සයුරෙන් එහා පුවත්

ඉතාලියට රැකියා සඳහා සංක්‍රමණය වු සමහර ලාංකිකයන් දිනෙන් දිනම එරටදි විවිධ නීති විරෝධි කටයුතු සම්බන්ධයෙන් එරට සමාජය තුල අපවාදයට ලක් වෙද්දි පසුගියදා රෝම නගරයේ රැකියාව කරන ලාංකිකයෙක් එරට මාධ්‍ය තුලින් හා ඉතාලි සමාජය තුල ප්‍රසාදයට ලක්වු පුවතක් පසුගියදා වාර්තා වී  තිබෙනවා.

ඒ එම ලාංකිකයා රැකියාවට යන අතරතුර තමන්ට මගමග තිබී හමුවූ එරට මුදලින් යුරෝ 5000කට අධික වටිනාකමකින් යුත් මෙරට මුදලින් රුපියල් ලක්ෂ 10ක් පමණ වන රොලෙක්ස් වර්ගයේ වටිනා අත් ඔරලෝසුවක් රෝම නාගරික පොලිසියට බාර දීමයි.

මෙම සත්ක්‍රියාව සිදුකර ඇත්තේ මාතර ප්‍රදේශයේ සිට ඉතාලියට ගොස් එහි සේවයේ නියුතුව සිටින ප්‍රභාත් පින්සර නැමති අයෙකි.

ලාංකීය ජාතියේ නාමය ඉතාලි සමාජය තුල යහපත් ආකාරයෙන් තබන්නට දායක වු  ප්‍රභාත් පින්සර මහතාට එරට රැකියා නියුතු ලාංකිකයන්ගේ ද  පැසසුම් ලැබී ඇතැයි  සඳහන්.

 

සයුරෙන් එහා පුවත්

බොහොමයක්‌ දෙනා පැහැර ගැනීමකට ලක්‌වූවෙකුගේ අත්දැකීම් කෙබඳුදැයි දකින්නේ චිත්‍රපටවලිනි. සමහරෙකුට එය ඒ මොහොතට ත්‍රාසජනක විනෝදයක්‌ ලබා දෙන කතාවක්‌ පමණි.

නමුත් මිෂෙල් නයිට්‌ හට පැහැර ගැනීම එසේ අමතක කළ හැකි කතාවක්‌ නොවේ. වයස අවුරුදු 21 දී පැහැර ගැනීමකට ලක්‌ වූ ඇයට වසර එකොළහක්‌ම ඒ අධම මිනිසාගේ සෑම පහත් ක්‍රියාවක්‌ම විඳිමින් ජීවත් වෙන්නට සිදු විය. ඒ මුළු කාලය පුරාවට ඈ සිරකාරියක්‌ව සිටියේ කිසිවෙකුටත් නොපෙනෙන ලෙස තාප්පයකින් වටවූ හෝ හුදෙකලා වූ නිවසක නොවේ. ඇය පැහැර ගැනීමට ලක්‌ වූ එක්‌සත් ජනපදයෙ ඔහායා දනවුවේ ක්‌ලීව්ලන්ඩ් නුවර එක ළඟ නිවෙස්‌ පිහිටි වටපිටාවක පිහිටා තිබූ පැහැරගත් මිනිසාගේම නිවසේය.

පුදුමය නම් කිසිවෙකුටත් නොදැනෙන්නට අරියෙල් කැස්‌ත්‍රො නම් ඔහු මිෂෙල් සමඟ තවත් යෞවනියන් දෙදෙනෙකුද ඒ නිවසේ සිරකර ගෙන සිටීමයි. ඇමැන්ඩා බැරි සහ ජිනා දේහින්සෝස්‌ සමඟින් ඒ සිරවූ ජීවිතයෙන් මිදී ඇවිත් වසර 5 ක්‌ ගෙවීම නිමිත්තෙන් මිෂෙල් මේ මාසයේ ඇගේ දෙවැනි නිබන්ධනය වූ ලයිෆ් ආෆ්ටර් ඩාර්ක්‌නස්‌ එළි දැක්‌වූවාය. 2014 පළ වූ හොඳ අලෙවියක්‌ තිබූ ඇගේ ෆයින්ඩ්න් මී නම් ග්‍රන්ථයෙන් ඇමැන්ඩා සහ ජිනා නිවසට ගෙන ඒමට පෙර අරියෙල් කැස්‌ත්‍රොaගෙන් විඳින්නට සිදු වූ ම්ලේච්ඡ ශාරීරික මානසික සහ චිත්තවේගාත්මක වධ බන්ධන හෙළි කර තිබුණි.

තවදුරටත් සිහිනෙන් බය වීම සිදු නොවුණත් ජීවිතයෙ ඉතිරි කාලයේ දිගටම යථා තත්වයට පත්වීමේ ක්‍රියාවලිය නම් පවතිනු ඇතැයි ඇය වාර්තාකරුවෙකුට පවසා තිබුණාය. මිෂෙල් අද ප්‍රීතිමත් යුග දිවියක්‌ ගත කරමින් සිටින්නීය. එහෙත් තවමත් දෛනික ජීවිතයේ කටයුතුවලදී යම් යම් සුවඳ, ආහාර සහ ද්‍රව්‍ය මඟින් ඇය සිටි නරකාදිය මතකයට නැඟෙන බව මිෂෙල් හෙළි කර තිබුණාය.

මිෂෙල් ලිංගික අපයෝජනයට ගොදුරුව හැදී වැඩුණු අයෙකි. 2002 අගෝස්‌තු මස දිනක ඇයට අරියෙල් කැස්‌ත්‍රො මුණ ගැසුණේ තම දෙහැවිරිදි පුතා හදා වඩා ගැනීමට දීම සම්බන්ධ කටයුත්තකට යමින් සිටියදීය. අදාළ ස්‌ථානයට තම වාහනයේ නැඟී යා හැකි බව ඔහු මිෂෙල්ට පැවසුවේය. තම මිතුරියකගේ පියා වූ කැස්‌ත්‍රො අමුත්තෙකු නොවීය. යන අතරමගදී කැස්‌ත්‍රොට තම නිවසට යැමට අවශ්‍ය විය. ඒ මිෂෙල්ගේ පුතා වෙනුවෙන් නිවසේ තබාගෙන සිටි බලු පැටවා ඇයට භාර දීමටය.

