහභාගී වූ අතර පෙරවරු 11.45ට පමණ අදාහන කටයුතු සිදුකර අවසන් කෙරුණි.

මියයන විට 56 වන වියේ පසුවූ ප්‍රවීන මාධ්‍යවේදී හේමනලීන් කරුණාරත්න මහතාගේ මරණයට හේතුව මොළයේ නහරයක් පිපිරී සිදුවූ ලේ වහනයක් බව පශ්චාත් මරණ පරීක්ෂණයෙන් පසුගියදා අනාවරණය විය.

1983 වසරේදි පුහුණු වන නිෂ්පාදන සහකාරවරයකු ලෙස ජාතික රූපවාහිනි සේවයට එක් වු හේමනලින් කරුණාරත්න මහතා පසුව එහි සහකාර අධ්‍යක්ෂ ධුරය දක්වා උසස්වීම් ලැබූ අතර අනූව දශකය අගභාගයේ ජාතික රූපවාහිනය ඔස්සේ විකාශය වූ 9.05 වැඩසටහනින් අතිශය ජනප්‍රියත්වයට පත් විය.

පසුව ඔහු ස්වර්ණවාහිනී ආයතනය සමග සම්බන්ධ වූ අතර එහි දී ද කැපීපෙනෙන මාධ්‍ය මෙහෙවරක නිරත වූයේ එම නාලිකාව එවකට ඉහළටම ඔසවා තබමිනි.

පසුව ස්වර්ණවාහිනී ආයතනයෙන් ද ඉවත් වූ ඒ මහතා HTV නාළිකාව ආරම්භ කළ අතර මාධ්‍ය ක්ෂේත්‍රයට පිවිසීමට ආශාවෙන් සිටි තරුණ තරුණියන් දහස් ගණනකට සිය ශිල්ප ඥාණය ද ලබා දීමට ඉදිරිපත් වූවේය.

හේම නලීන් මහතාගේ දේහය පිළිබඳ අවසන් කටයුතු සිදුකෙරෙන අවස්ථාවේ දී ඔහුගේ සිසු සිසුවියන් බොහෝ දෙනෙකු අතිශයින් හැඟුම්බර වනු දක්නට ලැබුණි.

Uncategorized

මුලු මහත් රටම කම්පාවට පත් කළ ශෝකජනක සිදුවීමකට අදට වසර 31ක් සපිරේ.

රුදුරු කොටි ත්‍රස්තවාදීන් විසින් 1987 ජුනි 2 වැනිදා අම්පාර අරන්තලාවේ සිදු කළ භික්‌ෂු ඝාතනය තවමත් ශ්‍රී ලාංකිකයන් සංවේදි කරවීමට සමත් සිදුවීමක් ය.

කොටි ත්‍රස්තවාදීන් සිදු කළ අරන්තලා සමූල ඝාතනයෙන් බෞද්ධ භික්‌ෂූන් 33 ක්‌ හා සිවිල් වැසියන් සිව් දෙනකුද ඝාතනය විය. මින් වැඩි දෙනා කුඩා සාමනේර භික්‌ෂූන් වහන්සේලා ය

අම්පාර දීඝවාපී විහාරයේ සිට කැලණිය රජ මහා විහාරයට වන්දනා ගමනක්‌ යැමේ අරමුණින් බස්‌රියක ගමන් කරමින් සිටි එම බෞද්ධ භික්‌ෂූන් වහන්සේලාට නුවරතැන්න ගම්මානය අසලදී විස්‌සකට අධික කොටි ත්‍රස්‌ත කණ්‌ඩායමක්‌ ප්‍රහාර එල්ල කළහ.

බස්‌රියට ගොඩ වූ ත්‍රස්‌තයෝ එම බස්‌රිය අරන්තලාව වනයට ගෙන යන ලෙස නියෝග කිරීමෙන් පසු එම භික්‌ෂූන් පිරිස කඩුවලින් කපා දමමින් වෙඩි තබා මිලෙච්ජ ලෙස ඝාතනය කරනු ලැබිණ.

ඝාතනය වූ භික්‍ෂූන් වහන්සේලා අතර විද්‍යානන්ද පිරිවෙනේ අධිපති හෑගොඩ ඉන්ද්‍රසාර හිමියන්ද විය. මෙහිදී භික්‌ෂූන් වහන්සේලා තිදෙනෙකු දිවි ගලවා ගැනීමට සමත් වූහ. එහෙත් ඔවුන් බරපතළ තුවාල ලබා තිබිණි.

මේ අතර ඝාතනය කරන ලද හෑගොඩ ශ්‍රී ඉන්ද්‍රසාර නාහිමියන් ඇතුළු හිමිවරුන් තිස්‌එක්‌ නම සිහිකිරීම නිමිති කොටගෙන අරන්තලාව බෞද්ධ මධ්‍යස්‌ථානයේදී ඊයේ (1දා) කුල දරුවෝ 31 දෙනෙක්‌ සසුන්ගත කර තිබේ.

මෙම කුල දරුවන් පැවිදි කිරීම නැගෙනහිර පළාතේ ප්‍රධාන සංඝනායක පාදාගොඩ පුරාණ රජමහා විහාරාධිපති තලාගංගොඩ ධම්මරතන හිමියන්ගේ සහ සබරගමුව පළාතේ ප්‍රධාන සංඝනායක ඉන්ද්‍රරත්න නාහිමියන්ගේ ප්‍රධානත්වයෙන් පැවැත්ව තිබේ.

2013 වසරේදී එම භික්‌ෂූන් වහන්සේලා ඝාතනය වූ බස්‌රිය භාවිත කර අනුස්‌මරණ කටුගෙයක්‌ ස්‌ථාපිත කරනු ලැබීය. ඉන් මිලෙච්ඡ ඝාතනය පිළිබිඹු කරයි.

Uncategorized

වැලිඔය පොලිසියේ සල්ලාලයෙක් විසින් පොලිසියේදී අපචාරයට ලක්වූ වැලිඔය දරුවා මේ වනවිට ඉන්නේ පරිවාස භාරයේය. තමන් අපචාරයට ලක්කළ සල්ලාලයා හඳුනා ගන්නා පෙරෙට්ටුව ලබන 6දා බදාදා පදවිය සංචාරක මහෙස්ත්‍රාත් අධිකරණයේදී පැවැත්වීමට නියමිතය.

එහෙත් මේ වනවිට වැලිඔය කල්‍යාණපුර 4 වැනි පියවර නාමල්පුර වැසියන් මේ දරුවා ගිලටීනයට දක්කන්නට සූදානම්ය. ඔහුගේ පවුලත් ගමෙන් පන්නා දැමීමේ වැඩපිළිවෙළකය. ඔවුන්ට අනුව ඔවුන්ගේ ගම කිලිටි වී ඇත්තේ මේ දරුවාගේ පවුල්වල අය නිසාය. මීට ටික දවසකට කලින් ඔවුන්ගේ ගමේ පන්සලේ හාමුදුරුවරු දෙන්නෙක්ද ළමා අපචාර සිද්ධිවලට අත්අඩංගුවට පත්වූ බව සැබෑය. එහෙත් ගම්වැසියන්ගේ තක්සේරුව අනුව මේ පවුල්වලින් වන හානිය ගමේ සංස්කෘතික පදනම දෙදරවන්නේය.

