දේශපාලන

පොලිස් නිලධාරීන් දෙදෙනකුගේ රාජකාරියට බාධා කර ඔවුන් සතු ගිනි අවි පැහැර ගැනීමට උත්සාහ කළැයි සැකපිට තමන්කඩුව ප්‍රාදේශීය සභාවේ සභාපතිවරයා ඇතුළු තිදෙනකු අත්අඩංගුවට ගත් බව පොලොන්නරුව පොලිසිය කියයි.

මෙසේ අත් අඩංගුවට ගෙන ඇත්තේ ශ්‍රී ලංකා නිදහස් පක්ෂයෙන් තමන්කඩුව ප්‍රාදේශීය සභාවට තරග වැද ඉකුත් දා සභාපතිවරයා ලෙස පත්වූ ප්‍රේමසිරි මුණසිංහ මහතා සහ ඔහුගේ මිතුරන් දෙදෙනෙකු බව පොලිසිය පවසයි.

මෙම සභාපතිවරයාගේ කැබ් රථය කදුරුවෙල නගරයේ ප්‍රධාන මාර්ගය අවහිර වන ලෙස නවතා තැබීම හේතුවෙන් එය ඉවත් කර ගන්නා ලෙස පොලිසිය දැනුම් දී ඇති බවත්, ඒ සමඟ සභාපතිවරයා ඇතුඑ පිරිස කැබ් රථයෙන් බැස මහ ජනතාව බලා සිටියදීම පොලිස් නිධාරින්ගේ අවිත් පැහැරගෙන පහර දී ඇති බවත් පොලිසිය කියයි.

පහරකෑමට ලක්වූ පොලිසියේ දෙදෙනා පොළොන්නරුව රෝහලේ ප්‍රතිකාර ලබති.

අත්අඩංගුවට ගත් තිදෙනා ද ප්‍රතිකාර සඳහා රෝහල් ගත වී තිබේ.

දේශපාලන

ශ්‍රී ලංකා නිදහස් පක්‍ෂයේ ඇමතිවරුන් හෙට (10) පැවැත්වෙන කැබිනට් රැස්වීම වර්ජනය කිරීමට ශ්‍රී.ල.නි.ප. මධ්‍යම කාරක සභාව අද (09) රාත්‍රීයේදී තීරණය කර ඇත.

එක්සත් ජාතික පක්‍ෂයේ ඇමතිවරුන් ශ්‍රී ලංකා නිදහස් පක්‍ෂයේ ඇමතිවරුන්ට අපහාස කිරීම් වලට විරෝධය පළ කිරීමක් ලෙස ශ්‍රී ලංකා නිදහස් පක්‍ෂයේ ඇමතිවරුන් කැබිනට් රැස්වීම වර්ජනය කිරීමට තීරණය කර ඇතැයි පක්‍ෂ ආරංචි මාර්ග සඳහන් කරයි.

ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් ජනාධිපති නිල නිවසේදී පැවැති ශ්‍රී.ල.නි.ප. මධ්‍යම කාරක සභාවේදී මෙම තීරණය ගෙන ඇත.

ශ්‍රී ලංකා නිදහස් පක්‍ෂය ජාතික ආණ්ඩුවේ සිටිනවාද? නැද්ද? යන්න සම්බන්ධයෙන් අවසන් තීරණයක් ගන්නා තෙක් හෙට (10) පැවැත්වෙන කැබිනට් රැස්වීම වර්ජනය කිරීමට තීරණය කළ බව එම පක්‍ෂයේ ප්‍රකාශකයකු ලංකාදීපයට පැවසීය.

අගමැතිවරයාට එරෙහි විශ්වාසභංග යෝජනාවට පක්‍ෂව ඡන්දය දුන් ශ්‍රී.ල.නි.ප. ඇමතිවරුන්ට අමතරව පක්‍ෂයේ සෙසු කැබිනට් ඇමතිවරුන්ද කැබිනට් රැස්වීමට සහභාගී නොවන බව ඔහු සඳහන් කළේය.