කැස්‌ත්‍රොaගේ නිවසට පැමිණි විට නිදන කාමරයේ කණ්‌ණාඩි මේසය යට සොයා බලන ලෙස ඔහු මිෂෙල්ට පැවසුවේය. ඒ අනූව ඇය බලුපැටවා සෙවීමට ගිය විට වහා ක්‍රියාත්මක වූ ඔහු දොර වැසුවේය. ඉන් පසු ඇයව බිමට තල්ලු කර අත්පා බැඳ දැමූ බව ඇයට මතකය. දින දෙකකට පසුව පැමිණි කැස්‌ත්‍රො මිෂෙල්ව දූෂණය කළේය. ඉන්පසුව ඔහු පඩිපෙළ දිගේ ඇයව ඇදගෙන ගොස්‌ පතුල්මාලයේ සිර කළේය. කැස්‌ත්‍රොගේ ග්‍රහනයේ සිටි කාලය තුළදී මිෂෙල් පස්‌ වතාවක්‌ම ගැබ් ගත්තාය. ඒ සෑම වතාවකම ඔහු කළේ ඇයව කුසගින්නේ තබා ගබ්සා වෙනතුරුම පහර දීමය.

2003 අප්‍රේල් මස කැස්‌ත්‍රො 17 හැවිරිදි ඇමැන්ඩා බෙරි පැහැරගෙන නිවසට ගෙන ආවේය. ඉන් වසරකට පසුව 14 වියේ පසුවූ ජිනා දේහින්සෝස්‌ පැහැරගෙන නිවසට ගෙන එනු ලැබුණි. ඇයව සිර කෙරුණේ මිෂෙල් සිටි කාමරයේමය. ඔවුන්ට ආහාර දීම කෙරුණේ දිනකට එක්‌ වතාවකි. වැසිකිලි අවශ්‍යතාවන් වෙනුවෙන් ප්ලාස්‌ටික්‌ වැසිකිලි භාවිතයට බල කෙරුණු අතර වැඩිම වුණොත් සතියකට දෙවරක්‌ නෑමට ඉඩ ලැබුණි.

ඇමැන්ඩා ගැබ්ගත් පසුව ඇයට දරුවා වැදීමට ඔහු ඉඩ හළේය. පසුව කැස්‌ත්‍රො ඔවුන් බැඳ දමා තිබූ දම්වැල් මදක්‌ ලිහිල් කිරීමද කළේය. සති අන්තයන්හිදී පැය කීපයකට මුළුතැන්ගෙට සහ සාලයට යැමට තිදෙනාට ඉඩ ලැබෙන තරමට අවසානෙදී සිරකිරීම ලිහිල් කෙරුණි. ඔවුන් බලා සිටියේ ඒ නරකාදියෙන් ගැළවී යා හැකි අවස්‌ථාවක්‌ එළැඹෙන තුරුය. අවස්‌ථාවන් කීපයක්‌ම ලැබී තිබුණත් ඒවා කැස්‌ත්‍රො ඔවුන්ව පරීක්‌ෂා කිරීමේ අදහසින් හිතාමතාම ඇති කළ ඒවා විය. ඒ නිසා ඒ උත්සාහයන් නිම වූයේ කැස්‌ත්‍රොගේ අතටම හසුවී ඔහුගේ ගුටි බැටවලට ලක්‌ වීමෙනි.

2013 මැයි 6 දින ඇමැන්ඩාට අසල්වැසියන් හා සම්බන්ධවීමේ අවස්‌ථාවක්‌ උදාවිය. කැස්‌ත්‍රො පිටතට යන විට ප්‍රධාන දොරේ බාහිර කුණාටු දොර වසා ගොස්‌ තිබුණත් ඇතුළත දොර වැසීමට අමතක වී තිබුණි. එය කැස්‌ත්‍රොගේ පරීක්‌ෂාවක්‌ දැයි නොදන්නා නිසා ඇමන්ඩා දොර කැපීමට නොසිතුවාය. ඒ වෙනුවට ඇය වීදුරු දොරෙන් අසල්වැසියෙකු පෙනෙන විට කෑ ගැසුවාය.

අවසානයේ ඇය අසල්වැසියන්ගේ ආධාරයෙන් කුණාටු දොරේ පහළ කුහරයක්‌ සාදා තම දරුවා සමඟ ඉන් රිංගා පිටතට පැමිණියාය. ඉන්පසු ඇය අසල්වැසියෙකුගේ නිවසට ගොස්‌ 911 ඇමතුවාය. ඒ අනුව ක්‍රියාත්මක වූ පොලිසිය විසින් මිෂෙල් සහ ජිනාද නිදහස්‌ කරගනු ලැබුණි. අත්අඩංගුවට ගත් කැස්‌ත්‍රො පැහැරගෙන යැම් 512 ක්‌ ස්‌ත්‍රී දූෂණ 446 ක්‌ සහ බරපතළ මරණ 2 ක්‌ සම්බන්ධයෙන් චෝදනා ලැබුවේය. සිර දඬුවම් නියම වීමෙන් මාස එකහමාරකට පසුව ඔහු සියදිවි හානි කර ගත්තේය.

මිෂෙල් නයිට්‌ගේ දෙවන පොතෙන් කැස්‌ත්‍රො නිසා විඳි බලවත් ඛේදවාචකයෙන් පසුව බලාපොරොත්තුවකින් පිරි ඇගේ ජීවිතය විස්‌තර වෙයි. තම අමිහිරි අතීතය අනාගතයට බාධාවක්‌ වීමට ඉඩ නොදෙමින් ඇය අලුත් ජීවිතයකට මං තනමින් සිටින්නීය. ඒ වෙනුවෙන් ඇය ලිලි රෝස්‌ ලෙසින් තම නමද වෙනස්‌ කරගෙන තිබේ. හදාගත් මවුපියන්ගේ රැකවරණයේ වැඩෙන තම දරුවා මුණ ගැසීමට ඔහු වැඩිහිටියෙකු වෙන තුරු ඇය උපෙක්‌ෂාවෙන් බලා සිටින්නීය.

– නිල්මිණි රාජපක්‍ෂ රදලගේ

සයුරෙන් එහා පුවත්

ඉතාලියේ පාදුවා නගරයේ ජීවත්වන ලාංකික තරුණියක් එරට මිස් ඉතාලියා තරගාවලියට සමගාමීව පැවැති මිස් වෙනෙතෝ පළාත් තරගාවලියේ පළමු ස්ථානය දිනාගෙන ඇත.

ඉතාලි ජාතික තරුණියන් 28 දෙනෙකු අබිබවා මෙම කිරුළ හිමි කරගෙන ඇත්තේ පාදුවා නගරයේ තම මාපියන් සමග ජීවත් වන සෙව්මි තාරකා ප්‍රනාන්දු නැමති තරුණියයි.

ඉකුත් 11 දා  පාදුවා නගරයේ කම්පෝසම්පිරියෝ ප්‍රදේශයේදී මෙම තරගය පවත්වා ඇති අතර, වෙනෙතෝ පළාත නියෝජනය කරමින් මිස් ඉතාලියා තරගයට මෙම ලාංකීක තරුණිය සුදුසුකම් ලබා තිබේ.