දරුවා හොරෙක් බවත්, ගමේ පොදු කටයුත්තක් සඳහා ගෙනා ටකරන් ප්‍රමාණයක් හොරකම් කළ බවත් කියමින් පොලිසියට පැමිණිලි කරන්නේ ගමේ ග්‍රාම සංවර්ධන සමිතියේ නිලධාරීන්ය. දරුවා හොරෙක් බව ගම්වැසියන් කියන්නේය. පාසල් නොඑන බව පාසලේ විදුහල්පතිවරයා කියන්නේය. දරුවා මත්ද්‍රව්‍යවලට හුරු වී සිටින බව කියන්නේය. ඔහුට සම වයසේ යාළුවන් නැති බව කියන්නේය. ඇසුරු කරන්නේ වැඩිහිටියන් බව කියන්නේය. දරුවා ගැන අසන විට ඔහුගේ නුගුණ කියමින් ඔහුව එල්ලා දැමීමට පොරකන මිනිසුන් ඕනෑ තරම්ය. එහෙත් පුනරුත්ථාපනය විය යුතු තමන්ගේ දරුවන්ගේ වයසේ සිටින මේ දරුවා දෙස මානුෂිකව බලන්නට වැඩිහිටියෙක් නැත. වගකිවය යුත්තෙක් නැත. මේ දරුවා ළමා වයසේදීම මේ ව්‍යසනයට ලක් වූ ආකාරය ගැන විමසා බලා ඔහුට ජීවිත ආධාරයක් කරන්නට එකෙක් නැත. ගමේ පන්සලේ හාමුදුරුවන් ද ළමා අපචාරයකට චෝදනා ලබමින් බන්ධනාගාරගතවය. මේ දරුවා හොරෙක් ලෙස හංවඩු ගසන්නේත් පොලිසියට අල්ලාදී පැමිණිලි කරන්නේත් එහෙම වටපිටාවකය.

මේ දරුවාගේ අම්මාත් තාත්තාත් සමඟ පවුලේ උදවිය වැලිඔයට එන්නේ මීට අවුරුදු 5කට පෙරය. එනම් වර්ෂ 2013දීය. වැලිඔයට එන්නට කලින් ඔවුන් හිටියේ දෙහිවලය. ආණ්ඩුවෙන් ලබා දෙන රුපියල් ලක්ෂ පහක ණය මුදලින් ඔවුන් යන්තම් නිවෙසක් වැනි යමක් අටවාගෙන ජීවත් වන්නේය. මවුපියෝ කරන්නේ ගොවිතැනය. බොහෝ විට කුලී වැඩය. දරුවන් පස් දෙනෙකි. මේ චූදිත දරුවා පවුලේ තුන් වැනියාය. නූගත් දෙමව්පියෝ එදා වේල සොයාගැනීමට විනා දරුවාට සිදුවන ව්‍යසනය ගැන නොතකති.

පොලිසියේ අපචාරය

අවසානයේදී දරුවා ටකරන් සොරකමකට චෝදනා ලැබ පොලිස් අත්අඩංගුවට පත්වෙන්නේය. ඒ පසුගිය 8 වැනිදාය. එසේ අත්අඩංගුවට ගත් දරුවා 09 වන දා පදවිය මහෙස්ත්‍රාත් අධිකරණයට ඉදිරිපත් කරන තුරු වැලිඔය පොලිසිය තුළ රඳවා තබා ගත්තේය. පසුගිය 9දා පදවිය සංචාරක මහෙස්ත්‍රාත් අධිකරණයට ඉදිරිපත් කළ මේ දරුවා සම්බන්ධව වාර්තාවක් සපයන ලෙස කැබිතිගොල්ලෑව මහෙස්ත්‍රාත් අධිකරණයේ ස්ථාන භාර පරිවාස නිලධාරි සුසන්ත ඒකනායකට මහෙස්ත්‍රාත්වරයා නියෝග කරන්නේය.

පරිවාස නිලධාරි තැන අධිකරණයට ඉදිරිපත් කිරීම සඳහා දරුවාගෙන් කටඋත්තරයක් ගන්නේ ඒ අනුවය. මේ කටඋත්තරයේදී දරුවා කරනු ලබන ප්‍රකාශයෙන් පරිවාස නිලධාරි තැන වික්ෂිප්ත වන්නේය. ඔහු කියන්නේ පොලිස් අත්අඩංගුවේ සිටි 8දා රාත්‍රියේ දී එදින රාත්‍රි වැඩමුරයේ නියුතු සල්ලාල පොලිස්කාරයෙක් වැලිඔය පොලිස් ස්ථානය තුළදීම ඔහුව බලහත්කාරයෙන් බරපතළ ලිංගික අපයෝජනයකට ලක් කළ බවය. මේ පිළිබඳව කවරකුට හෝ හෙළිදරවු කර තිබුණහොත් ඔහුට වෙඩි තබා මරා දමන බව මේ නිලධාරියා විසින් තර්ජනය කළ බවය.

ඔහු මේ වාර්තාව කැබිතිගොල්ලෑව අධිකරණයට ඉදිරිපත් කළේය. මේ වාර්තාව ඉදිරිපත් වනවාත් සමඟම වැඩිදුර විස්තර විමර්ශනය සඳහා කැබිතිගොල්ලෑව අධිකරණයේ දිසා විනිසුරු මනෝජ් ප්‍රභාකරන් දරුවාව වහාම අනුරාධපුර කොට්ඨාස ළමා හා කාන්තා කාර්යාංශයට යොමු කළේය. අනුරාධපුර කොට්ඨාස ළමා හා කාන්තා කාර්යාංශයේ ස්ථානාධිපතිනි පොලිස් පරීක්ෂිකා නිශානි සෙනෙවිරත්න සිද්ධිය සම්බන්ධව දරුවාගෙන් දීර්ඝ කටඋත්තරයක් ලබා ගත්තාය. අනතුරුව දරුවා අනුරාධපුර ශික්ෂණ රෝහලේ අධිකරණ වෛද්‍ය නිලධාරිවරයා හමුවට ඉදිරිපත් කළාය. වෛද්‍ය පරීක්ෂණයේදී අධිකරණ වෛද්‍යවරයා තහවුරු කළේ මේ දරුවාව බරපතළ ලිංගික අපයෝජනයකට ලක් කර ඇති බවය.

