සයුරෙන් එහා පුවත්

ව්‍යාජ ලියකියවිලි සහ ගුවන් ගමන් බලපත්‍ර යොදාගනිමින් පුදගලයින් ඉතාලියට ඇතුල් කිරීමේ මහා පරිමාණ ජාවාරමක යෙදුනු ශ්‍රී ලාංකිකයින් 06 දෙනෙකු පලේර්මෝ පොලිසිය මගින් අත්අඩංගුවට ගෙන ඇත. 2016 දෙසැම්බර් මස 31 වෙනිදා පෝලන්තයේ සිට පැමිණි අයෙක් පලේර්මෝ ගුවන්තොටුපලේදී ප්‍රශ්න කිරීමෙන් පසු අඛණ්ඩව පොලිසිය කරන ලද පරීක්ෂණ වලදී මේ සියලු කරුණු අනාවරණය වී ඇත.

මෙසේ අත්අඩංගුවට ගෙන ඇත්තේ ශ්‍රී ලංකාවේ ද්‍රවිඩ ජාතිකයින් වන Mary Amalanayaki Bosco Chandrakumar, Chandrakumar Anthiresu Bosco, Anton Nitharsan David Anton Winsilo, Prashanth Chandrasegaram, Jerade Alosius Alphonse e Dukeshikanth Edwerd Selvarasa, යන අයයි.

නීති විරෝධී ලෙස ඉතාලියට ඇතුල් කිරීම සදහා යුරෝ 28 දහසක් දක්වා ගෙවන ලැබූ පුද්ගලයන් සිටින බවද ව්‍යාජ විදේශ ගමන් බලපත්‍ර භාවිතා කිරීම තුළින් මෙසේ ප්‍රංශයේ සහ ස්විස්ටර්ලන්තයේ ඉතාලි දේශසීමාව ඉතාලියට පුද්ගලයින් ඇතුල් කර ඇත. පොලිස් ජංගම කණ්ඩායම අත්අඩංගුවට ගැනීමෙන් පසු පලේර්මෝ අධිකරණ විමර්ශන මහේස්ත්‍රාත් විසින් මෙවුන්ට එරෙහිව නිතිය ක්‍රියාත්මක කර ඇත.

මේ සම්බන්ධව ඉතාලියේ ශ්‍රී ලංකා තානාපති කාර්යාලයේ උපදෙස් පරිදි සිසිලියේ ශ්‍රී ලංකා කොන්සියුලර් ඌගො වස්සාල්ලෝ මහතා අත්අඩංගුවට පත් අය ගැන විස්තර ශ්‍රී ලංකා රජයට දැනුම් දීම සදහා පලේර්මෝ ප්‍රධාන පොලිස් මුලස්ථානයට ගියත් පරීක්ෂණ අවසන් වන තුරු කිසිම තොරතුරක් ලබා දිය නොහැකි බව පවසා ඇත.

අත්අඩංගුවට ගත් අවස්ථාවේ ගන්නා ලද සහ පුද්ගලයින්ගේ ඡායාරූප පහතින් නරඹන්න

සයුරෙන් එහා පුවත්

එංගලන්තයේ හැරෝ නගර සභාවේ නගරාධිපති තනතුර මුල් වරට මුස්ලිම් කාන්තාවකට හිමිවිය. එය අපේ රටට මහත් ආඩම්බරයක් වන්නේ ඇය ශ්‍රී ලංකාවේ මහනුවර උපන් තැනැත්තියක් නිසාය.

කයිරූල් කරීමා මරික්කාර් වන ඇය සිය නගරාධිපති ධූරයේ වැඩ ඇරඹුවේ ශ්‍රී ලංකාවේ සම්ප්‍රදායානුකූල මඟුල් බෙර සක් වාදන සහිතවය. බටහිර හැරෝ ප්‍රාදේශිකය 2010 සිට නියෝජනය කළ ඈ 2017 වසරේ සිට එහි උප නගරාධිපතිවරිය ලෙස කටයුතු කළාය.