ඉතාලියේ සියලුම පළාත් වලින් මේ වන විට මිස් ඉතාලියා තරඟය සදහා තෝරාගැනීම් සිදු කරන ලබනවා.1939 වර්ෂයේදී ඉතාලියේ ආරම්භ කරන ලද මිස් ඉතාලියා රූ රැජින තරගය මුළු ලෝකයේම අවධානය යොමු කරන තරඟ වලින් ප්‍රමුඛස්ථානය ගනියි.

සෙව්මි තාරකා ප්‍රනාන්දු ජයග්‍රහණය කල මිස් ඉතාලියා  රූ රැජින වෙනෙතෝ පළාත් තරගාවලියේ ජායාරූප පහතින් නරඹන්න

 

 

 

සයුරෙන් එහා පුවත්

මේ දිනවල බ්‍රිතාන්‍යයේ සියලුම පුවත්පත්වල අවධානය යොමු වී ඇත්තේ එකම දෙයකටය. පත්‍රය කුමක් වුවත් ප්‍රධාන මාතෘකාව කාටත් පොදුය. ඔවුන් දිවා රෑ ලියන්නේ කතා කරන්නේ බි්‍රතාන්‍යයේ ඔටුන්න හිමි පස් වැන්නා හැරී කුමරු හා ඇමෙරිකන් ටෙලි නාට්‍ය නිළි මෙගන් මේකල් අතර සිදුවන රාජකීය මංගල්‍යය ගැනය.

ලබන මැයි 18දා මහ රැජනගේ වින්ඩ්සර් එඑච්ඉ මාලිගාවේ ශාන්ත ජෝර්ජ් දේවස්ථානයේදී හැරී කුමරු හා මේගන් මාකල් අතර විවාහය සිදුකරනු ලබන්නේ බි්‍රතාන්‍යයේ ප්‍රධානතම දේවගැතිතුමා වන කැන්ටබරියේ ආචි බිෂොප් ජස්ටින් වෙල්බි උතුමාණන් විසිනි.

හැරී කුමරුගේ මාමා හා ළඟදී ලංකාවට පැමිණි එඩ්වඩ් කුමරු විවාහ වූයේත් චාර්ල්ස් කුමරු හා කැමිලා බෝල්ස් යුවළ විවාහ ආශිර්වාද ලබා ගත්තේත් මෙම ශාන්ත ජෝර්ජ් දේවස්ථානයේදීය.

හැරී කුමරු හා මෙගන්ගේ විවාහ මංගල්‍යය උත්සවය දවල් 12ට පටන් ගන්නා අතර විවාහයේ සියලු චාරිත්‍ර ඉටු කිරීම හා දේව මෙහෙය පැයකින් පමණ අවසන් වීමට නියමිතය.

මෙම විවාහ මංගල්‍ය සියැසින් දැක බලා ගැනීමේ වාසනාව ලබා ඇති අති විශේෂ අමුත්තන් හයසිය දෙනාගෙන් 350ක් පමණ මනාලයාගේ හා මනමාලියගේ පෞද්ගලික මිතුරන්ය. ඉතිරි 250 දෙනා මහ රැජන ඇතුළු රාජකීය පවුලේ නැදෑයන් හා ඉතා සමීපතම හිතවතුන්ය. ඩයනා කුමරියගේ අවමඟුල් උළෙලේදී මුළු ලොවම හඬවමින් CaNdle in the wiNd (හුළඟේ දිලෙන ඉටිපන්දම් සිළුව) ගීතය ගැයූ සුප්‍රසිද්ධ ගායක EltoN jhoN හා Spice Girl ගීත කණ්ඩායමේ ගායිකාවන් පස් දෙනාද ලෝක ටෙනිස් ශූරී Serena Williames හා හැරී කුමරුගේ පැරණි පෙම්වතියන් දෙදෙනකු වූ cressida boNas හා Chelsy Davy සුරූපිනියන් දෙදෙනාද මෙම අති විශේෂ අමුත්තන් ගොන්නට අයත්ය. ඉන්දියානු සුප්‍රකට නිළි ප්‍රියංකා චොප්රාටද විශේෂ ආරාධනාවක් ලැබී ඇත.

මෙගන් මේකල් ප්‍රධාන නිළියක් වශයෙන් රඟපෑ ඇමෙරිකාවේ ජනප්‍රිය ටෙලි නාට්‍යයක් වූ SUITS හි රඟ පෑ නළු නිළියන්, අධ්‍යක්‍ෂවරයා ඇතුළු සියලු දෙනාම මෙම මඟුලේ විශේෂ අමුත්තෝ වෙති. ඇමෙරිකන් ජාතිකයන් වූ ඔවුන් බි්‍රතාන්‍ය රාජකීය මඟුලකට මේ සහභාගි වෙන්නේ ජීවිතයේ ප්‍රථම වතාවටය. ඒ නිසා රජකීය මංගල උළෙලට ඇඳිය යුතු ඉහළ පන්නයේ ඇඳුම්, රැජන ඉදිරියේදී හැසිරෙන හැටි, කතා කරන විලාශය, උත්සව ශාලාවේ ඇවිඳින හැටි, භෝජන අනුභව කරන අන්දම ඇතුළුව සියලුම චාරිත්‍ර හා සම්ප්‍රදායන් ගැන ඔවුන් මේ දිනවල ඇමෙරිකන් සමාගමකින් “ටියුෂන්” ගනිමින් සිටින බව NEW YORK TIME පත්‍රය කියා සිටියි.

මෙම මංගල උත්සවයේ විශේෂ සිද්ධිය වන්නේ අගමැතිනිය තෙරේසා මේ මහත්මිය කැබිනට් ඇමැතිවරු ඇතුළු කිසිම බි්‍රතාන්‍ය දේශපාලනඥයකු හෝ ලෝකයේ කිසිම රාජ්‍ය නායකයකුට ආරාධනා නොකිරීමයි. අපි ලෝකයේ සියලුම රාජ්‍ය නායකයන්ට චාර්ල්ස් – ඩයනා විවාහයට 1981දී ආරාධනා කළේ චාර්ල්ස් ඔටුන්න හිමි කුමාරයා නිසයි. ඒකයි රාජකීය සම්ප්‍රදාය. හැරී කුමරු ඔටුන්න හිමි පස්වැන්නා නිසා බි්‍රතාන්‍ය ලෝක නායකයන්ට ආරාධනා කිරීමේ සිරිතක් නැහැ” යි බකින්හැම් මාලිගාවේ නිලධාරියකු ප්‍රකාශ කරයි.

මේ අති විශේෂ රාජ්‍ය මංගල්‍යය ශාන්ත ජෝර්ජ් දේව මැඳුර තුළඳී සියැසින් දැක බලා ගන්නට පැමිණෙන අති විශේෂ අමුත්තන් 600 දෙනාට අමතරව එදින වින්ඩ්සර් මාලිගාවේ උද්‍යාන භූමියට පැමිණ විවාහ මංගල්‍යය රූපවාහිනියෙන් නරඹන ලෙස ආරාධනා ලබා ඇති තවත් වාසනාවන්තයන් පිරිසක් ද සිටී.