ශ්‍රී ලංකා නිදහස් පක්‍ෂය ජාතික ආණ්ඩුවෙන් ඉවත්විය යුතු බවට අද පැවැති මධ්‍යම කාරක සභා රැස්වීමේදී අනුර ප්‍රියදර්ශන යාපා මහතා යෝජනා කර ඇති අතර එස්.බී. දිසානායක මහතා එය ස්ථීර කර ඇත.

ශ්‍රී ලංකා නිදහස් පක්‍ෂය ජාතික ආණ්ඩුවෙන් ඉවත්විය යුතු බවට අනුර ප්‍රියදර්ශන යාපා, එස්.බී. දිසානායක, දයාසිරි ජයසේකර, ඩිලාන් පෙරේරා, ලක්‍ෂමන් යාපා අබේවර්ධන යන මහත්වරුන් ඇතුළු කිහිප දෙනෙකු දැඩිව ප්‍රකාශ කොට ඇතැයි ද අගමැතිවරයාට එරෙහි විශ්වාසභංග යෝජනාවට පක්‍ෂව ඡන්දය දුන් ශ්‍රී.ල.නි.ප. ඇමතිවරුන් 16 දෙනා සකස් කළ වාර්තාවක් ද මධ්‍යම කාරක සභාවට ඉදිරිපත් කොට ඇතැයිද වාර්තා වේ.

මේ සම්බන්ධයෙන් අදහස් දක්වා ඇති ජනාධිපති මෛත්‍රීපාල සිරිසේන මහතා ශ්‍රී ලංකා නිදහස් පක්‍ෂය හදිසි නොවී පක්‍ෂයක් වශ්‍යයෙන් තීරණයක් ගත යුතු බවත් ශ්‍රී.ල.නි.ප. මැති ඇමතිවරුන් 41 දෙනාම එකට සිටිය යුතු බවත් ප්‍රකාශ කොට ඇත.

අගමැතිවරයාට එරෙහි විශ්වාසභංග යෝජනාවට පක්‍ෂව ඡන්දය දුන් ශ්‍රී.ල.නි.ප. ඇමතිවරුන් ඉවත්වීමට කර ඇති ඉල්ලීම හා ශ්‍රී ලංකා නිදහස් පක්‍ෂය ජාතික ආණ්ඩුවෙන් ඉවත්වන්නේද? නැද්ද? යන්න සම්බන්ධයෙන් අද හෙටම රැස්වී තීන්දුවක් ගැනීමටද එහිදී තීරණය වී ඇත.

ශ්‍රී ලංකා නිදහස් පක්‍ෂය ජාතික ආණ්ඩුවෙන් ඉවත්විය යුතු බව මධ්‍යම කාරක සභාවේ වැඩි දෙනෙකු ප්‍රකාශ කර ඇති අතරම විශ්වාසභංග යෝජනාවට සහය දුන් ශ්‍රී.ල.නි.ප. ඇමතිවරුන් කැබිනට්ටුවෙන් ඉවත්වීය යුතු බවට මෙන්ම එලෙස යෝජනාවට සහය දුන් ශ්‍රී.ල.නි.ප. ඇමතිවරුන්ට එරෙහිව එජාප ඇමතිවරුන් කිහිප දෙනෙකු විසින් පසුගියදා කර තිබු ප්‍රකාශ වලට විරෝධය පළ කිරීමක් ලෙස ශ්‍රී.ල.නි.ප. ඇමතිවරුන් සියළු දෙනා හෙට පැවැත්වෙන කැබිනට් රැස්වීමට සහභාගී නොවීමට තීරණය කොට ඇති බව එම ප්‍රකාශකයා වැඩිදුරටත් පැවසීය.

ශ්‍රී ලංකා නිදහස් පක්‍ෂය මධ්‍යම කාරක සභාව අනිද්දා (11) රැස්වී මේ පිළිබඳව සාකච්ඡා කිරීමට නියමිතය.