බටහිර හැරෝ කොට්ඨාසය නියෝජනය කරන ඇය කම්කරු පක්ෂ අපේක්ෂකයකු ලෙස තරග වැදුණාය. (ලංකා තරුව), (හැරෝහි අලංකාරය) ලෙස සම්භාවනාවට පත්ව සිටින ඇගේ සම්ප්‍රාප්තිය අඳුරු රැයක සහන් එළියක උදාවකට හිතවතුන් සමාන කර තිබේ.

නිතර විනෝදශීලීව සමාජශීලීව හැසිරෙන ඈ තමන්, ලැබූ නව තනතුර මහත් අභිමානයකින් යුතුව පිළිගන්නා අතර හැරෝ ජන ප්‍රජාවට උපරිම සේවයක් සැලසීමට පිලින දෙන බව කීවාය. හැරෝ කොට්ඨාසය ප්‍රබල ඉතිහාසයකට හිමිකම් කියන ප්‍රබල ජන විවිධත්වයක් සහිත ජීවත් වීම සඳහා අපූරු පළාතක් ලෙස ඇය හඳුන්වා තිබේ.

හැරෝහි මුස්ලිම් ජනතාව වැඩි වශයෙන් ගොනුවී ඇති අතර එහි ප්‍රධාන පෙළේ මුස්ලිම් පල්ලි කිහිපයක්ද වේ.කරීමා පල්ලියට සමීප තැනැත්තියක වන අතර සමාජ සුබසාධන කටයුතුවලට බොහෝ හිතැති තැනැත්තියකි. ඇයට ලංකාවේද උසස් පෙළේ මිතුරු සමාජයක සබඳතා පවතී.

ලන්ඩන් බෞද්ධ විහාරය ඇතුළු ආගමික මධ්‍යස්ථාන මෙන්ම සංස්කෘතික ආයතන සමඟද ළඟ සබඳතා පවත්වයි. හැරෝහි නිවාස අහිමි ජනතාවට සහන සපයන Firm Foundation සහ රෝගී දරුවන්ගේ පවුල් සුබසාධනයට කැපවූ Rainbow Trust මගින් විශාල මෙහෙයක් මේ වන විට ඇය හැරෝ ජනතාව වෙත සිදුකර තිබේ.

2010 සිට නගර සභිකයකු ලෙස ඇය ප්‍රදේශයට සේවාවක් කළ තැනැත්තියකි. 2017 වසරේදී ඇය උප නගරාධිපති ලෙස පත්වූයේ මේ සමාජ හිතැති ක්‍රියාවල ප්‍රතිඵලයක් ලෙසිනි.

තිදරු මවක් වන ඈ 1961 වසරේ ලංකාවේ නුවර ප්‍රදේශයේ උපත ලද තැනැත්තියකි. නුවර උසස් බාලිකා විද්‍යාලයේ ආදි සිසුවියක වන ඈ පසුව පිලඩෙල්පියාවල උසස් බාලිකා විදුහලෙන්ද අධ්‍යාපනය ලැබුවාය.

කලක් නුවර රැජන හෝටලයේ සේවය කළ ඈ හෝටල් කළමනාකරණය පිළිබඳ හැදෑරූ තැනැත්තියකි. ඇය ක්‍රීඩා කටයුතු සංවර්ධනය සඳහා මහත් උනන්දුවක් දක්වන්නියක වන අතර මානසික සෞඛ්‍ය පිළිබඳ සුබසාධක කමිටු සාමාජිකාවක්ද වේ.

මහජන ආරක්ෂාව තර කිරීම, පදික පහසුකම්, වීදි ලාම්පු සේවා විධිමත් කිරීම, හැරෝ දුම්රියපළ පිවිසුම් මඟ නවීකරණය වැනි යෝජනා ඇය සිය තරගකාරී පොරොන්දු අතරට එක් කර තිබුණි.