ඔවුන් කිසිවකු හැරී මේගන් යුවළ පෞද්ගලිකව හඳුනන්නේ නැත. නමුත් ඔවුන් බොහෝ දෙනා නොයෙකුත් අන්දමේ සමාජ සේවයේ යෙදෙන පුරවැසියන්ය. නැතිනම්  OXFAM,SAVE THE CHILDREN වැනි පුණ්‍යායතනවල සාමාජිකයන්ය. එසේ නැතිනම් කෙනකුගේ ජීවිතයක් බේරා ගත් විශිෂ්ට පුද්ගලයන්ය. පරහිතකාමී දානපතියන්ය. රෝහල් සේවකයන්ය. වීර ක්‍රියාවන්හි යෙදුණ ගිනි නිවන, ගිලන් රථ, පොලිස් හෝ ආරක්‍ෂක අංශවල විශ්‍රාම ලත් සාමාජිකයන්ය. රට පුරා සිටින මෙවැනි උදාර පුද්ගලයන් අතරින් ඉහළින්ම ඇති 2500 දෙනාට තම පවුල් පිටින් මේ අති විශිෂ්ට දිනයට සහභාගි වන ලෙස හැරී හා මෙගන් විසින් ආරාධනා කිරීම ඔවුන් කරන ලද ඉතා යහපත් ක්‍රියාවක් යැයි ලන්ඩන් ටයිම්ස් පත්‍රය ප්‍රශංසා මුඛයෙන් කියා සිටී. මේ අතර හැරී කුමාරයා තම මංගල්‍ය උත්සවය හරහා විරසක පවුල් අතර සාම දූතයකු ලෙස ක්‍රියා කරමින් සැමෝගේම ප්‍රශංසාව දිනා ගෙන සිටී.

මේගන් මාකල්ගේ මව DORIA RAOWDND හා පියා THOMAS MARKLE 1987 දී දික්කසාද වන විට මෙගන් වයස හයක් වූ ඉතා ළාබාල දැරියකි. අප්‍රිකා – ඇමෙරිකන් සම්භවයක් ඇති DORIAඇමෙරිකාවේ කැලිෆෝනියා නුවර නතර වූ අතර ඕලන්ද හා අයිරිෂ් මිශ්‍ර සම්භවයක් ඇති THOMES දික්කසාදයෙන් පසු මෙක්සිකෝ නුවර තනිවම ජීවත් විය. ඔවුන් දෙදෙනා අතර කිසිම ඇයි හොඳයියක් නැත.

නමුත් හැරී කුමාරයා තම අනාගත නැන්දම්මා හා මාමණ්ඩියට රාජ්‍ය අමුත්තන් ලෙස සහභාගි වන ලෙස ආරාධනා කළේය. මංගල දිනට සතියකට පෙර සිට ඔවුන් දෙදෙනාට මහ රැජනගේ අති විශේෂ අමුත්තන් ලෙස බකින්හැම් මාලිගාවේ නැවැතීමට නියමිතය.පරණ තරහ අත හැර ඔවුන් දෙදෙනා ඒ කාලය සුහදව කතා බස් කරනු ඇතැයි සැවොම බලාපොරොත්තු වෙති.

ශාන්ත ජෝර්ජ් දේවස්ථානයට යන රථ පෙරහරේ මනාලියගේ රථයේ ඇයගේ මව DORIA ගමන් ගන්නා අතර 600ක් අමුත්තන් මැද්දේ මෙගන් මාකල් මංගල පෝරුව වෙත ගමන් ගනු ලබන්නේ තම ආදරණීය පියා ඊඩ්ර්ණීර්ඒඉ ගේ අතින් අල්ලාගෙනය

හැරී කුමාරයාගේ මංගල දින සාම දූත මෙහෙවර එතැනින් නතර වී නැත. වසර විසි එකක් තිස්සේ අලුයට පිපිරෙමින් තිබුණ තමන්ගේ ළඟම නෑ පවුල් දෙකතම විවාහ දිනයේ සමඟි කිරීමට ඔහු සමත් වී ඇත.

හැරීගේ පියා චාර්ල්ස් කුමාරයා ඇතුළු මුළු රාජකීය පවුලම හඳුන්වන්නේ “වින්ඩ්සර් WINDSCO පරම්පරාව” කියාය. හැරීගේ මවු ඩයනා කුමරියගේ පවුලට කින්නේ ස්පෙන්සර් SPENCER පරම්පරාව කියාය. පැරීසියේ රිය අනතුරකින් ලොවම හඬවමින් මියගිය ඩයනා කුමරියගේ අවමංගල්‍ය වෙලාවේ ඇයගේ සොයුරා චාර්ල්ස් ස්පෙන්සර්  රජ පවුල නිර්දය ලෙස විවේචනය කරමින් කළ බරපතළ කතාව කිසිවකුට තවම අමතක වී නැත. එදායින් පසු වින්ඩ්සර් පවුල හා ස්පෙන්සර් පවුල විරසක විය. ඩයනා කුමරියගේ පවුලේ සොයුරු සොයුරියන් ඇයගේ දේහය තම මහ ගෙදර භූමියේ පෞද්ගලිකව මිහිදන් කළේ චාර්ල්ස් කුමාරයා හෝ වින්ඩ්සර් පවුලේ කිසිවෙකුට ආරාධනා නොකරමිනි.

ඉන් පසු අවුරුදු 20ක් තුළ ඩයනාගේ ස්පෙන්සර් පවුලේ කිසිවකුට රජ පවුලේ උත්සව වරට ඇරයුම් නොලැබුණි. ඒ පරම්පරාවේ කිසිවකුට නයිට් පදවි ර්ණීඕඡ් ර්ඕඡ් වැනි නම්බුනාම නොදීමට බකින්හැම් මාලිගාවේ ඛ්ඩ්ඒර්ඕඡ්අඹ්ධ්ව් සාමිගේ කාර්යාලය වග බලා ගත්තේය.

නමුත් අවු. 21ක් තිස්සේ තමන්ගේ අම්මාගේ හා තාත්තාගේ පරම්පරා දෙක අතර ඇවිලෙමින් පැවැතුන මෙම අමනාපය නිවා දමමින් හැරී කුමාරයා තමන්ගේ මවගේ සොයුරියන් තිදෙනා හා සොයුරාට තම මංගල්‍යයට පැමිණෙන ලෙස ඉතා අදරින් ආරාධනා කොට තිබේ. එපමණක් නොවේ. හැරී හා මේගන් අතිනත ගත් පසු 600ක විශේෂ අමුත්තන් ඉදිරියේ මංගල සභාව අමතා සිදුකෙරෙන එකම කතාව පැවැත්වීමේ ගෞරවය ලබා දී ඇත්තේ ඩයනාගේ වැඩිමලග් සොයුරිය වූ JANE FEUOWESආර්යාවටය.