අධිකරණ නියෝගය

අනතුරුව මුලතිව් සහකාර පොලිස් අධිකාරිවරයාට, වැලිඔය පොලිස් ස්ථානාධිපතිවරයාට සහ අනුරාධපුර කොට්ඨාස ළමා හා කාන්තා කාර්යාංශයේ ස්ථානාධිපතිනියට විවෘත අධිකරණයේ පෙනී සිටින ලෙසට, කැබිතිගොල්ලෑව ප්‍රධාන මහෙස්ත්‍රාත් මනෝජ් ප්‍රභාකරන් නියෝගයක් නිකුත් කළේය. ඒ අනුව මේ තිරශ්චීන අපරාධයට සම්බන්ධ, ඊට ආධාර අනුබල දුන් සියලු සැකකාර පොලිස් නිලධාරීන් වහාම අත්අඩංගුවට ගෙන 30දා බදාදා පදවිය සංචාරක මහෙස්ත්‍රාත් අධිකරණයට ඉදිරිපත් කරන ලෙසට නියෝග ලැබිණි. එමෙන්ම අපයෝජනයට ලක් දරුවාගේ මවුපියන්ට බලපෑම් නොකරන ලෙසද තරයේ දැනුම් දී තිබිණි.

මේ සම්බන්ධ සැකකරුවන් අත්අඩංගුවට ගෙන දරුවාට සාධාරණයක් ඉටු කරනු ඇතැයි යන අදහස මහෙස්ත්‍රාත්වරයාට ද තිබුණු බව පෙනිණි. ඔහු නියෝග කළේ නොපමාව මේ පොලිස් නිලධාරීන් අත්අඩංගුවට ගෙන අධිකරණයට ඉදිරිපත් කිරීමට පොලිසිය අපොහොසත් නම් සිද්ධියට අදාළ පැමිණිල්ල දිනපතාම අධිකරණය හමුවේ විභාග කරන බවය.

අපරාධය සම්බන්ධයෙන් බී වාර්තාවක් මඟින් අධිකරණයට කරුණු දක්වමින් මුලතිව් සහකාර පොලිස් අධිකාරි මයුර පෙරේරා සඳහන් කළේ මුලතිව් කොට්ඨාස භාර පොලිස් අධිකාරි වසන්ත කන්දෙවත්ගේ නියෝග මත තමාගේ ඍජු අධීක්ෂණයෙන් මේ සිද්ධිය පිළිබඳ පුළුල් පරීක්ෂණයක් පවත්වන බවය. ඉදිරිපත්වන කරුණු මත සැකකරුවන් අත්අඩංගුවට ගෙන අධිකරණයට ඉදිරිපත් කරන බව මුලතිව් සහකාර පොලිස් අධිකාරිවරයා අධිකරණයට සහතික වුණේය.

පසුගිය 30දා සංචාරක මහෙස්ත්‍රාත් අධිකරණයේදී නඩුව කැඳවිණි. අපචාරයට ලක්වූ මොහොතේ දරුවා ඇඳගෙන සිටි ඇඳුම් නඩු භාණ්ඩ ලෙස ඉදිරිපත් කර තිබුණේ නැත. එම ඇඳුම් පොලිස් භාරයට ගෙන තිබුණේත් නැත. මහෙස්ත්‍රාත්වරයා ඒ පිළිබඳව පොලිසියෙන් විමසුවේය. ඔවුන් ප්‍රකාශ කර තිබුණේ එවැනි නියෝගයක් අධිකරණයෙන් නොලැබුණු බවය. තමන්ගේ රාජකාරි කිරීමට අහවල් නියෝගයක් අවශ්‍යදැයි විමසීමට මහෙස්ත්‍රාත්වරයාට සිදුවිය. ලබන 6දා බදාදා මේ සල්ලාල අපරාධකාරයාව හඳුනාගැනීමට පෙරෙට්ටුවක් තැබීමට නියමිතය.

වයස පහළොවක් යන්නට පෙර දරුවෙක් මත්ද්‍රව්‍ය භාවිත කරන්නෙක් වේ නම්, සොරෙක් වේනම්, කලල සමාජ පිළිලයක් වෙමින් ඇත්නම් ඒ අපරාධයට වගකිවය යුත්තේ අපය. එවැනි දරුවෙක් පොලිස් අත්අඩංගුවට පත්වූ විට ඔහුව පොලිසිය තුළදී ලිංගික අපයෝජනයට ලක් කරන පොලිසියක් සංකේතවත් කරන්නේ ඒ සමාජයේ මළගමය.

Uncategorized

ශ්‍රී ලංකාව ලෝකයේම ජයග්‍රාහී මාවතකට රැගෙන යොවුන් විද්‍යාඥයකු පිළිබදව වාර්තා වෙනවා.

ඒ තවමත් පහළොස් වන වියෙහි පසුවන හලාවත ආනන්ද විදුහලෙහි එකොළොස් වැනි ශ්‍රේණියේ ඉගෙනුම ලබන කේ. ආර්. රුමල් ඉඳුවරයි. අ.පො.ස.සාමාන්‍ය පෙළවත් තවම නොලියූ මේ පුංචි විද්‍යාඥයා එක රැයකින්ම එක විද්‍යාත්මක සොයාගැනීමක් හේතුවෙන් ලොව ඉහළින්ම නම තැබුවේය.

ඒ ඩෙංගු මදුරුවා කීට අවස්ථාවේදීම විනාශ කළ හැකි බැක්ටීරියාවක් රට තුළින්ම සොයා ගැනීම හේතුවෙනි. ඩෙංගු රෝගය, ඩෙංගු මදුරුවා, රෝග බෝවීම, මිනිසුන් මියයෑම ආදී කරුණු පිළිබඳව රුමල් කුඩා කලසිටම අවදානයෙන් පසුව තිබේ.

එසේ තිබියදී ඔහු වරක් තම පියා සමඟ පුදුකුඩිඉරිප්පු, මුලතිව් බලා සංචාරය කළ මොහොතකදී අත්දුටු කරුණක් පිළිබඳව විමසිලිමත් විය.

ඔහු එදා පුදුකුඩිඉරිප්පුවේදී අත්දුටුවේ, එම ප්‍රදේශයේ වෙන ප්‍රදේශවල තරම් මදුරු ගහනයක් නොමැති බවයි. ඔහු දිගින් දිගටම කල්පනා කළේය. ‘මදුරුවෝ නැති වෙන්නේ හරි, අඩුවෙන්නේ හරි ඇයි?’ ‘මදුරුවෝ නැති වෙන්න විදියක් නැහැ.’ ‘එහෙම නම් මදුරුවෝ හැදෙද්දිම වගේ මිය යනවාද?’ ‘විනාශ වෙනවාද?’  යනුවෙන් තමන්ගෙන්ම ප්‍රශ්න කර ගත්තේය.

ඔහු යළි එහි ගියේය. දිය කඩිතිවල ජල සාම්පල ගෙන පිරික්සා බැලීය. ඔහුට නාඳුනන බැක්ටීරියා රැසක් හමුවිය. එම බැක්ටීරියා මදුරුවන් විනාශ කරන උන් හැටියට ඔහු නිගමනය කළේය.

ඔහු එම කල්පිතය තම ව්‍යාපෘතිය ලෙස සකසා මාලිකා ප්‍රනාන්දු විද්‍යා ගුරුතුමිය ලවා ජාතික විද්‍යා පදනමට යැව්වේය. ජාතික විද්‍යා පදනම මඟින් ඊට පෙර දැනුවත් කිරීමේ ව්‍යාපෘති සකස් කිරීමේ වැඩමුළුවක් ද ළමුන් වෙනුවෙන් පවත්වා තිබිණි.