සයුරෙන් එහා පුවත්

කිම් කඩාෂියන් සිය 63 හැවිරිදි මී මිත්තනිය විඳින සිර දඬුවමට ජනපති ඩොනල්ඩ් ට්‍රම්ප්ගෙන් ඉල්ලා සිටි සමාව ලැබීමත් සමග ඇලිස් මාරියා ජොන්සන් බන්ධනාගරයෙන් නිදහස් වී තිබේ.

පසුගිය සතියේදී කිම් කාඩාෂියන් ඇමෙරිකානු ජනාධිපතිවරයාව පෞද්ගලිකව මුණ ගැසෙමින් මෙම ඉල්ලීම සිදුකර තිබූ අතර, එය ලොව පුරා මහත් ආන්දෝලනයක් ඇති කළ හමුවක් විය. ධවල මන්දිරයේ ඕවල් කාමරයේදී ජනපති ට්‍රම්ප් හමුවූ කාඩාෂියන්, සිය මී මිත්තනිය වෙනුවෙන් ජනපති සමාවක් ලබාදෙන ලෙස ඔහුගෙන් අයැද සිට ඇති බව විදෙස් වාර්තා පවසයි.

මත්ද්‍රව්‍ය ජාවාරම් සම්බන්ධ වරදක් හේතුවෙන් ඇලිස් මාරියා ජොන්සන් වසර 20ක සිර දඬුවමක් ඒ වනවිටත් බුක්ති විඳ තිබූ අතර, ඇය ජීවිතාන්තය දක්වා වූ සිර දඬුවමකට යටත්ව සිටියාය. කෙසේ වෙතත්, ජනපති සමාවත් සමග ඊයේ (06දා) ඇය බන්ධනාගාරයෙන් නිදහස ලැබීය.

ජනපති ට්‍රම්ප් සමග සිදුවූ හමුවේදී කිම් කාඩාෂියන් ඔහුගේ කාර්යාල මේසය අසලට වී සිටින විශේෂ ඡායාරූපයක්ද මාධ්‍ය වෙත නිකුත් කර තිබුණි. එහිදී, කිම්ගේ හමුවීම සම්බන්ධයෙන් ට්විටර් පණිවුඩයක් නිකුත් කර තිබූ ට්‍රම්ප් පවසා තිබුණේ ඔවුන් අතර අතිශය සුවිශේෂී හමුවීමක් සිදුවූ බවකි.

නිදහස ලබා පැමිණි ඇලිස් ජොන්සන් රැගත් රථය ඇලබාමා හි ඇලිස්විලේ වෙත පැමිණි විට ඇය එම රථයෙන් පැන තම ඥාතීන් වෙත වේගයෙන් දුවගෙන පැමිණෙන ඡායාරූප හා විඩියෝ දර්ශන මාධ්‍ය වෙත නිකුත් වී තිබුණි.

ඇයට ජනාධිපති සමාව ලබාදීම සම්බන්ධයෙන් ඇමෙරිකානු සමාජය තුළද මේ වනවිට කතාබහක් ඇති වී ඇති අතර, ධවල මන්දිර කාර්ය මණ්ඩල ප්‍රධානී ජෝන් කෙලී මීට අකැමැතිව සිටි බවක්ද වාර්තා වෙයි.

කෙසේ වෙතත්, කිම් කාඩාෂියන් යනු ජනප්‍රිය ගායක කෙනී වෙස්ට්ගේ බිරිඳයි. එමෙන්ම, නිරූපණ හා රියැලිටි ක්ෂේත්‍රයේ ජනප්‍රිය චරිතයක් වන ඇය, සිය දේහ විලාසය හා ඒ හා බැඳුණු විලාසිතා සම්බන්ධයෙන්ද ලොව පුරා රසික පිරිසක් වසඟයට ගත් චරිතයක් බවද නොරහසකි.