හැරී – මෙගන්ගේ විවාහයෙන් පසු රජ පවුල හා ස්පෙන්සර් පවුල ඩයනා කුමරිය ජීවත් වූ කාලයේදී මෙන් නැවත වරක් ගජ මිතුරන් බවට පත් වනු ඇතැයි SUN පුවත් පත කියයි.ශාන්ත ජෝර්ජ් දේවස්ථානයේදී හැරී හා මේගන් අතිනත ගන්නා ආගමික උත්සවයෙන් පසු රාජකීය පවුල විසින් පැමිණ සිටින විශේෂ අමුත්තන් හයසියයකට රාජ්‍ය දිවා භෝජන සංග්‍රහයක් පවත්වනු ලැබේ.

එදින සන්ධ්‍යාවේද චාර්ල්ස් කුමාරයා විසින් නව යුවළ හා ඔවුන්ගේ විශේෂ මිතුරන් හා රජ පවුලේ සාමාජිකයන් වෙනුවෙන් විනෝදමත් පී්‍රති සම්භාෂණයක් පවත්වනු ලැබේ. උදෑසන ශාන්ත ජෝර්ජ් දෙවි මැඳුරේ රාජකීය හා ආගමික සිරිත් විරිත් සම්ප්‍රදායයන් අනුව පැවැති විවාහ උළෙලට මුළුමනින්ම වෙනස්ම විනෝදය ලබාදෙන අන්දමට පැවැත්වෙන මෙම විශාල පාටියේදී නව යුවළ හා අමුත්තන් මධුවිත රස විඳිමින් ඉහළ භෝජන අනුභව කරමින් විවිධ අන්දමේ රංගනවල යෙදෙමින් පී්‍රති වනු ඇත. එල්ටන් ජෝන් හා SPICE GIRL සංගීත කණ්ඩායම ඇතුළු ලොව ජනප්‍රිය ගායික ගායිකාවන් විශේෂ අමුත්තන් ඉදිරියේ සංගීක සන්දර්ශනයක් ද පැවැත්වීමට නියමිතය.

චාර්ල්ස් කුමාරයාගේ මල්ලි ඇන්ඩෘ  කුමාරයාගේ දික්කසාද බිරිය  SARAH FERGUSON මෙම ඉහළ පෙළේ උත්සවයට ආරාධනා නොකිරීම ගැන ඇය මහත් කනස්සලයට පත්ව ඇතැයි ටෙලිග්‍රාෆ් පත්‍රය කියයි. SARAH දැන් රජ පවුලේ කෙනෙක් නොවේ. හැරී හා මෙගන් එයාව ළඟින් ආශ්‍රය කරන්නෙත් නැහැ. ඒ නිසා අපි එයාට ආරාධනා කළේ නැතැයි චාර්ල්ස් කුමාරයාගේ කාර්යාල නිලධාරියෙක් ප්‍රකාශ කරයි. හැරී මෙගන් මංගල්‍යයට පැමිණෙන අමුත්තන් 600 දෙනාට හැම්, බේකන්, කැමියා, චිකන්, බීෆ්, පෝක් ඇතුළු ඉහළම වර්ගයේ රස භෝජුන් හා ෂැම්පේන්, විස්කි, බියර්, රම් ඇතුළු අනර්ඝ රට බීම ලබා දීමටත් මහ රැජන ලෝභ නැතුව වියදම් කරයි. නමුත් ඇයගේ ආරාධනාවෙන් මංගල උත්සවයට පැමිණ වින්ඩ්සර් මාලිගාවේ උද්‍යානයේ වාඩි වී රූපවාහිනියෙන් නැරඹීමට පැමිණෙන සාමාන්‍ය පන්තියේ සමාජ සේවක සේවිකාවන් 2500 දෙනාට ඒ වාසනාව හිමි වී නැත.

මංගල ආරාධනා පත්‍රය සමඟ ඔවුන්ට විශේෂ ලිපියක් යවමින් බකින්හැම් මාලිගා නිලධාරීන් මෙසේ කියා ඇත. ඔබ මංගල උළෙලට සහභාගි වීමට පැමිණෙන විට ගෙදරින් කෑමට පාර්සලයකුත් කැමැති නම් අකුලන පුටුවකුත් රැගෙන එන්න. මොවුන් මේ නොකියා කියන්නේ දුර බැහැර ගෙවා මහන්සි වී මංගල උළෙල දැකීමට පැමිණෙන සමාජ සේවක සේවිකාවන් 2500 දෙනාට මහ රැජනගෙන් වතුර පොදක්වත් එදාට නොලැබෙන බවය. මෙය මේ දිනවල බි්‍රතාන්‍ය ජනමාධ්‍යවල දැඩි විවේචනයට ලක් වී තිබේ.ලොකු ලොක්කන්ට තෝර මාළු හා ෂැම්පේන් සොක්කන්ට හුළං යන සිරස්තලය යටතේ රැජන විවේඡනය කර DAILY MIRROR පුවත්පත කියන්නේ ජනතාවට විශාල සේවයක් කරන සමාජ සේවකයන්ට මෙසේ කුඩම්මාගේ සැලකිල්ලක් දක්වනවාට වඩා ඔවුන්ට ආරාධනා නොකර සිටියා නම් වඩා හොඳයි කියාය.

මේ අහිංසක ජනතාවට රාජ්‍ය අමුත්තන්ට දෙන රාජභෝජන දෙන්න කියලා අපි කියන්නේ නැහැ. ඔවුන් බඩගින්නේ තියන්නේ නැතුව අඩුගානේ සැන්ඩ්විච් දෙක තුනක් බීම බෝතලයකුත් දෙන්න බැරිතරමට රැජන ලෝබදැයි DAILLY TELEGRAPH පත්‍රය අසයි.සැ. 500ක් අෑත ධ්ව්ඍඡ්අව්ඡ්ඉඉ නුවර ළමා නිවාසයක් පවත්වාගෙන යමින් දුප්පත් දරුවන්ට පිහිට වන SUSAN WATT මහත්මිය මෙසේ කියයි.

“අපි මේ රජ මඟුලට SCOTLAND වල ඉඳන් උදේ තුනේ කෝච්චියේ එන්න ඕන. මටත්, මහත්තයටත් දැන් අවුරුදු 67යි. අපි දෙන්නට කෑම පැකට් දෙකයි පුටු දෙකකුයි උස්සගෙන ඔච්චර දුර එන්න පුළුවන්ද? ඒ නිසා අපි එන්නේ නැහැ කියලා මාලිගාවට දන්වලා ඇරියා”.