රුමල්ගේ වාර්තාව ජාතික විද්‍යා පදනමේ විද්‍යා ප්‍රචලිත කිරීමේ අංශ ප්‍රධානීන්ගේ ඇගැයුමට ලක්වී, තවදුරටත් පරීක්ෂාවට රාගම වෛද්‍ය පීඨයේ අණුක ජීව විද්‍යා අංශයේ අංශ ප්‍රධානී මේනකා හපුගොඩ හා ආචාර්ය තාරක රණතුංගට යොමු කරවන ලදී.

ඔවුන්ගේ නිර්දේශය පරිදි, ජාතික විද්‍යා පදනම මඟින්, ශ්‍රී ලංකාවෙන් මෙලෙස ඉදිරිපත් කළ ව්‍යාපෘති හයසිය ගණනක් අතුරින් රුමල්ගේ වාර්තාවට පළමු ස්ථානය ලබා දෙන ලදී. තවත් ඉන්ජිනේරු අංශයේ ව්‍යාපෘති දෙකක්ද ජයග්‍රහණය කළ අතර ජාතික විද්‍යා පදනම මෙම සිසුන් තිදෙනා හා ව්‍යාපෘතින් මැයි මස 13 සිට 18 දක්වා ඇමෙරිකාවේ පෙන්සිල්වේනියා ප්‍රාන්තයේ පීටස්බර්ග් නගරයේ පැවැත්වූ අන්තර්ජාතික විද්‍යා හා ඉන්ජිනේරු ප්‍රදර්ශනයට තම වියදමින් යැවීය.

එහිදී ලොව ඉහළම විද්‍යාඥයන්, නොබෙල් සම්මානලාභී විද්වතුන් මෙම ව්‍යාපෘති වාර්තා පිරික්සා රුමල් සම්මුඛ පරීක්ෂණවලට යොමුකරන ලදී. සම්මුඛ පරීක්ෂණ රැසක් පවත්වා අවසන ප්‍රදර්ශනයේ පරීක්ෂණ ප්‍රදර්ශන කුටියකදී මහජනතාවට ප්‍රදර්ශනය කිරීමට ඉඩ හළේය. ජනතාවද ඔහුගෙන් ප්‍රශ්න කළේය. අවසන් දින (18දා) පැවැත්වූ රැස්වීමේදී ඒ ශේ‍ර්ෂ්ඨ විද්‍යාඥයන් විසින් රුමල්ගේ කල්පිතය පිළිගනිමින් ඩෙංගු රෝග මර්දනය සඳහා ඩෙංගු මදුරුවා කීට අවස්ථාවේදීම විනාශ කරන නව බැක්ටීරියාවක් සොයා ගැනීම නිමිත්තෙන් ජීව අණුක විද්‍යා අංශයෙන් ලොව තෙවැනි ස්ථානය රුමල්ට ප්‍රදානය කරන ලදී. ඔහුට ත්‍යාග පදක්කම්, සම්මාන සහතික හා මුදල්ද ප්‍රදානය කරන ලදී.

ඔහුගේ ව්‍යාපෘතිය ඇගැයීම් වස් ලොව රටවල විවිධ විද්‍යාඥයන්, විද්‍යා ආයතන, විද්‍යාර්ථීන් සිය ගණනකට ආසන්න ප්‍රමාණයක් පදක්කම්  ඔහුගේ කබායේ පලඳවන ලදී. එලෙස රටවල් හැත්තෑවකින් (70) සහභාගි වූ තරගකරුවන් එක්දහස් හත්සිය අනූ හතරක් (1794) අතරින් ලොව තෙවන ස්ථානය දිනා ගැනීමටත් ශ්‍රී ලංකාවට කීර්තිය ගෙන ඒමටත් රුමල්ට හැකියාව ලැබිණි. ඔහු සමඟ ඉන්ජිනේරු අංශය වෙනුවෙන් ව්‍යාපෘති ඉදිරිපත් කළ මහනුවර ශා. අන්තෝනි හා කඳාන ඩී. මැසනොද් විදුහල්වල සිසුන් දෙදෙනාට හතරවැනි ස්ථාන ලැබී තිබිණි.

රුමල් සොයාගත් බැක්ටීරියාව ‘බැසිලස් සීරිස් ස්ට්‍රේන් ස්ට්‍රේන් එස් එල් 0001’  යනුවෙන් නම් කරන ලදී. එහි කර්තෘත්වය  කේ. රුමල් ඉඳුවර, ටී. බී. රණතුංග, ඩබ්. එන්. ප්‍රනාන්දු, ජේ. ඒ. ඩී. වික්‍රම, ජී. පී. විතානගේ, එච්. ඩී. හපුගොඩ යන අය යටතේ විය.

මෙලෙස රුමල් ලෝක පූජිත වූයේ මදුරුවා කීට අවස්ථාවේදීම විනාශ කර දමන බැක්ටීරියාවක් දිවයිනේම ප්‍රාදේශීයව සොයා ගැනීම නිසාවෙනි. එය ලොව සෑම රටකටම ගැළපෙයි. මදුරුවන් නිසා බෝවන රෝග මැඬපැවැත්වීමට එය බෙහෙවින් උපකාරී වනු ඇත.

Uncategorized

ජගත් පාපන්දු සම්මේලනයේ 21 වැනි ලෝක කුසලාන පාපන්දු තරගාවලිය මේ වසරේ ජූනි මස 14 වැනි දින සිට ජූලි මස 15 වැනි දින දක්වා රුසියාවේදී පැවැත්වේ. සත්කාරක රුසියාව හා සෞදි අරාබිය අතර පැවැත්වෙන තරගයෙන් 2018 ලෝක කුසලාන පාපන්දු තරගාවලිය ආරම්භ වන අතර අවසාන මහා තරගය පැවැත්වීමට නියමිතව තිබෙන්නේ ජූලි 15 වැනිදාය.

තරගාවලියේ මුළු තරග සංඛ්‍යාව 64කි. ජූනි 14 සිට ජූනි 28 දක්වා මූලික තරග 48ක් පැවැත්වීමෙන් පසුව තරගාවලිය ’16 දෙනාගේ වටය’ට පිවිසෙයි. ජූනි 30 වැනිදා ආරම්භ වන එම වටය අවසන් වන්නේ ජූලි 3 වැනිදාය.

තරගාවලියේ අර්ධ අවසන් පූර්ව තරග ජූලි 6 හා 7 දිනවල පැවැත්වීමෙන් පසුව අවසන් පූර්ව තරග ජූලි 10 හා 11 යන දිනවල පැවැත්වෙනු ඇත.

තරගාවලියේ තෙවැනි ස්ථානය සඳහා වන තරගය ජූලි 14 වැනි දින පැවැත්වීමෙන් පසුව අවසාන මහා තරගය ජූලි මස 15 වැනිදා පැවැත්වෙනු ඇත.

මේ අනුව සමස්ත තරගාවලියේ දින 32ක් තියුණු තරග පැවැත්වෙයි.