 

සයුරෙන් එහා පුවත්

පසුගිය දින අප ඔබට වාර්තා කළා ඉතාලියේ නව රජයට පත් වූ සැනින් අමාත්‍ය මත්තයෝ සැල්වීනි සංක්‍රමණිකයන්ට එරෙහිව ක්‍රියා කරන බවට.එම නිවේදනය නිකුත් කර දින කීපයක් යන්නට මත්තෙන් කළු ජාතිකයින් පිරිසක් එරට පොලිස් නිලධාරීන් සමඟ ඇති වූ ගැටුමක් මේ වන විට සමාජ ජාල මාධ්‍ය ඔස්සේ දැඩි කතාබහට ලක් වී ඇත.

ඉතාලියේ පීසා නගරයේ අනවසර වෙළදාමෙහි නියැලෙන කලු අප්‍රිකානුවන් පිරිසක් පිළිබඳව සෝදිසි කරන්න පැමිණි පොලිස් නිළධාරියෙකුට කෝපයට පත් අප්‍රිකානුවා විසින් පහර දෙන අන්දම මේ වීඩියෝව සදහන්.මේ වීඩියෝව අමාත්‍ය මත්තයෝ සැල්වීනි තම ෆේස්බුක් පිටුවට එක් කර ඇති සටහන ඔහුගේ වචන වලින් මෙසේය

 

“Venditori aggrediscono i Carabinieri e durante un controllo ne mandano all’ospedale uno, al quale invio tutta la mia solidarietà e auguri di buona guarigione.Serve #tolleranzazero: espulsioni per i clandestini e restituzione alle nostre città di un clima di legalità, questo è il mio obiettivo.

වෙළෙන්දන් අපේ පොලීසියට (Carabinieri) පහර දුන්නා.එක් අයෙක් රෝහල් ගතව මේ වන විට ප්‍රතිකාර ලබනවා.මගේ භටයාට ඉක්මන් සුව පතනවා. නීතිවිරෝධී සංක්‍රමණිකයන් නෙරපා හැරීම සහ අපගේ නගරවලට නිත්‍යානුකුල වට පිටාවක් කිරීම ,මෙය මගේ එකම අරමුණයි.

වීඩියෝව පහතින් නරඹන්න

++ VIDEO CHOC! PISA, CARABINIERI AGGREDITI E FERITI DA ABUSIVI ++

Venditori aggrediscono i Carabinieri e durante un controllo ne mandano all’ospedale uno, al quale invio tutta la mia solidarietà e auguri di buona guarigione.Serve #tolleranzazero: espulsioni per i clandestini e restituzione alle nostre città di un clima di legalità, questo è il mio obiettivo.

Posted by Matteo Salvini on Wednesday, June 6, 2018

සයුරෙන් එහා පුවත්

නාන තටාකයේ වැටී මියගිය බවට වාර්තා වූ බොලිවුඩ් නිළී ශ්‍රී දේවියගේ ඉන්දීය රුපියල් කොටි 240 ක ජීවිත රක්‍ෂණයක්‌ ඕමානයේ ඇති බවට සොයාගෙන ඇත. මෙම ජීවිත රක්‍ෂණයේ අඩංගු වූ ප්‍රධානතම කරුණ නම් ඊට අදාළ අති විශාල මුදල ලබාගත හැක්‌කේ ශ්‍රීදේවි ඩුබායිහිදී මියගියොත් පමණකි. සුනිල් සිං නමැති චිත්‍රපටකරුවා පවසන්නේ ශ්‍රීදේවි ඝාතනයට ලක්‌වී ඇති බවයි.

සුනිල් සිංගේ නීතිවේදියා හෙළි කර ඇත්තේ ශ්‍රීදේවියගේ රක්‍ෂණ ඔප්පුව ගැන ඕමාන් රාජ්‍යයෙන් වාර්තා වූ බවයි.

ඇයගේ රක්‍ෂණ මුදල ලබා ගැනීමට ඇයව ඝාතනය කර තිබෙනවා. එම ඝාතනය සැළසුම් කළ අපරාධයක්‌ යෑයි එම නීතිවේදියා කීවේය.

ශ්‍රීදේවි ඝාතනය වී ඇති බව හිටපු සහකාර පොලිස්‌ අධිකාරි වෙඩ් භූෂාන් ද ප්‍රකාශ කර ඇත.