දේශපාලන

සංවර්ධන උපාය මාර්ග සහ ජාත්‍යන්තර වෙළෙඳ අමාත්‍ය මලික් සමරවික්‍රම මහතා එක්සත් ජාතික පක්ෂයේ සභාපති ධූරයෙන් ඉල්ලා අස් වී තිබේ. එක්සත් ජාතික පක්ෂයේ ප්‍රතිසංවිධාන යෝජනා ලබා ගැනීම සඳහා පත් කෙරුණු කමිටුව සියලු තනතුරු වෙනස් කළ යුතු බවට නිර්දේශ කර තිබිණි.එක්සත් ජාතික පක්ෂයේ නව තොරතුරු සියල්ල මැයි 01 වැනිදාට පෙර පත් කිරීමට නියමිතව ඇත.

ඊයේ (07දා) ජනපතිවරයා හා අග්‍රාමාත්‍යවරයා අතර හමුවක් පැවැති බවත් එහිදී විශ්වාසභංග යෝජනාවට පක්ෂව ඡන්දය භාවිත කළ නිදහස් පක්ෂ මැති ඇමතිවරුන් ආණ්ඩුවෙන් ඉවත් කළ යුතු බවට එක්සත් ජාතික පක්ෂය ජනපතිවරයා දන්වා තිබේ.ඒ අනුව ලබන අගහරුවදා නව කැබිනට් ඇමතිවරු පත් කිරීමට සියලු කටයුතු සුදානම් කර ඇති බවයි වාර්තා වෙන්නේ.ඒ අනුව එක්සත් ජාතික පක්ෂයට එක් කැබිනට් ඇමති ධුරයක් හිමිවන අතර ඉතිරි කැබිනට් අමාත්‍යධුර විශ්වාසභංග යෝජනාවට විරුද්ධව ජන්දය පාවිච්චි කල ශ්‍රී ලංකා නිදහස් පක්ෂ මන්ත්‍රීවරුන්ට හිමි වෙයි.

රාජ්‍ය අමාත්‍ය වරු සහ නියෝජ්‍ය අමාත්‍ය වරු 10දෙනෙකු දිව්රුම් දීමට එදින නියමිතයි.ඒ එම 10දෙනා එක්සත් ජාතික පක්ෂයට හිමිව ඇති අතර රනිල් වික්‍රමසිංහ මහතා ඇතුළු එක්සත් ජාතික පක්ෂයේ මැති ඇමති පිරිසක් මෙම සාකච්ඡාවකට එක්ව තිබේ.

ශ්‍රී ලංකා නිදහස් පක්ෂයේ ලක්ෂ්මන් සෙනෙවිරත්න , ලසන්ත අලගියවන්න ,පියසේන ගමගේ , ඉන්දික බණ්ඩාරනායක, වීරකුමාර දිසානායක යන මැති ඇමතිවරුන් සදහා මෙවර කැබිනට් සංශෝධනයේදී කැබිනට් ඇමතිකම් ලැබෙනු ඇත අතර නියෝජ්‍ය කතානායක ධුරය සදහා මේ වන විට ශ්‍රියානි විජේවික්‍රම මහත්මියගේ නම යෝජනා වී ඇත.

එක්සත් ජාතික පක්ෂයට හිමිව ඇති කැබිනට් ඇමතිධුරය සදහා රවී කරුණානායක සහ විජේදාස රාජපක්ෂ මන්ත්‍රීවරුන්ගේ නම් දෙක යෝජනා වී ඇත.

මේ අතර අගහරුවදා උදැසන විශ්වාසභංග යෝජනාවට පක්ෂව ඡන්දය දුන් කැබිනට් අමාත්‍ය වරුන්ගේ මාධ්‍ය හමුවක් සංවිධානය කර ඇති අතර එහිදී ඔවුන්ගේ ඉල්ලා අස් වීම නිල වශයෙන් දැනුම් දීමට නියමිතයි.