සිවු වසරකට වරක් පවත්වනු ලබන ලොව ජනප්‍රියතම ක්‍රීඩා ඉසව්ව වන ලෝක කුසලාන පාපන්දු තරගාවලිය පසුගිය වතාවේ පැවැත්වුනේ දකුණු අමෙරිකානු රටක් වන බ්‍රසීලයේ සත්කාරකත්වයෙනි.

Uncategorized

තිස් වසරක යුද්ධය නිමා කරමින්, කුරිරු ත‍්‍රස්තවාදය සහමුලින්ම අවසන් කළ විජයග‍්‍රහණයේ 09 වන සැමරුම යෙදිලා තියෙන්නේ අද.

රට වෙනුවෙන් දිවි පිදූ රණවිරුවන් සමරන “ජාතික රණවිරු දින සැමරුම් උත්සවය”, හෙට පාර්ලිමේන්තු කී‍්‍රඩාංගණ පරිශ‍්‍රයේ පිහිටි රණවිරු ස්මාරකය කේන්ද්‍රකර ගනිමින් පවත් වෙනවා. ඒ, ජනාධිපති මෛතී‍්‍රපාල සිරිසේන මැතිතුමාගේ ප‍්‍රධානත්වයෙන්.

එවකට යාපනය නගරාධිපති ධූරයේ කටයුතු කළ ඇල්ෆ‍්‍රඞ් දොරේඅප්පා ඝාතනයෙන් ඇරඹි තිස් වසරක LTTE ඝාතන රැල්ල නිසා අපේ රටට අහිමි වුන ජීවිත සංඛ්‍යාව ලක්ෂයකට අධිකයි.

බිම්බෝම්බ, මර උගුල්, මරාගෙන මැරෙන බෝම්බකරුවන් යොදාගනිමින් අහිංසක ජීවිත ගණනාවක් විනාශ කිරීමට LTTE සංවිධානය කටයුතු කළා.

හිටපු ජනාධිපති මහින්ද රාජපක්ෂ මහතාගේ පාලන සමයේ එවකට යුධ හමුදාපති සරත් ෆොන්සේකා මහතාගේ නායකත්වයෙන් ත‍්‍රිවිධ හමුදාවේ රණවිරුවන් විසින් මානුෂීය මෙහෙයුම ආරම්භ කලේ 2006 වසරේ ජුනි මස 26 වෙනිදා.ඒ, මාවිල්ආරු සොරොව්ව මුදාගැනීමත් සමගයි.

එතැන් පටන් ඇරඹි මානුෂීය මෙහෙයුම 2009 දක්වා ඇදී ගියා. 2006 වසරේ සැප්තැම්බර් මාසයේදී සාම්පූර් ප‍්‍රදේශය ත‍්‍රස්තවාදීන්ගෙන් නිදහස් කරගැනීමට අපේ අභීත රණවිරුවන් සමත්වුණා.

අනතුරුව සමස්ත නැගෙනහිර පළාතම පියවරෙන් – පියවර මුදවාගත් රණවිරුවන්, ත‍්‍රස්තවාදීන්ගේ ප‍්‍රධානතම බලකොටුවක් ලෙස සැලකෙන කිලිනොච්ච්ය 2009 වසරේ ජනවාරි මස දෙවනදා සියතට ගත්තා.

මව්බිම ත්‍රස්තවාදයෙන් මුදා ගැනීමේ අවසන් සටන ආරම්භ වුණේ, වෙල්ලමුල්ලිවයික්කාල් ප‍්‍රදේශයෙන්.

පියවරෙන් – පියවර ඉදිරියට ඇදුණු අභීත රණවිරුවන්, නන්දිකඩාල් කලපුවේදී විජයග්‍රහණය තහවුරු කර ගන්නවා. ඒ 2009 වසරේ මැයි මස 18 වනදා වේලූපිල්ලේ ප‍්‍රභාකරන් මරමුවට පත් කරමින් එල් ටී ටී ඊ කොටි ත‍්‍රස්තවාදය සහමුලින්ම උපුටා දමලා.

මතක තියා ගන්න අද අපි මේ විදියට නිදහසේ හුස්ම ගන්නේ ජිවිත පූජා කල 28,000 ක් රණවිරුවන්ට සහ ලක්ෂ සංඛාත අබාධිත රණවිරුවන්ට පිං සිද්ධ වෙන්න.

Uncategorized

ලොව ප්‍රසිද්ධ සමාජ මාධ්‍ය ජාලය වන ෆේස්බුක් සමාගමේ නවතම සේවාව ලෙස “මංගල යෝජනා සේවාවක්” අරඹන බවට එහි ප්‍රධානි මාර්ක් සකර්බර්ග් ඊයේ (01) නිවේදනය කළා.

වාර්ෂික F8 සම්මන්ත්‍රණයට එක් වෙමින් මාර්ක් සකර්බර්ග් කියා සිටියේ ෆේස්බුක් හරහා ආරම්භ කිරීමට යන මෙම නවතම “මංගල යෝජනා සේවාව” හරහා ලොව වටා සිටින පුද්ගලයින්ට එක්වීමේ අවස්තාව හිමිවන බවයි.

සකර්බර්ග් පවසන්නේ දැනට ෆේස්බුක් භාවිත කරන පුද්ගලයින් ගෙන් මිලියන 200 ක පිරිසක් තමන් “තනිකඩයින්” ලෙස සිය ගිණුමේ හදුන්වා ඇති බවයි. එම තත්ත්වය මත මෙම මංගල යෝජනා සේවාවෙන් වැඩි ප්‍රයෝජනයක් ගැනීමට හැකිවන බවයි ඔහු කියා සිටියේ.

ෆෙස්බුක් සමාගමේ මෙම ප්‍රකාශයත් සමග අනෙක් මංගල යෝජනා සේවාවන් සපයන ආයතන වල කොටස් වෙළදපල අගය පවා පහත වැටුනු බවයි විදෙස් මාධ්‍ය වාර්තා සඳහන් කරන්නේ.

ඊයේ පැවති F8 සම්මන්ත්‍රණයේදී එළිදැක්වූ ප්‍රොටෝටයිප් ෆේස්බුක් මෘදුකාංගයේ ඉහල දකුණු කෙළවරේ “හදවත” හැඩයට සමාන අයිකොනයක් හදුනවා දී තිබුනා. මංගල යෝජනා සේවයට එක් වීමට අවශ්‍ය ගිනුම්හිමිහිමියන්ට ඒ මත ක්ලික් කිරීමෙන් තම ගිණුමේ තොරතුරැ ෆේස්බුක් “මංගල යෝජනා සේවාව” සමග සම්බන්ධ කරලීමේ පහසුකම පවතිනවා.

එමෙන්ම මෙම මංගල සේවා පහසුකම සැපයීමේදී එම සේවාව හා සම්බන්ධ වන අයගේ තොරතුරැ වල රහස්‍යභාවය සුරැකීමේ ක්‍රමවේදයක්ද සහිතව හදුන්වා දෙන බව පැවසූ ෆේස්බුක් හිමිකරු ඉදිරි මාස කිහිපය තුලදී මෙම නව සේවාව හදුන්වා දීමට අවශ්‍ය පියවර ගන්නා බව පවසා සිටියා.