නවදිල්ලි පොලිසිය සුනන්දා පුස්‌කාර් මාධ්‍යවේදිනිය ඝාතනය ගැන තවදුරටත් සොයනවා. එහෙත් ඩුබායි පොලිසිය දින හතරකින් ශ්‍රීදේවියගේ මරණ්‍ය ගැන පරීක්‍ෂණ අවසන් කර පශ්චාත් මරණ පරීක්‍ෂණ වාර්තාව ලබා දුන්නා යෑයි සහකාර පොලිස්‌ අධිකාරී භූෂාන් කියා සිටියේය.

එසේම ඇයගේ නමින් රක්‍ෂණ ඔප්පුව ලබා ගෙන තිබුණේ ඕමාන් රාජ්‍යයෙන්, මේ ඔප්පුවේ සඳහන් කර තිබුණේ ඇය ඩුබායිහිදී මියගියහොත් පමණක්‌ රුපියල් කෝටි 240 ලබා ගැනීමයි යෑයි හෙතෙම හෙළි කළේය.

ශ්‍රීදේවියගේ සැමියා වූ බෝනි කපූර් ණය ලබාගෙන ඇති බවත් ඔහු මූල්‍ය අර්බුදයකට මුහුණපා සිටි බවද මාධ්‍යයට හෙළි වී ඇත.

එසේම ඇගේ මරණයට ඩුබායිහි සිටින පාතාල කල්ලි නායක ඉබ්‍රාහිම් ඩාවුඩ් සම්බන්ධ බවට ද හිටපු සහකාර පොලිස්‌ අධිකාරිවරයා චෝදනා කළේය.

ඩුබායි හෝටලයේ ශ්‍රීදේවියගේ කාමරයට යන ස්‌ථානයේ සීසීටීවී දර්ශන පවා මරණ පරීක්‍ෂණයට ඉදිරිපත් කර නැති බවද ඔහු කීවේය.

මම එම හෝටලයට ගොස්‌ පරීක්‍ෂණ ආරම්භ කිරීමට උත්සාහ කළත් ඊට ඉඩ ලැබුණේ නැහැ යෑයි වෙඩ් භූෂාන් සඳහන් කළේය.

අඩි 5 අඟල් 2 ක්‌ උසැති ශ්‍රීදේවි නාන තටාකයේ වැටී මියගිය බවට කර ඇති ප්‍රකාශය තමා ප්‍රතික්‍ෂේප කරන බව ද ඔහු තවදුරටත් පළ කළේය.

සයුරෙන් එහා පුවත්

ඉතාලියේ කතානිය නගරයේ දී  සිදු වු රිය අනතුරකින් ශ‍්‍රි ලාංකික තරුණයෙක් මියගොස්  ඇත.

මෙලෙස මියගොස් ඇත්තේ ගම්පහ පදිංචි එම් චින්තන ධනංජය (24)  නැමති තරුණයෙකි .

ඊයේ (28) අලුයම  මෙම  අනතුර සිදු වී ඇත.

මියගිය තරුණයා රැකියාව කර පසුව තම මිතුරෙක් ගේ පියෙක් රෝහල් ගතව ප්‍රතිකාර ලබන බැවින් රෝහලට ගොස්  සුව දුක් විමසා තම ස්කුටරයෙන් නිවෙස බලා එමින් සිටියදි කතානියා නගරයේ හතරමං හන්දියකදි වෙනත් මාර්ගයකින් ආ ලොරි රථයක් ගැටී මෙම අනතුර සිදු වි ඇති බව කතානියා නාගරික පොලිසිය පවසයි.

මෙම අනතුරින් බරපතල තුවාල ලැබු ලාංකික තරුණයා එම ස්ථානයේම මියගොස් ඇති බව කතානියා නාගරික පොලිසිය සඳහන් කළේය.

කාලයක සිට ඉතාලියේ රැකියාව කරන මෙම තරුණයා ගම්පහ බණ්ඩාරනායක විදුහලේ ආදි සිසුවෙකි.