ඒ අනුව නව රාජ්‍ය සහ නියෝජ්‍ය අමාත්‍යධුර සදහා බුද්ධික පතිරණ ,නලින් බණ්ඩාර , අජිත් මාන්නප්පෙරුම , රන්ජිත් අලුවිහාරේ ,ලකී ජයවර්ධන , එඩ්වඩ් ගුණවර්ධන ,ආනන්ද කුමාරසිරි , කාවින්ද ජයවර්ධන , මුජිබර් රහුමාන් ,S.M මරික්කාර් යෝජනා කර ඇත.

දේශපාලන

හිටපු අමාත්‍යවරයෙක් වන මහින්ද විජේසේකර මහතා දැනට වසර කීපයක සිට තරමක් අසනිපවයි සිටින්නේ.එවකට කොටි ත්‍රස්තවාදීන් විසින් මාතරදී එල්ල කරන ලද මරාගෙන මැරෙන බෝම්බ ප්‍රහාරයක් නිසා මෙසේ රෝගාතුර විය.නමුත් අපි මේ ගෙන එන වාර්තාව මේ වන විට සාමාජ ජාල මාධ්‍ය ඔස්සේ නැවතත් හිටපු අමාත්‍යවරයා ගැන කතා බහට ලක් වී ඇත.ඊට අදාල සටහන පහතින් නරඹන්න 

මහින්ද විජේසේකර ශ්‍රී ලාංකිකයින් බොහෝ දෙනෙකුට මේවන විට අමතක වී හමාරය. එතරම්ම කාලයක් ඔහු දේශපාලන තිරයෙන් නොපෙනී ගොස් කාලය ගතවී ඇත.ජීවිත කාලයේ කල පව් බලවත් වී ඇත.

වරක් මොහු ධීවර ඇමතිව සිටි සමයේ නාරා ආයතනයේ මත්ස්‍ය අභිජනන මධ්‍යස්ථානයකට ගොස් එහි අභිජනන ක්‍රියාවට සිටි මත්ස්‍යයින් තෝරා අද හෝ හෙට බිත්තර දහ දාහක් පමණ දැමීමට සිට් මත්ස්‍යයේ පෙන්වා මේ මත්ස්‍යායාම අද රාත්‍රී තමාට කෑමට සකස් කර දෙන ලෙස අනකරන ලද අතර වෙනත් මස්‍යයෙකු තෝරා ගන්නා ලෙස සේවකයින් කල ඉල්ලීමද පසෙක දමා ඇත. මැරී සිටි මත්ස්‍යයෙකු ආහාරයට ගැනීමත් තමා විසින් අන කර මරාගෙන කෑමත් දෙවර්ගය බල සහිත පාපයන්ය. එයටත් වඩා ගැබිනි මත්සයෙකු ගැබිණි බව දැන දරනම අන කර මරාගෙන කෑම ඊටත් වඩා බලවත් පාපයෙකි. මැරීමට තවත් මසුන් සිටියදී ඒ අතරින් ගැබිනියම තෝරාගෙන මරා කෑම ඒ හැමටම වඩා කිසිදාක ගැලවිය නොහැකි අති ප්‍රබල පාපයකි.

මෙය මට පවසන ලද්දේ එම ස්ථානයේ සිටි මාගේ මිත්‍රයෙකි. මේ ඔහු කල එක පවක් පමණයි. තවත් කප්පරකට පවු කර ඇත. අනෙක් ඒවා මෙහි කීම නොවටී යයි හැඟේ නොකීවද දකුණු ප්‍රදේශයේ බොහෝ දෙනෙක් සහ ඔහු ඇමති කම් කල අමාත්‍යංශවල බොහෝ දෙනෙක් ඒ පිළිබඳව අපටත් වඩා හොදින් දනී.