මේ අතර ඉන්ස්ටග්‍රෑම් (Instagram) සමාජ ජාලය හරහා එය පරිශීලනය කරන්නන්ට වීඩියෝ කෝල් සේවා ලබා ගැනීමේ පහසුකම ලබා දෙන බවට ඊයේ පැවති සම්මන්ත්‍රනයේදී මාර්ක් සකර්බර්ග් කියා සිටියා.

මිට අමතරව වට්ස්ඇප් (WhatsApp) සේවාව හරහා කණ්ඩායම් ලෙස වීඩියෝ කෝල් සේවාවන් ලබාගැනීමේ පහසුකමද ඉදිරියේදී ඇති කරන බව ඔහු වැඩිදුරටත් කියා සිටියා.

Live at F8!

Live at F8!

Posted by Mark Zuckerberg on Tuesday, May 1, 2018

Uncategorized

ඊයේ දිනයේ සමාජ ජාල වල තරමක් ප්‍රචලිත වුනු වීඩියෝවක් ඔබ දකින්න ඇති. රාත්‍රියේ පැවති ධාවනය කරන ලද ත්‍රි රෝද රථ දෙකක් අතර තරගයක්.මෙහිදී එක් ත්‍රි රෝද රථයක් අනතුරකට ලක් වුනා.

‍පොලිසිය පැත්තෙන් කියන්නේ කොළඹ නගරයේ නයිට් රේස් පවත්වන්නේ මෝටර් රථවලින් පමණක් නොවන බවය. යතුරු පැදි මෙන්ම ත්‍රිරෝද රථ රේස්ද දැන් කොළඹ නගරයේ මාර්ගවල වැහි වැසී ඇති බව සඳහන්ය. ත්‍රිරෝද රථ රේස් පදින්නේ රෝද දෙකෙනි.

මෙම තරග වැඩි හරියක් සංවිධානය වන්නේ සෙනසුරාදා සහ ඉරිදා රාත්‍රි කාලයේදීය. ඩුප්ලිකේෂන් මාර්ගය, ගාලු පාර, ග්‍රීන්පාත්, නෙළුම් ‍පොකුණ පාර, පිත්තල හන්දිය, ධර්මපාල මාවත, යන මාර්ග ආශ්‍රිතව බහුල වශයෙන් මෙම නයිට් රේස් පැවැත්වෙන බව ‍පොලිසිය පැත්තෙන් කියන කාරණාවකි.

ඔවුන් වැඩි වශයෙන් නයිට් රේස් සඳහා යොදා ගන්නේ වන්වේ මාර්ගයන්ය. මාර්ගයේ ගමන් ගන්නා වාහනවලට පමණක් නොව, ‍පොලිසියේ වාහනවලට පවා වෙට්ටු දමමින් ඔවුන් රේස් පදින්නේ ‍පොලිසියට කිසි විටකත් ඔවුන් අල්ලා ගන්නට ඉඩක් නොතබමිනි.

කොළඹ නගරයේ සවිකර ඇති ආරක්ෂක කැමරාවල රාත්‍රී කාලයට පැහැදිලි දර්ශන නොලැබෙන බැවින් නයිට් රේස්කරුවන්ට එය මහත් ආශිර්වාදයක් වී ඇත. වැඩි හරියක් රාත්‍රි කාලයට නයිට් රේස් යන්නේද ‍පොලිසියේ ආරක්ෂක කැමරා ඇති මාර්ගවල වීමද විශේෂිතය.

ඒත් අපි මේ කියන්න යන්නේ වෙනස්ම කතාවක්.ත්‍රි රෝද රථ රියදුරෙක් කුලී ගමනක් යන විට තම ජංගම දුරකතනයෙන් සමාජ ජලා වෙබ් අඩවි වෙත පිවිස ධාවනය කරන අවධානම් සහිත වීඩියෝවක් හොදම ගොසිප් අපට ලැබී ඇත.පහතින් නරඹන්න

Uncategorized

ජායාරූප නැරඹීම සදහා පහලට යන්න 

ලෙඩක් දුකක් හැදුන විට කවුරුත් කැමැති සැප පහසු රෝහලක නතර වී ප්‍රතිකාර ලබාගැනීමටය. වර්තමානයේ අතමිට සරු ඇත්තෝ පෞද්ගලික රෝහල් කරා යොමුවීමට ප්‍රධාන හේතු සාධකය වී ඇත්තේ මෙයයි. එහෙත් අද රජයේ රෝහල්වල ද පෞද්ගලික රෝහල්වල සැපයෙන සේවාවන්ට සමාන ආකාරයෙන් සේවා සැපයෙන අවස්ථා ද නැතිවා නොවේ. එවැනි රෝහලක විශේෂ ප්‍රතිකාර ඒකකයක් පිළිබඳව ලැබුණ තොරතුරකට අනුව පසුගිය දිනෙක අපි එහි ගියෙමු.

වයඹ පළාතේ පමණක් නොව උතුරු නැඟෙනහිර දෙපළාතේ රෝගීන් ද ප්‍රතිකාර ලබාගැනීම සඳහා බොහෝවිට පැමිණෙන්නේ මහනුවර ශික්ෂණ රෝහලටයි. මහනුවර ශික්ෂණ රෝහලේ හෘද රෝග ඒකකයේ පිහිටා ඇති “73 -74 ස්නායු ශල්‍ය ඒකක 2” පිළිබඳව අපි ඔබට කියන්නට යන්නේ අලුත්ම ආරංචියකි.

කලකට පෙර ඉතාම අබලන් තත්ත්වයේ පැවැති මේ වාට්ටුව බැලූ බැල්මට පෞද්ගලික රෝහලක වාට්ටුවකැයි සිතෙන තරමට උසස් මට්ටමකින් පවත්වාගෙන යයි. ඒ මෙහි කටයුතු කැරෙන ආකාරයේ විශේෂත්වයයි. වාට්ටුවට ඇතුළත් වීමේදී දකුණු පසින් ඇත්තේ පැමිණෙන රෝගීන්ට, අමුත්තන්ට වාඩිවීමට ඇති පුටු පෙළකි.

ඒ පුටු පෙළට ඉහළින් ඉදිරියේ ඇත්තේ රූපවාහිනී යන්ත්‍රයකි. මේ රූපවාහිනියෙන් විකාශය වන්නේ ටෙලිනාට්‍ය හෝ වෙනත් බහුබූත නොව කොඳු ඇට පෙළ, මොළය සම්බන්ධ රෝගාබාධ ශල්‍යකර්ම හා ශරීරයට වැලඳෙන රෝගාබාධ පිළිබඳව දැනුම ලබා දෙන සමාජයට යම්කිසි අවබෝධයක් ලබා දෙන තොරතුරුය.

