දේශපාලන

මෙන්ඩිස් සමාගමෙන් ඡන්ද වැඩවලට මුදල් ගැනීමේ සිද්ධිය හේතුකරගෙන මන්ත්‍රී ධුරයෙන් ඉවත්වීමටත් එම ලබාගත් මුදල් සමාජ සේවා කටයුත්තකට යෙදවීමත් තමා එකඟවන බව ජාත්‍යන්තර වෙළඳ රාජ්‍ය අමාත්‍ය සුජීව සේනසිංහ මහතා පවසයි.

අගමැතිතුමා, කතානායකතුමා, මහානායක හිමියන් හෝ එවැනි ඉල්ලීමක් කළ යුතු අතර එම ඉල්ලීම කළ හොත් තමා පසුබට නොවන බවද ඔහු කියයි.

ඡන්ද වැඩට මුදල් ගැනීම නීතිවිරෝධි නොවන අතර තමාට මුදල් ලැබෙන විට මෙන්ඩිස් සමාගම නීත්‍යානුකූල සමාගමක් වන අතර ඊට එරෙහි කිසිදු පරීක්ෂණයක් නොතිබුණු බවද සේනසිංහ මහතා පැවසීය.

මෙන්ඩිස් සමාගම පර්පචුවල් ට්‍රෙෂරීස් සමාගමට අයත් බවට මුදල් දෙන අවස්ථාවේදී තමන් නොදන්නා බවත්, මැතිවරණ කාලවලදී හිතවතුන් හා ව්‍යාපාරිකයන් මුදල් ලබාදීම සාමාන්‍ය දෙයක් බවත් හෙතෙම ප්‍රකාශ කළේය.

අදාළ චෙක්පත් ආරක්‍ෂක නිලධාරියෙකු මගින් මාරුකර මැතිවරණ කටයුතු සඳහා යොදාගත් බවත්, පර්පචුවල් ට්‍රෙෂරීස් සමාගමෙන් මුදල් ලබාගෙන තිබෙන බවට තමන් දැන ගත්තේ මීට දින දෙකතුනකට පෙර බවත් අමාත්‍යවරයා සඳහන් කළේය.

දේශපාලන

අපවත් වී වදාළ මාදුළුවාවේ සෝභිත හිමියන්ගේ 76 වැනි ජන්ම දිනය සැමරුම වෙනුවෙන් කොළඹ 07 ශ්‍රී ලංකා පදනම් ආයතනයේ ඊයේ පැවැති උත්සවයේ දී ජනාධිපති මෛත්‍රිපාල සිරිසේන සිදුකළ කතාව මේවන විට දැඩි ආන්දෝලනයකට තුඩු දී තිබෙනවා.

පසුගිය වසර තුන ඇතුළත සිදු වූ දේවල් පිළිබඳව දැඩි අයුරින් ජනාධිපතිවරයා අදහස් පළ කළ අතර සහ ඒ සම්බන්ධයෙන් තමන් වෙත නැගෙන චෝදනාවලට ඔහු පිළිතුරු ද ලබා දුන්නා.

කෙසේ වෙතත් ජනාධිපතිවරණයෙන් පරාජය වූ හිටපු ජනාධිපති මහින්ද රාජපක්ෂ හට තංගල්ලට යාම සඳහා හෙලිකොප්ටර් ලබා දීම පිළිබඳව ජනාධිපතිවරයා ඊයේ දැක්වූ අදහස් පිළිබඳව බොහෝ දෙනාගේ අවධානය යොමු වී ඇත්තේ ඔහු විසින්ම මීට වසර 2කට පමණ පෙර පළ කළ පරස්පර ප්‍රකාශයක් හේතුවෙන්.

2016 වසරේ අප්‍රේල් මස 09 වැනි දා මොණරාගල ප්‍රදේශයේ පැවැති ජන හමුවක් අමතමින් ජනාධිපතිවරයා ප්‍රකාශ කරන්නේ මහින්ද රාජපක්ෂ හිටපු ජනාධිපතිවරයාට තංගල්ල බලා යාමට හෙලිකොප්ටරයක් ලබා දුන්නේ තමා විසින් බවයි.

එහෙත් ඊයේ දිනයේ ජනාධිපතිවරයා චෝදනා කළේ එම හෙළිකොප්ටරය ලබා දී තිබුණේ තමාගේ අනුදැනුමකින් තොරව බවයි.

https://www.facebook.com/hodamagossip/videos/225329068052970/

 

දේශපාලන

පාර්ලිමේන්තු මන්ත්‍රි උදය ගම්මම්පිල මහතා අංක එකේ සොරෙක් බව ශ්‍රි ලංකාවේ ඕස්ට්‍රේලියානු ආයෝජක බ්‍රයන් ෂැඩික් මහතාගේ බිරිද වු ජැනට් ෂැඩික් මහත්මිය පවසනවා.