ඒ අතර තම හිතු මතයට චිරාත් කාලයක් සිට පැවත එන දෙවි නුවර විශ්ණු දේවාලය වෙනස් කිරීමේ සැලසුමක්ද විය. කෙසේ වෙතත් විශ්ණු දෙවියන්ගෙන් ඊට ඉඩ නොලැඹිණි. ඊට පෙර ඔහු රුදුරු LTTE ත්‍රස්ත ප්‍රහාරයකින් ඔත්පල විණි. එවකට ඔහු කෙතරම් බලවත් පුද්ගලයෙක් වුවද කෙතරම් මුදල් උපායා තිබුනද ලොව ඇති උසස්ම තාක්ෂනයටවත් ඔහු ප්‍රකෘති තත්වයට සුවපත්.කල නොහැකි විය. අද හේ කිසිවෙක් නොසලකන හැමටම අප්‍රිය ලෙස හැසිරෙන මණුශ්‍ය ප්‍රේතයෙකි. වෙනත් අය ප්‍රේත ආත්ම ලබන්නේ මිය යාමෙන් අනතුරුවයි නමුත් විජේසේකර මිය යාමටත් මත්තෙන් මනුෂ්‍ය ප්‍රේතයෙකු ලෙස වසර ගනනක සිට හැසිරෙයි.

ඔහුකල පව් එපමණකටම දරුණුය. ඔහු බලයේ සිටි කල ඔහු සොයා අළුත් අවුරුද්දට බුලත් දී දන ගසා වැද වැටුණු පාෂිකයෝ වසර ගණනක සිට බෙහෙතකටවත් සොයා ගැනීමට නොමැත. බුදු සර් සර් වෙණුවෙන් අපි අබේ ජීවිතය උවත් දෙනවා යැයි චාටු බස් දෙසමින් ඔහුගෙන්ම කකා බිබී ඔහුව පාපයට පෙලඹවූ ඔහුවටා සිටි ඇම්බැට්ටයන්ද අද නැත. ඔහු කල පව් අද ඔහු තනියම විදවමින් සිටී. මෙයයි ලෝක සත්‍ය.

මේවා ගැන සොයා බැලීමක් පාර්ලිමේනතුවේ වර්තමාන 225 දෙනාට නැත එහෙයින් ඔවුන් සිත් සේ ජනතාව පීඩාවට පත් කරමින් සොරකමේ සහ පාපයේම නියැලෙයි. ඔවුන්ටද මේ ගැඹුරු සසරේ ගැලවීමක් නොමැත. උසාවි සහ නීථිය මෙන්ම දඬුවම්ද ඔවුන්ට බලය හා ධනය භාවිතයෙන් වෙනස් කර බේරී යා හැක. නමුත් කර්මය අප කාහටත් පොදුය. එය කිසිවෙකුටක් වෙනස් කල නොහැක. වෙලාව ආ සැණින් විදවීමට සිදුවේ. එය කෙතරම් කලක් දැයි කාහටත් පැවසිය නොහැක. කලප ගණනක් වුවද විය හැක.

කරණ කලට පව් මීරිය මීසේ
විදින කලට දුක් දැඩිවෙයි ගිනිසේ

මේ බව අවභෝද කරගෙන වත්මං පාලකයින් දැන්වත් පාප ක්‍රියාවන් කිරීමෙන් වැලකීමට අධිටං කර ගනිත්වා…!!!

දේශපාලන

එක්සත් ජාතික පක්ෂයේ ප්‍රතිසංස්කරණ වැඩපිළිවෙළ යටතේ දැනට පක්ෂයේ සිටින ‍‍‍ජ්‍යෙෂ්ඨ අමාත්‍යවරුන් දෙදෙනා වන ජෝන් අමරතුංග හා ගාමිණී ජයවික්‍රම පෙරේරා ඇමැති ධුරවලින් ඉවත් කර පුරප්පාඩු වන ඇමැති ධුර සඳහා තරුණ මන්ත්‍රීවරුන් පත් කිරීමට නියමිත බව දේශපාලන ආරංචිමාර්ග සඳහන් කරයි.

මේ සඳහා අගමැති රනිල් වික්‍රමසිංහද කැරලිකාර මන්ත්‍රීන්ට එකඟතාව පළකර ඇති බවද එම ආරංචිමාර්ග සඳහන් කරයි.