බිත්තියේ නිර්මාණය කොට ඇත්තේ බුදුන්වහන්සේ පූතිගත්තතිස්ස තෙරුන්ට උපස්ථාන කරන ආකාරය දැක්වෙන මියුරල් නිර්මාණයකි. එතැන පසුකර වාට්ටුවට ඇතුළත් වීමේදී ඉදිරියෙන්ම ඇත්තේ නෙත සිත පහන් කරවන සමාධි බුද්ධ ප්‍රතිමා වහන්සේය. රෝගීන් මෙන්ම රෝහල් කාර්ය මණ්ඩලය විසින් උදේ හවස මෙහි පහන් දල්වා මල් පූජා කර වන්දනාමාන කරනු ලැබීම ද සුවිශේෂීය.

ස්නායු ශල්‍ය විශේෂඥ වෛද්‍ය ලෙස්ලි සිරිවර්ධන මහතාට බාර වී ඇති වාට්ටුව ඔහු විසින් පුනරුත්ථාපනය කරනු ලැබූවකි.

ඕනෑම වයසක රෝගියකුගේ ජීවිත බේරා ගැනීමේ සටනට උරදී තිබෙන වෛද්‍ය සිරිවර්ධන මහතා ප්‍රතිකාර හා ශල්‍ය කර්ම වලින් බැහැර වූ විට තමා හමුවට පැමිණෙන රෝගීන්ට උපරිම සේවාවක් ලබාදීමට කැපවී කටයුතු කරන්නෙකි. ඔහු මීට මාසයකට පමණ සිදු කළ ශල්‍යකර්මයක් නිසා ජීවිතය අහිමි වීමට ගිය දරු සිඟිත්තියකට ජීවිතය හිමිව ඇත.

පොලොන්නරුවේ උපන් මොහාජිනා උපතින්ම රෝගී දැරියකි. ඇගේ හිස් කබලේ ඇති සිදුරක් නිසා මොළයේ වතුර, පටල, සහ කැබැල්ලක් පිටට නෙරා ඒමෙන් ඇය සිටියේ ජීවිතයත් මරණයත් අතර සටනකය. ඉපදී දවස් තුනකින් පමණ ස්නායු ශල්‍ය විශේෂඥ සිරිවර්ධන මහතා හමුවට මේ රෝගී දැරිය ඉදිරිපත් කරනු ලැබීය.

වෛද්‍ය නියමය වූයේ හැකි තරම් ඉක්මනින් ශල්‍යකර්මයක් සිදු කළ යුතු බවය. අවශ්‍ය කටයුතු සියල්ල සකස් කැරිණි. ශල්‍යකර්මය ඉතා සාර්ථකව සිදුවූයේය. දැන් දැරිය‍ගේ වයස මාස එකහමාරකි. දැරිය යහපත් සෞඛ්‍ය තත්ත්වයෙන් පසුවෙයි.

කඩවත චමෝද් හේෂාන් හදිසි අනතුරකට ලක්වීමෙන් මොළයට ලේ ගමන් කිරීම නිසා අසාධ්‍ය තත්ත්වයට පත්වූයේය. මේ සැත්කම සිදුකිරීම සඳහා පෞද්ගලික රෝහලකින් නියම කළ මිල වූයේ රුපියල් ලක්ෂ අටකි. එහෙත් මේ සැත්කම මහනුවර මහ රෝහලේ ස්නායු ශල්‍ය ඒකකයේ දී නොමිලේ සිදුකැරිණි.

මේ අතර තවත් රෝගී මවකගේ ජීවිතය ගලවා ගැනීම සඳහා මොළයේ සැත්කමක් සිදුකිරීමට තිබිණි. පෞද්ගලික රෝහලක මිල නියම කැරුණේ රුපියල් ලක්ෂ විස්සක් වශයෙනි. එනමුත් එම සැත්කම ද මහනුවර රෝහලේ දී සිදුකැරිණි එම මවගේ වයස අවුරුදු හැත්තෑ හතකි.

ඇගේ උපන් දිනය සමරනු ලැබුවේ රෝහලේ වාට්ටු‍ෙව්දීය. භික්ෂූන් වහන්සේ නමක වැඩම කරවා ආශිර්වාද කර කිරිබත් සහ කේක් රස බලා ප්‍රධාන වෛද්‍යවරයා ඇතුළු හෙද හෙදි කාර්ය මණ්ඩලය රෝහල් වාට්ටුව තුළ දී රෝගී මවගේ උපන් දිනය සැමරීය.

වෙදකම පමණක් නොව හෙදකම ද කරන 73 – 74 වාට්ටු සංකීර්ණයේ සිදුවීම් කිහිපයක් එසේය. මේ එහිදී අපි දුටු තවත් අමතක කළ නොහැකි සිද්ධියකි.

“මට යන්න බෑ”

ඒ අපට ඇසුණු හඬකි.

“යමු. යමු..” සිංහලෙන් ද දෙමළෙන් ද කියනු ඇසිනි. වයසක රෝගියකු තම ඥාතියාගේ අත ගසා දමා යළිත් ඇඳට නැංගේය. පරීක්ෂණ කිහිපයකට රෝහලට ඇතුළත්ව සිටි එම රෝගියා එදින ටිකට් කපා ගෙදර යාමට නියමිතව සිටියේය. එහෙත් රෝහල් වාට්ටුවෙන් ලැබෙන ආදර සත්කාර හමුවේ ඔහු රෝහල දමා යාමට අකමැතිය. ඔහු පමණක් නොව බොහෝ රෝගීන් වාට්ටුව දමා යාමට අකැමැති සේය.

අපි උදේ පහට හයට බැලුවත් ලොකු මහත්තයා මේ වාට්ටුවේ ඉන්නවා. රෑ දහයට එකොළහට බැලුවත් ‍ලොකු මහත්තයා වාට්ටුවේ රෝගීන් අතර සිටි එක් රෝගියකු පැවසුවේ සිය සතුට පළ කරමිනි.

රෝගීන් මේ තරම් 73 – 74 වාට්ටුවේ නැවතී සිටීමට ප්‍රතිකාර ලබාගැනීමට කැමැති ඇයි? මෙය ඔබේ සිතට නැ‍ෙඟන ප්‍රශ්නයක් විය හැක.

මම මේ රෝහලට ආවේ බදුල්ල රෝහලේ සිටයි. ඒ එන විට මම දුටු දෙයක් තමයි වාට්ටුවේ කිසිම පිළිවෙළක් නොතිබීම. මට ඕන වුණා වාට්ටුව, එහි තිබෙන වැසිකිළි කැසිකිලි ආදිය පිළිවෙළකට හදන්න. අද අපේ රෝගීන් බොහෝ විට පෞද්ගලික රෝහල් වලට යන්නේ මෙන්න මේ අපහසුකම් නිසා. මම මට හමුවන දානපතියන්ගේ උදව් උපකාර අරගෙන මේ වාට්ටුව ‍ගොඩනැඟුවා. මුලින්ම මට ඒ සඳහා උදව් කළේ ම‍ගේ ගුරුවරයා වන ශල්‍ය වෛද්‍ය විශේෂඥ සුනිල් පෙරේරා මහතායි.