තමන් වසර ගණනාවකට පෙර ශ්‍රි ලංකාවේ ආයෝජනය කරන අවස්ථාවේදි වයස අවුරුදු 20 ක් පමන වු කාර්යාල සෙවකයෙක් බවයි ඇය විසින් උදය ගම්මම්පිල මහතාව හදුන්වනු ලැබුවේ.

ජෙනට් ෂෙඩික් මහත්මිය අද පෙරවරුවේ කොළඹ දි පැවැත් වු ප්‍රවෘත්ති සාකච්ඡාවක දි මේ බව කියා සිටියා.

මේ වන විට දේශපාලනඥයෙකු ලෙසින් සිටින උදය ගම්මම්පිල මහතාගේ ක්‍රියා කාලපයෙන් ශ්‍රි ලංකාවේ ආයෝජනය කළ ඔස්ට්‍රේලියානු ඩොලර් මිලයන 7 ක් පමණ නැති වු බවයි ඇය පවසන්නේ. උදය ගම්මම්පිල දැන් දේශපාලකයෙක් වුවත් ඔහු සිය දේශපානය ආරම්භ කලේ තමන්ගේ ඩොලර් මිලියන ගණනාවක් සොරකම් කරමින් බවත් ඇය කියා සිටියා.

මේ වන විට හොද තත්වයක් ශ්‍රි ලංකාව තුළ ඇති බවත් වත්මන් රජය සම්බන්ධයෙන් වු විශ්වාසය මත නිතිය හමුවට ගිය බවත් ජෙනට් ෂෙඩික් මහත්මිය විසින් ඊයේ  කියා සිටියා. මෙය ඉතාමත් සංවේදි කාරුණක් බැවින් විශේෂ අවධානයක් යොමුවේ කියල සිතන බවයි ඇය පවසන්නේ.

ශ්‍රි ලංකාව ඉතාමත් ආසා කරන රටක් සහ හොද මිනිසුන් සිටින රටක් වුවත් තමන්ට මෙම තත්වයට මුහුණදිමට සිදුවිම කණගාටුවට කරුණක් බවත් කියා සිටියා.

ව්‍යාජ ඇටෝර්නි බලපත්‍රයකින් ඕස්ට්‍රේලියානු ජාතික ව්‍යාපාරිකයකුට අයත් ඕස්ට්‍රේලියානු ඩොලර් ලක්ෂයක සමාගම් කොටස් විකුණා එම මුදල් සාවද්‍ය ලෙස පරිහරණ චෝදනා එල්ල වී සිටින පාර්ලිමේන්තු මන්ත්‍රී උදය ගම්මන්පිල සහ ව්‍යාපාරික සිඩ්නි ජයසිංහට එරෙහි නඩුව ඊයේ කොළඹ මහාධිකරණයේ දි විභාගයට ගත්තා.

දැනට දිවයිනට පැමිණ සිටිනි ජැනට් ෂැඩික් මහත්මිය මෙහිදි සාක්කි ලබා දුන්නා.

නඩු විභාගය අතරතුර රජයේ නියෝජ්‍ය සොලිසිටර් ජෙනරාල් දිලීප පිරිස් මහතා අධිකරණය හමුවේ කරුණු දක්වමින් විත්ති පාර්ශ්වය හරස් ප්‍රශ්න ඇසීමේ ක්‍රියාවලිය හිතාමතා ප්‍රමාද කිරීමට උත්සාහ කරන බවට චෝදනා කළා.

ව්‍යාජ ඇටෝර්නි බලපත්‍රයක් සකස් කොට ඔස්ට්‍රේලියානු ජාතික බ්‍රයන් ෂැඩික් නැමති ව්‍යාපාරිකයකුට අයත් ඕස්ට්‍රේලියානු ඩොලර් ලක්ෂයක් පමණ වටිනා පෑන් ඒෂියා බැංකුවේ කොටස් විකුණා එම මුදල සාවද්‍ය ලෙස පරිහරණය කළ බවට චෝදනා කරමින් පාර්ලිමේන්තු මන්ත්‍රී උදය ගම්මන්පිල සහ ව්‍යාපාරික සිඩ්නි ජයසිංහ යන අයට එරෙහිව නීතිපතිවරයා මෙම නඩුව පවරා තිබෙනවා.