“අයියෝ තමන්ගේ මුනුපුරාගේ මඟුලට එන පීඩිත පන්තියේ ජනතාවට කේක් කෑල්ලක් දෙන්නවත් මහ රැජනට සල්ලි නැහැ කියනවද? එහෙනම් වෙළෙඳ වෑන් තුන හතරක් එදාට මින්ඩ්සර් මාලිගා උද්‍යානයට ගෙනියන්න අපිට අවසර දෙන්නයි ඉන්දියා, ශ්‍රී ලංකා, පාකිස්තාන් ව්‍යාපාරිකයන්ගෙන් සමන්විත LONDON HARROW ආසියා TAKE AWAY සංගමය බකින්හැම් මාලිගාවෙන් ඉල්ලා සිටියි.

“බඩගින්නේ ඉන්න 2500 දෙනාටම BEEF BURGER එකක් PEPSI බෝතලයක් නිකම් දෙන එක අපිට අමාරු වැඩක් නෙමේ” ඔවුහු කියති.ආරාධිත අමුත්තන් විශාල පිරිසක් මෙසේ බඩගින්නේ තැබීම ගැන BBC RADIO 2 සේවයත් ජාතික පුවත්පත් සියල්ලම විවේචනය කරන නිසා ඔවුන්ටත් මොනවා හරි ආහාරයක් හා බීම නොමිලයේ ලබාදීමට මාලිගාව අද හෙටම තීරණය කරනු ඇතැයි ආරංචි මාර්ග සඳහන් කරයි.

සයුරෙන් එහා පුවත්

තමන්ට මියයෑමට අවශ්‍ය බව පවසා ඊට අවසර ඉල්ලමින්, ස්විට්සර්ලන්තයට ගොස් සිටි 104 හැවිරිදි ඕස්ට්‍රේලියානු විද්‍යාඥ ඩේවිඩ් ගුඩෝල්ට “සහන මරණයක්” ලෙස දිවි නසා ගැනීමට අවසර හිමිවිය.

ලන්ඩනයේ උපත ලබා ඇති මොහු ජෛව හා පාරිසරික විද්‍යාඥවරයෙකි.

ඩේවිඩ් ගුඩෝල් ට මාරක රෝගයක් නොතිබුණු නමුත්, ඔහු තරයේ කියා සිටියේ ඔහුට ජීවත් වෙන්න හේතුවක් නැති බවයි. ඒ නිසා ඔහුට මැරෙන්න අවශ්‍ය බවත්ය. ඕස්ට්‍රේලියාවේ දී එය කළ නොහැකි වුණු හෙයින් ඔහු ස්විට්සර්ලන්තය බලා ගියේ මීට දින කිහිපයකට පෙරය. ඒ, “එක්සිට් ඉන්ටර්නැෂනල්” නමැති ජාත්‍යන්තර සමාගමේ ආධාර සහ සහාය ඇතිවය.

දිවි තොර ගැනීමට විදයාඥවරයාට අවසර ලැබුණු අතර ග්‍රිනිච් වේලාවෙන් 10.30 ට “නෙම්බුටාල්” නමැති විස ශරීරගත කිරීමක් මගින් ඩේවිඩ් ගුඩෝල් දිවියෙන් සමුගත් බව “එක්සිට් ඉන්ටර්නැෂනල්” සංවිධානය පවසයි.

ස්විට්සර්ලන්තයේ සායනයක දී මෙලෙස ඩේවිඩ් ගුඩෝල් දිවියෙන් සමු ගෙන ඇති බව බීබීසී පුවත් සේවය වාර්තා කර ඇත.

සයුරෙන් එහා පුවත්

පෝලන්තයේ අධිවේගී මාර්ගයක ගමන් කළ ද්‍රව චොකලට් බවුසරයක් පෙරළී යාමෙන් සිදු වූ අනතුරකින් ටොන් 12 කට අධික ද්‍රව චොකලට් අධිවේගී මාර්ගය පුරා ගලා ගොස් ඇත.

කඩිනමින් ක්‍රියාත්මක වූ පෝලන්ත පොලීසිය මාර්ගය තාවකාලිකව වසා දමා මාර්ගය යථා තත්වයට පත් කර ඇති බව විදෙස් මාධ්‍ය වාර්තා කර තිබේ.

යථාතත්වයට පත් කිරීමේ කණ්ඩායම් වලට වාතයට නිරාවර්ණය වූ ද්‍රව චොකලට් ඉවත් කිරීමට ඉතා අපහසු වූයේ උකු චොකලට් තවත් ඝණ වී තිබීම නිසා බව සදහන් ය. එම කණ්ඩායම්වල එක් නිලධාරියෙක් මේ පිළිබද අදහස් දක්වමින් පවසා ඇත්තේ “සිසිල් චොකලට් හිම වලට වඩා නරකයි” යනුවෙනි.

ඒ මත ගමන් කළ ඉවත් කිරීමේ යන්ත්‍රය පවා වරෙක එරී ගොස් ඇත. අවසානයේදී මාර්ගය සෝදා පිරීසිදු කිරීමට අධිපීඩිත උණු ජලය භාවිතා කොට තිබිණ.

එසේම මෙම අනතුර සිදු වූ ස්ථානයේ පොලිස් නිලධාරීන් සිනා සෙමින් දිගු වේලාවක් මෙම සිද්ධිය බලා සිටි බවද වාර්තා වේ.

සයුරෙන් එහා පුවත්

කාන්තාවන්ට හිංසා කළ නිව්යෝර්ක්‌ නීතිපති එරික්‌ පෙනිඩර්මන් සත්වයෙක්‌ යෑයි ඔහුගේ ශ්‍රී ලාංකික පෙම්වතිය වූ ටාන්යා සෙල්වරත්නම් මැන්හැට්‌න් නීති කාර්යාලයේ පරීක්‍ෂණයක්‌ හමුවේ ප්‍රකාශ කර ඇත.

දිනකට වයින් බෝතල් 1 1/2 ක්‌ පානය කරන පෙනිඩර්මන් ජනාධිපති ට්‍රම්ප්ට එරෙහිව දූෂණ චෝදනා මත නඩු පැවරූ බවත් ඊට එරෙහිව ට්‍රම්ප්ද නඩුවක්‌ ගොනුකර ඇති බවත් ඇය විසින් හෙළිකර තිබේ.

හිලරි ක්‌ලින්ටන් සමඟ සබඳතා පැවැත්වූ හෙතෙම තමාගේ උපන්දින සමරුමට ගෙන ආ කේක්‌ ගෙඩිය කැපීමට පවා ඉඩනුදුන් බවද ඇය අනාවරණය කර ඇත. මොහු විකෘති ආශාවලින් පෙළෙන අයෙක්‌ බවද ඔහු තමාට පහරදීම නිසා රෝහල් ගතවීමට සිදුවූ බවද ටාන්යා පවසයි.