එජාප සභාපති මලික් සමරවික්‍රමගේ නිවසේදී කැරලිකාර මන්ත්‍රීන් සමග පැවැති හමුවකදී මෙම කාරණාව සාකච්ඡා කර තිබේ.

එහෙත් එම යෝජනාවට එකඟ වී නැති කැරලිකාර මන්ත්‍රීවරුන් අගමැතිවරයාට දන්වා ඇත්තේ එක්සත් ජාතික පාක්ෂිකයන් බලා‍පොරොත්තු වන්නේ පක්ෂ නායකත්වයේ වෙනසක් මිස ඔළු ගෙඩි මාරු කිරීමක් නොවන බවයි.

දේශපාලන

එක්සත් ජාතික පක්ෂයේ පාර්ලිමේන්තු මන්ත‍්‍රීවරුන් හා අග‍්‍රාමාත්‍ය රනිල් වික‍්‍රමසිංහ මහතා අතර සාකච්ඡාවක් අරලියගහ මන්දිරයේ දී අද (07) පැවැත්වුණා. ඒ, පක්ෂයේ ප‍්‍රතිසංවිධාන වැඩපිළිවෙල පිළිබඳවයි.

පෙරවරු 10ට පමණ ආරම්භ වූ මෙම සාකච්ඡාව සඳහා එක්සත් ජාතික පක්ෂය නියෝජනය කරන මැති ඇමතිවරුන් රැසක් එක්ව සිටියා. පක්ෂයේ ප‍්‍රතිසංවිධාන කටයුතු ඇතුළු ආණ්ඩුවේ ඉදිරි කටයුතු වෙනුවෙන් පත් කරනු ලැබූ කමිටුවල වාර්තා එහිදී අග‍්‍රාමාත්‍ය රනිල් වික‍්‍රමසිංහ මහතා වෙත භාර දෙනු ලැබුවා.

එක්සත් ජාතික පක්ෂ නායකත්වය වෙනස් නොවිය යුතු බවට කෘත්‍යාධිකාරී මණ්ඩල රැස්වීමේදී බහුතරයකගේ මතය වී තිබෙනවා.ඒ අනුව ඉදිරියේදීත් පක්ෂ නායකයා ලෙසට අග්‍රාමාත්‍ය රනිල් වික්‍රමසිංහ කටයුතු කළ යුතු බවටයි එක්සත් ජාතික පක්ෂ කෘත්‍යාධිකාරී මණ්ඩලයේ සහ පාර්ලිමේන්තු කණ්ඩායමේ බහුතර මතය වී ඇත්තේ.

මේ අතර පක්ෂයේ පරිපාලන නායකයින් ලෙස රනිල් වික්‍රමසිංහ ,සජිත් ප්‍රේමදාස සහ රවී කරුණානායක පත් විය.

මේ නායකයින්ට අමතරව පක්ෂයේ පරිපාලන කමිටුවක් පත් කිරීම පිලිබදව ප්‍රථමව ජන්ද විමසීමක් පවත්වනු ලැබුවා.ඒ අනුව පක්ෂයේ පරිපාලන කමිටුව ලෙස මංගල සමරවීර , හරින් ප්‍රනාන්දු , රංජිත් මද්දුමබණ්ඩාර , අකිල කාරියවසම් ,නවින් දිසානායක ,ගයන්ත කරුණාතිලක ,නලින් බණ්ඩාර ,එරාන් වික්‍රමරත්න ,අජිත් පි පෙරේරා ,අශෝක ප්‍රියන්ත යන මැති ඇමති වරු පත්වුහ.

දේශපාලන

ජාතික ආණ්ඩුවේ එක්සත් ජනතා නිදහස් සන්ධානය නියෝජනය කරන ශ්‍රී ලංකා නිදහස් පක්ෂ මන්ත්‍රී කණ්ඩායමක් ඉන් ඉවත්ව යෑමට ගත් තීරණයත් සමග තනි එක්සත් ජාතික පක්ෂ ආණ්ඩුවක් පිහිටුවීමේ සූදානමක් පවතී.