අවසන් කටයුතු හෙට සවස කතානියා පොදු සුසාන භූමියේදී සිදු කිරීමට නියමිතයි

සයුරෙන් එහා පුවත්

ප්‍රකට බොලිවුඩ් නිළියක්‌ වූ ගීතා කපූර් අභාවප්‍රාප්ත විය. මියයන විට ඇය 67 හැවිරිදි වියේ පසුවිය. පකිසා චිත්‍රපටය ඇතුළු චිත්‍රපට 100 ක රඟ පෑ ගීතා කපූර් මියගියේ මුම්බායි වැඩිහිටි නිවසකදීය.

ගීතා කපූර්ගේ පුත්‍රයා වේෂ නිරූපන ශිල්පියකුවන අතර දියණිය ගුවන් සේවිකාවකි.

මේ දරු දෙදෙනාම තම මව බැලීමට කිසිදිනෙක පැමිණියේ නැත.

එහෙත් චිත්‍රපට නිෂ්පාදක අශෝක්‌ පණ්‌ඩිත් ඇගේ රෝහල් බිල් ගෙවාදමමින් සහාය වී තිබේ.

ගීතාගේ සිරුර ඇගේ දරු දෙදෙනා එනතුරු පාලේ රෝහලේ තැන්පත් කළා. එහෙත් ඔවුන් ආවේ නැහැ යයි පණ්‌ඩිත් කීවේය.

මියයාමට දින කීපයකට පෙර ගීතා පැවසුවේ තම පුත්‍රයා වූ රූපා කපූර් තම ගිණුමේ ඇති මුදල් සියල්ල ලබාගත් බවයි.

 

සයුරෙන් එහා පුවත්

ප්‍රංශයේ පැරිස් නුවර මහල් ගොඩනැගිල්ලක බැල්කනියක එල්ලී සිටි කුඩා දරුවෙකු ස්පයිඩර්මෑන් දස්කමකින් බේරාගත් මාලි ජනරජයෙන් පැමිණි සරණාගත තරුණයෙකුට ප්‍රංශ පුරවැසිභාවය පිරිනමා තිබේ.

මමූදොව් ගසාමා ලෙස හැඳන්වුණු තරුණයාගේ මෙම වික්‍රමාන්විත ක්‍රියාවත් සමග ප්‍රංශ සමාජය තුළ ඔහු පිළිබඳ බොහෝ කතාබහක් ඇතිවෙමින් තිබේ.

ඔහු පවසන පරිදි, තමන් මාර්ගයේ ඇවිද යනවිට ජනයා වටවී මහල් ගොඩනැගිල්ලක් දෙස බලා සිටිනු දැක ඇති අතර, පසුව විපරම් කිරීමේදී කුඩා දරුවෙකු බැල්කනියක එල්ලී සිටින ආකාරය ඔහු දැක තිබේ.

එහිදී, ක්ෂණිකව ක්‍රියාත්මක වී ඇති මෙම තරුණයා එම ගොඩනැගිල්ලේ සිව්වැනි මහල දක්වා තම ජීවිතයද කැපකරමින් ස්පයිඩර්මෑන් ගමනක් ගොස් සිව් හැවිරිදි මෙම දරුවා බේරාගෙන ඇත.

ඔහුගේ මෙම වික්‍රමාන්විත ක්‍රියාව අගයනු වස් ප්‍රංශ ජනපති මැක්‍රෝන්, ගසාමා තරුණයාව ප්‍රංශ ජනපති මැදුරට ගෙන්වා ඔහුට විශේෂ සහතික පත්‍රයක් සහ තෑගිභෝගද පිරිනමා ඇත.

එමෙන්ම, ප්‍රංශ ගිනි නිවන හමුදාවේ රැකියාවක් මෙන්ම, ඔහුට ප්‍රංශය තුළ පුරවැසිභාවයද පිරිනැමීමට ජනපතිවරයා කටයුතු කර තිබේ.