නිව්යෝර්ක්‌ නීතිපති එරික්‌ ස්‌නේයිඩමාන් ඇමරිකා එක්‌සත් ජනපදයේ නීති ක්‍ෂේත්‍රයේ දැවැන්තයෙකි. එපමණක්‌ නොව මොහු කාන්තා අයිතිවාසිකම් පිළිබඳ ප්‍රබල ක්‍රියාකරුවෙක්‌ ද විය. එහෙත් හිටි හැටියේ කාන්තාවන් සිවුදෙනකු එල්ලකළ කාන්තා හිංසා චෝදනාවක්‌ නිසා ඔහුට ඒ බලවත් තනතුර පමණක්‌ නොව ඔහුගේ කීර්ති නාමය ආදී සියල්ලම අහිමි විය.

ඒ සියල්ලට හේතු වූයේ ද නිව්යෝකර් සඟරාවේ පළ වූ ලිපියකි. නිව්යෝක්‌ නීතිපතිවරයාගේ හිටපු පෙම්වතියන් දෙදෙනකු ඇතුළු කාන්තාවන් සිවුදෙනකු ඔහු සම්බන්ධයෙන් කළ හෙළිදරව්වක්‌ එහි පළ වී තිබිණි. එරික්‌ ස්‌නේයිඩමාන්ගේ එක්‌ පෙම්වතියක්‌ වූයේ ශ්‍රී ලංකාවේ උපත ලද කාන්තාවක්‌ වූ ටාන්යා සෙල්වරත්නම් ය.

අනෙක්‌ ඔහුගේ හිටපු පෙම්වතිය මිෂෙල් මෑතින් බැරිෂ්ය. කාන්තාවන්ට දැඩි හිංසා පීඩා තර්ජන කරන අතරම සමාජයට හොඳ මුහුණ පෙන්වමින් “එරික්‌” කාන්තාවන්ගේ අයිතිවාසිකම් වෙනුවෙන් පෙනී සිටීම ඔවුන්ගේ දැඩි කෝපයට හේතුවක්‌ වීම මෙම හෙළිදරව්වට පසු බිම වී තිබිණි.

ඔහුගේ පෙම්වතියන් දෙදෙනාම ඔහුගේ පහරකෑම්වලට ලක්‌ව තිබුණේ ඔහු එම කාන්තාවන් දෙදෙනා සමඟ ම ලිංගික සබඳතා පවත්වන ලද කාලයේය. හැටතුන් හැවිරිදි නීතිපතිවරයා මිෂෙල් මෑතින් බැරිෂ් සමඟ ලිංගික සබඳතා පවත්වා තිබුණේ 2013 සිට 2015 දක්‌වා කාලයේදීය.

ටාන්යා සෙල්වරත්නම් සමඟ ඔහු ලිංගික සබඳතා පවත්වා තිබුණේ 2016 සහ 2017 වසරවලදීය. මේ දෙදෙනාම නිව්යෝර්ක්‌ මෑන්හට්‌න්හි වාසය කරන වයස අවුරුදු හතළිස්‌ ගණන්වල කාන්තාවන් වූහ.

මෑතින් බැරිෂ් හට 2013 වසරේදී නීතිපතිවරයා හමු වන විට ඇය තම සැමියාගෙන් දික්‌කසාද වී තම තරුණ දියණියත් සමඟ වාසය කරමින් සිටියාය. ඒ වනවිට නීතිපතිවරයා ද තම විවාහයෙන් දික්‌කසාද වී සිටියේය.

ටික කලෙකින්ම දෙදෙනා පෙම්වතුන් වූ අතර ඉන්පසු නීතිපතිවරයා තමන්ට අවශ්‍ය ආකාරයට ඇය මෙහෙය වන්නට පටන් ගත්තේය.ඔහු බීමත්වූ විට දැස රෞද්‍ර විය. අනෙකුත් අවස්‌ථාවලදී මෙන්ම ලිංගික සබඳතා අතරතුර පවා ඔහු තමන්ට පහරදුන් බව හා වධ දුන් බව මෑතින් බැරිෂ් පවසා තිබේ.

ශ්‍රී ලංකාවේ උපන් දැනට නිව්යෝර්ක්‌හි ජීවත්වන ටාන්යා සෙල්වරත්නම් ප්‍රබල කාන්තා ක්‍රියාකාරිනියකි. එසේම ඇය ගත්කතුවරියක මෙන්ම චිත්‍රපට නිෂ්පාදකවරියකද වන්නීය.ඇය ද තම විවාහයෙන් දික්‌කසාද වී සිටින්නියකි. 2016 දී ෆිලඩෙල්ෆියා හි පැවැත්වුණු ඩිමොක්‍රැටික්‌ පක්‍ෂ සම්මේලනය අතරතුර ඇය එරික්‌ ස්‌නෙයිඩර්මාන් හමු විය.

ටික දිනෙකින් ඔවුහු පෙම්වතුන් බවට පත් වූහ.ලිංගික සබඳතාවලදී ඔහු තමන්ට පහර දුන් බවත්, පරිභව කළ බවත් ඇතැම් විට තර්ජනය කළ බවත් ඇය පවසන්නීය. ඔහුගේ ඇතැම් විට නොමනා ලිංගික ඉල්ලීම් කළ බවද ඒවාට එකඟ නොවූ විට පහර දුන් බවද ඇය පවසන්නීය. එසේම තමා හැර ගියහොත් ඇය මරා දමන බවට ද විටෙක නීතිපතිවරයා තර්ජනය කළේය.

මේ චෝදනා හේතුවෙන් නීතිපතිවරයාට වහාම ඉල්ලා අස්‌වන ලෙස නිව්යෝර්ක්‌ ආණ්‌ඩුකාර ඇන්ඩෲ කුමෝ දැනුම් දුන්නේය.නීතියට එපිටින් යන්නට කාටවත් බැහැ. නිව්යෝක්‌ නගරයේ ඉහළම නීති නිලධාරියාටත් එය එලෙසමයි යනුවෙන් ආණ්‌ඩුකාරවරයා පවසා තිබිණි.ඒ අනුව නීතිපති වරයාට වහාම තනතුරින් ඉල්ලා අස්‌වීමට සිදු විය. අදාළ චෝදනා පිළිබඳව මේ වනවිට පරීක්‍ෂණ ආරම්භ වී තිබේ.

එරික්‌ ස්‌නෙයිඩර්මාන් නිව්යෝර්ක්‌ සෙනෙට්‌ සභාවට පත් වූයේ 1998 දීය. ඔහු වසර දොළහක්‌ එම තනතුර දැරූ අතර එහි නීතිරීති පැනවීම සම්බන්ධයෙන් ප්‍රබල චරිතයක්‌ විය.කෙසේ වෙතත් ඔහුට එරෙහිව නැඟෙන චෝදනා ඔහු ප්‍රතික්‍ෂේප කරන අතර ඔහු පවසන්නේ අදාළ කාන්තාන් සමඟ ඔවුන්ගේ කැමැත්ත මත ලිංගික සබඳතා පැවැත්වූ බවය. කෙසේ වුවහොත් චෝදනා ඔප්පු වුව ඔහුට වන්නේ සිරගත වන්aනටය.