අගමැති රනිල් වික්‍රමසිංහට එරෙහිව ඉදිරිපත් වූ විශ්වාසභංග යෝජනාවේදී ඊට සහය දැක්වූ ශ්‍රීලනිපයේ මැති ඇමැතිවරුන් ඇතුළු 16 දෙනා සිය තනතුරු අත්හැර විපක්ෂයට යෑමට ගත් තීන්දුවත් සමග තනි එජාප ආණ්ඩුව පිහිටුවීමේ අවදානම මතුවී තිබෙන බව ආණ්ඩුව අභ්‍යන්තරයේ ශ්‍රීලනිප ආරංචි මාර්ග සඳහන් කරයි.

විශ්වාසභංග යෝජනාවෙන් අගමැති වික්‍රමසිංහ ජයග්‍රහණය කර ඇති බැවින් තනි එජාප  ආණ්ඩුවක් ලෙස ඔවුන්ගේ වැඩපිළිවෙල      ඉදිරියට ගෙන යාමට ඉඩදී සන්ධානයේ  කණ්ඩායම එහි වගකීමෙන් ඉවත්වීම වඩාත් සුදුසු බව තවදුරටත් ආණ්ඩුවේ රැඳී සිටින ශ්‍රීලනිප කණ්ඩායමේද අදහස වී තිබේ.

ශ්‍රී ලංකා නිදහස් පක්ෂයේ 16 දෙනා ඉවත්ව යෑමත් සමග ආණ්ඩුවට බහුතරය අහිමි වී වන බැවින් ඉදිරි ආණ්ඩුව දුර්වල ආණ්ඩුවක් වන බවද දේශපාලන විචාරකයෝ පවසති.

දේශපාලන

සංකීර්ණ කැබිනට් සංශෝධනයක් ඉදිරියේදී සිදුකරන බව ජනපති මෛත්‍රීපාල සිරිසේන මහතා පැවැසීය.ජනපති මෛත්‍රීපාල සිරිසේන මහතා මේ බව ප්‍රකාශ කළේ මාධ්‍ය ආයතන ප්‍රධානීන් අතර අද පැවැති හමුවකදීය.අග්‍රාමාත්‍ය රනිල් වික්‍රමසිංහ මහතාට එරෙහි විශ්වාසභංග යෝජනාවට පක්ෂව ඡන්දය දුන් ශ්‍රී ලංකා නිදහස් පක්ෂ කැබිනට් ඇමැතිවරු 06 දෙනාගෙන් පස් දෙනෙක් සිය ධුරවලින් ඉල්ලා අස්වෙන බව එක්සත් ජාතික පක්ෂයට දැනුම් දී තිබෙනවා.

පරාජයට පත්වූ විශ්වාසභංග යෝජනාවට ඡන්දය දීමේ වගකීම බාරගෙන එලෙස කැබිනට් අමාත්‍යධූරවලින් ඉවත් වන බවයි ඔවුන් දැනුම්දී ඇත්තේ.චන්දිම වීරක්කොඩි, ජෝන් සෙනවිරත්න, එස්.බි දිසානායක, සුසිල් ප්‍රේමජයන්ත, අනුර ප්‍රියදර්ශන යාපා යන මහත්වරුන් ඊට ඇතුලත්.

එහෙත් විශ්වාසභංගයට පක්ෂව ඡන්දය දුන් ක්‍රීඩා ඇමැති දයාසිරි ජයසේකර මහතාගේ ඉල්ලා අස්වීම මෙතෙක් නිල දැනුම්දීමක් සිදුකර නැහැ.විශ්වාසභංග යෝජනාවට ඡන්දය දුන් සියලුම අමාත්‍යවරුන් අමාත්‍යධූරවලින් ඉවත් කළ යුතු බව එක්සත් ජාතික පක්ෂ පසුපෙළ මන්ත්‍රීවරුන් 33 දෙනෙකුගේ අත්සනින් යුතු ලිපියක් රනිල් වික්‍රමසිංහ මහතාට භාර දුන් අතර එම 16 දෙනාට එරෙහි විශ්වාසභංගයක් අද කථානායකවරයා වෙත ඉදිරිපත් කෙරෙනවා.