රෝහල් අධ්‍යක්ෂතුමා ‍වගේම ‍ෙබාහෝ අය මේ සඳහා උදවු කළා. දැන් මේ වාට්ටුවේ පහසුකම් ‍ෙබාහොමයක් තිබෙනවා. උස් පහත් කළ හැකි ඇඳන් මෙන්ම දැඩි සත්කාර ඒකකය, අධි සත්කාර ඒකකය බොහෝම හොඳට ‍ ක්‍රියාත්මක වෙනවා. අපට අවශ්‍ය මෙපමණයි රෝහල කරා එන රෝගීන්ට උපරිම සේවාවක් ලබා දීම.

ඒ වගේම ඕනෑම කෙනෙකුට මේ වාට්ටුව සඳහා උදව් කිරීමටත් හැකියාව තිබෙනවා. අලුතෙන්ම ඉදිකරන ලද වැසිකිළි පද්ධතිය පිරිසුදු කිරීම සඳහා වෙනම කෙනෙක් පත්කර සිටිනවා. ඔහුගේ මාසික වැටුප ගෙවීමට අපට කාගේ හෝ උදව් ලැබෙනවා.”

වෛද්‍ය සිරිවර්ධන පවසයි. සුළු සේවකයා ‍ෙග් වැටුප් ගෙවීම සඳහා මුදල් නොමැති වුවහොත් අඩුපාඩු තිබුණහොත් ඇතැම් විට එය පියැවෙන්නෙ වෛද්‍ය සිරිවර්ධන මහතාගේ පොකැට්ටුවෙනි.

ඔහු සියල්ල පිළිවෙළකට කිරීමට කැමැතියි. ඔහුට දැන් අවශ්‍ය තමන් විසින් කරන ලද මෙහෙවර තමාගෙන් පසුව ද එලෙසින්ම ක්‍රියාත්මක වනු දැකීමය.

“අපි විවිධ පරිත්‍යාගශීලීන්ගේ මුදල් උපකාරයෙන් තමයි මේ වාට්ටුව මේ තත්ත්වයට ගෙනාවේ. එකම අරමුණ මෙයයි. යම් දිනෙක මා මෙතනින් ගිය පසුවත් මේ වාට්ටුව මේ විදිහටම පිළිවෙළකට තිබිය යුතුයි. එහෙම පිළිවෙළකට තිබෙන්න නම් හොඳින් නඩත්තු කටයුතු සිදුවිය යුතුයි. මට අවශ්‍ය ඉදිරියේ දී මේ වාට්ටුව නඩත්තු කිරීමට කවුරු හෝ පරිත්‍යාගශීලීන්ගේ උදව් උපකාරයි.”

මේ ස්නායු ශල්‍ය වාට්ටුවේ ප්‍රධාන හෙදිය මාරසිංහ මහත්මියයි. තිස්හය වසරක සේවා කාලයක් සපුරා ඇති ඇය ද වාට්ටුව ගොඩනැඟීම සඳහා ප්‍රධාන වෛද්‍යවරයාට උදව් වන තවත් අයෙකි.

“අපේ වාට්ටුවේ හෙදියෝ 29 දෙනෙක් ඉන්නවා. අනෙකුත් සේවකයන් 24 දෙනෙක් ඉන්නවා. අපි හැමෝම බොහොම කැපවීමෙන් ප්‍රධාන වෛද්‍යවරයා ගේ කටයුතුවලට උදව් උපකාර කරනවා. අපේ වාට්ටුවේ සිටින කිසිම කෙනකුට සැරෙන් කතා කිරීම තහනම්. අපි හැම විටම බලන්නේ අසරණ වූ රෝගීන් ගැනයි.

කිසි විටෙක රෝගියකු බලාගන්න ඔවුන්ගේ ඥාතීන් වාට්ටුවේ නතර කරගන්නේ නැහැ. නමුත් එහෙම වුණා කියලා අපි රෝගීන් අපිරිසිදුව තබන්නේ නැහැ. අපේ හෙදියන් කාර්ය මණ්ඩලය මේ අය ගෙදර අයටත් වඩා හොඳින් බලාගන්නවා. ඔවුන්ගේ රෙදි සෝදා නාවා පිරිසිදු කරනවා.මාරසිංහ මහත්මිය පවසන්නීය.

ගොවියකු වූ තලගහගෙදර සෙනෙවිරත්න, ගසකින් ඇදවැටීම නිසා කොඳුඇටපෙළට හානි සිදුවීමෙන් ඇඳටම වැටී සිටින්නෙකි. දැන් ඔහුට හැරෙන්නට පෙර‍ෙළන්නට නොහැකිය. වෛද්‍යවරයාගේ අරමුණ මොහුට කකුල් නැවීමටත් වාඩිවීමටත් හැකි වන අයුරින් ශල්‍යකර්මයක් සිදුකිරීමය.

“මේ අනතුර වුණ නිසා මං හරි අපහසුතාවට පත්වුණා. මගේ දුව මෙවර උසස් පෙළ විභාගයෙන් කලා අංශයෙන් මාතලේ දිස්ත්‍රික්කයෙන් අටවැනි තැන. අනෙක් දුවත් තවම පාසල් යනවා. මට මගෙ දරුවන්ට උගන්වන්න ඕන. දොස්තර මහත්තයගෙ පිහිට විතරයි මට තියෙන්නේ.”

ඔහු වෛද්‍යවරයාගේ දෑතම අල්ලා ගනිමින් පවසයි. ස්නායු ශල්‍ය විශේෂඥ වෛද්‍ය ලෙස්ලි සිරිවර්ධන මහතා රෝගීන් හොඳින් ‍ෙත්රුම් ගෙන තම ප්‍රියයන්ගෙන් වෙන්ව සිට, කොළඹට පැමිණීමට හැකියාව තිබුණ ද ඈත දුෂ්කර ගම්මානවලින් පැමිණෙන අසරණ රෝගීන් වෙනුවෙන් කැපවීමෙන් කටයුතු කරන්නේය. විශේෂයෙන්ම ඔහු මුදල මත නොව සේවාව ගැන සිතා කටයුතු කරන්නේය.

 

 

Uncategorized

රට තුළ හදිසි නිතිය දින 10කට පැනවීමට  කැබිනට් මණ්ඩලය තීරණය කළ බව රජයේ සම කැබිනට් ප්‍රකාශක ඇමැති දයාසිරි ජයසේකර මහතා පැවසීය.

අදාල ගැසට් නිවේදනය අද (6) නිකුත් කෙරෙන බවද ඔහු කීවේය.

තෙල්දෙනිය හා අම්පාර සිද්ධි පදනම් කර  ගනිමින් කලකෝලාහල තත්ත්වයක් ඇතිවිය හැකි බැවින් මෙම තීරණය ගත් බව ඇමැති දයාසිරි ජයසේකර මහතා සඳහන් කළේය.

මේ අතර රට තුළ ජාතිවාදය ඇතිවන ආකාරයෙන් වෙබ් අඩවි ඔස්සේ ගෙන යන වැරදි ප්‍රකාශයන් සම්බන්ධයෙන් පියවර  ගැනීමටද කැබිනට් මණ්ඩලයේ දී සාකච්ඡා වු බව ඔහු කීවේය.