කාන්තාවන්ගේ අයිතිවාසිකම් වෙනුවෙන් පෙනී සිටින බව ට ලොවට පෙන්වමින් ලොවම රැවටූ තවත් කාන්තා හිංසකයකුගේ නිරුවත ලොව හමුවේ හෙළිදරව් කරන්නට කාන්තාවන් සිව්දෙනකු මූලික වීමත් එයින් දෙදෙනකුම ඔහුගේම හිටපු පෙම්වතියන් වීමත් සැබවින්ම අපූරු කතාවකි.

සයුරෙන් එහා පුවත්

හතරවැනි වරටත් රුසියානු ජනාධිපති ධුරයේ දිවුරුම් දුන් ව්ලැද්මීර් පුටින් වෙනුවෙන්ම නව මෝටර් රථයක් නිර්මාණය කර තිබෙනවා.

සිව්වරක් ජනාධිපති ධුරය දැරුව ද පුටින් එකම වාහනයක් දීර්ඝ කාලයක් භාවිත කරන අයෙකු ලෙස ප්‍රකටව සිටින්නේ.

මෙම වාහනය පුටින් වෙනුවෙන්ම නිර්මාණය කරන ලද්දක් වන අතර එය රුසියාවේම නිෂ්පාදනය කර තිබෙනවා. මෙය ලිමෝසීන් වර්ගයේ මෝටර් රථයක්.

වෙඩි නොවදින මෝටර් රථයෙහි අංගෝපාංග හා හැකියාවන් රහසිගත වනවා. අවම වශයෙන් Porsche V12 එන්ජින් ධාරිතාවට වඩා වැඩි එනම් අශ්ව බල 860 ක පමණ සහිත එන්ජිමක් එහි ඇති බවයි සැළකෙන්නේ. තවත් සුපිරි හැකයාවන් රැසක් ඊට ඇතුළත් කර ඇති බවද සඳහන්.

ජනපති ව්ලැද්මීර් පුටින් වෙනුවෙන් නිපදනවන ලද මේ සුපිරි මෝටර් රථයේ ජායාරූප සහ වීඩියෝව පහතින් නරඹන්න.

 

සයුරෙන් එහා පුවත්

කාන්තාවන්ට හිංසා කළ බවට චෝදනා එල්ල වූ ඇමෙරිකා එක්‌සත් ජනපදයේ නිව්යෝක්‌ නීතිපති එරික්‌ ෂෙනී ඩර්මන් සිය තනතුරින් ඉල්ලා අස්‌ වී තිබේ.

“ද නිව්යෝකර්” ස`ගරාව මගින් නීතිපතිවරයාට එරෙහිව චෝදනා හෙළි කර තිබිණි.

කාන්තාවන් සිව් දෙනකු මෙම චෝදනාව කළ අතර එයින් දෙදෙනකු නීතිපතිවරයාගේ හිටපු පෙම්වතියන්ය. හැට තුන් හැවිරිදි නීතිපතිවරයාගේ පෙම්වතියන් දෙදෙනා පවසන්නේ ඔහු තමන්ට පහර දුන් බවය.

එහෙත් නීතිපතිවරයා පවසන්නේ පහර දීමක්‌ සිදු නොවූ බවත්, ඔවුන් සමග ලිංගික සම්බන්ධතා පැවැත්වූයේ ඔවුන්ගේ කැමැත්ත මත බවයි.

මෙම හෙළිදරව් කිරීමෙන් පසු නිව්යෝක්‌ ආණ්‌ඩුකාර ඇන්ඩෘ කුමෝ විසින් තනතුරින් ඉල්ලා අස්‌වන ලෙස නීතිපතිවරයාට දන්වන ලදී.

“කිසිවකු නීතියට උඩින් නැහැ. නිව්යෝක්‌ නගරයේ ඉහළම නීති නිලධාරියාටත් එය එලෙසමයි” යනුවෙන් ආණ්‌ඩුකාරවරයා පවසා තිබේ.

නීතිපතිවරයාගේ එක්‌ පෙම්වතියක්‌ වන ටාන්යා සෙල්වරත්නම් ශ්‍රී ලංකාවේ උපන් තැනැත්තියකි. ඇය ගත්කතුවරියක, නිළියක මෙන්ම අධ්‍යක්‌ෂවරියක ද වන්නීය. තමන් හැර ගියහොත් ඇය මරා දමන බවට නීතිපතිවරයා තර්ජනය කළ බව ද ඇතැම් අවස්‌ථාවල තමන්ට පහර දුන් බව ද ටාන්යා සෙල්වරත්නම් පවසා තිබේ.

සයුරෙන් එහා පුවත්

ජපානයේ ඔකයාමා නගරයේ බස් රථ රියදුරෝ වෙනස්ම ආකාරයක විරෝධතාවයක නිරත වී සිටිති. කර්මාන්තයේ අර්බුදයක් මුල් කරගනිමින් ඔවුහු මෙම විරෝධතාවයේ නිරත වී සිටිති.

විරෝධතාවයේ නිරත වුවත් ඔවුන් සේවයේ නිරත වෙති. එසේ නමුත් ඔවුන් රැකියාවේ ප්‍රධාන කොටසක් වන මගීන්ගෙන් මුදල් ගැනීම ඉටු නොකරති. අනෙකුත් බස් රථ සමාගම් හා සැලකිල්ලට ගැනීමේ දී දැඩි තරගයක් ඇති වී තිබෙන බවත් එම නිසා තමන්ගේ රැකියා සුරක්ෂිත කරන ලෙසත් ඔකයාමා නගරයේ බස් රථ රියදුරෝ ඉල්ලා සිටිති.

ඔකයාමා නගරයේ බස් රථ රියදුරන්ගේ මෙම වෙනස්ම ආකාරයේ විරෝධතාව ඇතැම් පිරිස්වල ප්‍රශ්න කිරීමට ද ලක්ව තිබේ. අයිතිකරුවන්ට ආදායම් ලැබීම නවතා දමමින් මේ ආකාරයෙන් විරෝධතාවයේ නිරත වීම සුදුසු නැතැයි එම පිරිස් පවසති.

එසේ වුවත් තවත් බොහෝ පිරිසක් සහ ජපානයේ පුවත් වෙබ් අඩවි විරෝධතාවයට සහාය දක්වමින් අදහස් පළ කර තිබේ. මගීන්ගෙන් මුදල් අය නොකළද රියදුරන් ඔවුන්ගේ සේවය ඉටු කරන බවත් තරගකාරීත්වය තුළ වුවද බස් රථ සමාගම් සහ මගීන් අතර තිබෙන සබඳතාව ආරක්ෂා කිරීමට රියදුරන් කටයුතු කර තිබෙන බව විරෝධතාවයට සහාය දක්වන පිරිස් පෙන්වා දෙති.