මේ අනුව එක්සත් ජාතික පක්ෂයේ පාලිත රංගේ බණ්ඩාර,බුද්ධික පතිරණ ,සුජීව සේනසිංහ ,පාලිත තෙවරප්පෙරුම,වසන්ත සේනානායක යන මන්ත්‍රීවරුන්ට කැබිනට් අමාත්‍ය ධුර සදහා මේ වන විට එක්සත් ජාතික පක්ෂයෙන් යෝජනා කර ඇත.ඊට අමතරව නලින් බණ්ඩාර ,එස්.එම් මරික්කාර් , මුජුබර් රහුමාන් , හෙක්ටර් අප්පුහාමි නියෝජය අමාත්‍ය ධුර සදහා යෝජනා වී ඇත.

 

දේශපාලන

විශ්වාසභංග යෝජනාවට විරුද්ධ එක්සත් ජාතික පක්ෂයට ඡන්ද 122ක් පවතින බවත් එයට පක්ෂව ඇත්තේ ඡන්ද 80ක් බවත් අමාත්‍ය ජෝන් අමරතුංග මහතා පාර්ලිමේන්තුවේදී පැවැසීය.වීරවංස මන්ත්‍රීතුමා පරාජය බාරගෙන අවසන්. මෙයින් යහපාලනය පිරිසුදු වුණා.

දිනේෂ් ගුණවර්ධන මහතාගේ පියා නිදහස් පක්ෂයේ සිට එක්සත් ජාතික පක්ෂ ආණ්ඩුවට ඇවැති ඇමතිකමක් දැරුවා. දිනේෂ් ගුණවර්ධන මහතාටත් ආණ්ඩුවට එන්න කියලා ආරාධනා කරනවා.අපිට ඡන්ද 122ක් තිබෙනවා. පක්ෂව ඡන්ද 80 තිබෙන්නේ. ශ්‍රී ලංකා නිදහස් පක්ෂයෙන් පොල්ලක් තිබ්බා. යෝජනාව ඉල්ලා අස්කර ගන්න. අපි දවල්ල කාලා ගෙදර යමු.මේ අතර අමාත්‍ය ජෝන් අමරතුංග මහතා පාර්ලිමේන්තුවේදී තම කතාව කරන අතරතුරදී විමල් විරවංශ මන්ත්‍රීතුමා හරි අපුරු රීති ප්‍රශ්නයක් ගෙනාවා.

පහතින් වීඩියෝව නරඹන්න

 

දේශපාලන

පිවිතුරු හෙළ උරුමයේ මහලේකම් උදය ගම්මන්පිල මහතාට කැබිනට් අමාත්‍ය ධුරයක් ලබාදීම සඳහා අවස්ථාව දෙන්නැයි අග්‍රාමාත්‍ය රනිල් වික්‍රමසිංහ මහතා හිටපු ජනාධිපති මහින්ද රාජපක්ෂ මහතාගෙන් අවසථාවක් ඉල්ලා ඇතැයි දේශපාලන ආරංචි මාර්ග කියයි.

විශ්වාසභංග විවාදයෙන් පසු පාර්ලිමේන්තු සංකීර්ණයේ ආලින්දයේ දී හමු වු අවස්ථාවේදී ඉල්ලීමක් කර ඇත.

විශ්වාස භංගය යෝජනාව ගෙනවිත් තම ශක්තිය පෙන්වීමට අවස්ථාව ලබා දීම නිසා උදය ගම්මන්පිල මහතාට කැබිනට් අමාත්‍ය ධුරයක් පිරි නමා කෘතඥතාවය පළ කිරීමට සුදානමින් සිටින බවද අගමැතිවරයා එහිදී පවසා තිබේ.