මෙම තරුණයා නූතන ස්පයිඩර්මෑන් කෙනෙකු ලෙස හඳුන්වා ඇත්තේ පැරිස් නගරාධිපතිනී ඈන් හිඩල්ගෝ ය.

අදාල සිද්ධියේ වීඩියෝ සහ ජයාරූප පහතින් ඔබට නැරඹිය හැකිය

සයුරෙන් එහා පුවත්

බොලිවුඩ් සිනමාවේ හිටිය සුරූපිම නිළියන් කිහිප දෙනාගෙන් කෙනෙක් තමයි ශ්‍රී දේවී. අවාසනාවන්ත විදියට ඇය හදිසියේම මිය ගියා. හැබැයි ඇයගේ මරණය මිනී මැරුමක් කියලා වටින් ගොඩින් කතා ඇහුණා.

ඒ වුනත් කාලයත් එක්කම ඇයගේ මරණය ගැන කතා යට ගියා. හැබැයි ආයෙත් ශ්‍රී දේවිගේ මරණය ගැන කතාව උද ඇවිත් තියෙනවා. ඒ ඉන්දියාවේ විශ්‍රාමික පොලිස් අධිකාරිවරයෙක් කල ප්‍රකාශයක් එක්ක.

ශ්‍රී දේවීගේ මරණය සැලසුම් කල මරණයක් කියලා නවදිල්ලියේ විශ්‍රාමික පොලිස් අධිකාරි වෙඩ් භූෂාන් ප්‍රකශ කරනවා. නාන බේසමකට කෙනෙක්ව දාල හදිසි අනතුරක් වගේ පෙන්නන එක ලේසි කියලයි ඔහු චෝදනා කරන්නේ.

ඩුබායි බලධාරීන්ගේ මරණ පරීක්ෂණය පිළිගන්න බෑ කියලයි ඔහු කියන්නේ. තමන් ඩුබායි ජුමෙයිරා හෝටලයට ගියත් ශ්‍රී දේවි නතර වෙලා හිටිය හෝටල් කාමරයට යන්න දුන්නේ නෑ කියලා සහකාර පොලිස් අධිකාරිවරයා චෝදනා කරනවා.

ශ්‍රී දේවි වගේ උස කෙනෙක් නාන බේසමේ ගිලිලා මැරෙන්න කොහෙත්ම ඉඩක් නෑ කියලා ඔහු පෙන්වා දෙනවා.

 

 

සයුරෙන් එහා පුවත්

පසුගිය 19 වනදා නිමාවට පත් වූ සසෙක්ස් හි ආදිපාදවරයා හා ආදිපාදවරිය වන හැරී – මේගන් රාජකීය විවාහ මංගල්‍යයේ නිල ඡායාරූප මාධ්‍ය වෙත මේ වන විට නිකුත් කර තිබේ.

ඇලෙක්සි ලුබොමර්ස්කි විසින් ගන්නා ලබන මෙම ඡායාරූප අතරට විවාහපත් යුවළ සිය මල් කුමර කුමරියන් සමග මෙන්ම සිය සමීප පවුලේ සාමාජිකයන් සමග ගත් ඡායාරූප ඇතුළත් වේ.

පසුගිය සෙනසුරාදා දින පැවති සිය විවාහ මංගලයට එක්වූ සියළුම දෙනාට හැරී – මෙගන් යුවළ ස්තූති කර සිටින බව කෙංසින්ටන් මාළිගය විසින් නිකුත් කළ නිවේදනයක දැක්වේ.

Windsor Castle හි පැවති මෙම විවාහා මංගල්‍යය නිමාවට පත්වී දින ගණනාවක් පසු වූ නමුත් අදටත් රාජකීය විවාහ මංගල්‍ය ගැන විවිධ පුවත් අසන්නට ලැබෙනවා.

ලෝකයේම අවධානය දිනාගත් මෙම මංගල්‍යයේ මාධ්‍යට නිකුත් කළ එම ජායාරූප පෙළ පහතින්.