දේශපාලන

අර්ජුන ඇලෝසියස් මහතාගේ මුදල් මැතිවරණය සඳහා යෙදවුවද බැඳුම්කර සිද්ධියේ දී කිසිවිටක ඔහු ආරක්ෂා කිරිම සඳහා පෙනීසිටියේ නැතැයි කුරුණෑගල දිස්ත්‍රික් මන්ත්‍රී දයාසිරි ජයසේකර මහතා පාර්ලිමේන්තුවේ දී අද (25) පැවසීය.

බැදුම්කර වංචාව සම්බන්ධයෙන් අධිකරණයේ පවරා ඇති නඩුව අද දිනයේ විභාගයට ගත් අවස්තාවේදී මේ බව හෙලිවූ අතර චෙක් පත මාරැ කර එම මුදල බැංකු රථගාලේදී මන්ත්‍රීවරයාට දුන් බව ආරක්‍ෂක නිලධාරීයා විසින් අපරාධ පරීක්ෂණ දෙපාරත්මේන්තුවට සදහන් කර ඇත.වයඹ පළාත් සභා මැතිවරණයට ඉදිරිපත් වු අවස්ථාවේ දී මුදල් චෙක්පතක් ලැබුණු බවත් එය දුන් අය සහ මාරු කළ අය පිළිබඳව මතකයක් නැතැයි ද දයාසිරි මහතා කීය.

පාර්ලිමේන්තුවේ අද (25) පැවති විසර්ජන පනත යටතේ යෝජනා සම්බන්ධයෙන් වු විවාදයට එක්වෙමින් මෙසේ පැවසීය.

දේශපාලන

මේ දිනවල පවතින අයහපත් කාලගුණය ගංවතුර වැනි ආපදා තත්වයන්ට හේතු වුවද නොකඩවා ඇද හැලෙන වර්ෂාව එක් පැත්තකින් සුභදායක බව ජනපති මෛත්‍රීපාල සිරිසේන මහතා පවසනවා. ග‍්‍රාම ශක්ති සංවර්ධන වැඩපිලිවෙලෙහි බදුල්ල දිස්ත්‍රීක් ප‍්‍රගති සමාලෝචන රැස්වීමේදී ජනපතිවරයා මේ බව ප්‍රකාශ කළේය.

මෙහිදි අදහස් දැක්වූ ජනපතිවරයා කියා සිටියේ…මේ දිනවල වර්ෂාව නිසා එක පැත්තකින් කණගාටු වෙනව වගේම තවත් පැත්තකින් සතුටු වෙනව. අපි දැන් පහුගිය අවුරුදු හතරක් රටේ තුනෙන් එකකට වැඩි ප‍්‍රමාණයක දැඩි නියගයකට මුහුණ දුන්නා. මම ඉතාම සතුටට පත් වෙනව පසුගිය සතිය දෙක ගත් විට අනුරාධපුර කලා වැව පිටාර ගලන්න ගත්තේ අවුරදු හතරකින් පස්සෙ. වලවේ ජලාශය පිටාර ගලන්න ගත්තෙ මං හිතන්නේ අවුරුදු පහකට විතර පස්සෙ. කිසිම සංවර්ධන කාර්යක් නොකර ආණ්ඩුව නිකං හිටියත් හොදට වර්ෂාව ලැබෙනව නම් GDP 2.5-3.0%ක් නිකම්ම නගිනවා. ඒ නිසා වර්ෂාව හොදින් ලැබෙනව කියන්නේ අනිවාර්යෙන්ම ආර්ථික වර්ධන වේගය 2.5-3.0% ස්වභාව ධර්මයාගෙන්ම ලැබෙන ආශිර්වාදයක් බවයි.

එම අවස්තාවේ වීඩියෝව පහතින්,

දේශපාලන

කෝට්ටේ පාර්ලිමේන්තු සංකීර්ණයේ පිහිටුවා වසර 36ක් ගත වී ඇතත් තවමත් ඒ ඉඩම සඳහා ඔප්පුවක් නැතැයි හෙළිවී ඇත.

ශ්‍රී ජයවර්ධනපුර කෝට්ටේ පිහිටි නව පාර්ලිමේන්තු සංකීර්ණ ගොඩනැගිල්ල විවෘත කරන ලද්දේ 1982 අප්‍රේල් 29 වැනි දායි.

ඇමෙරිකානු ඩොලර් මිලියන 254 ක වියදමින් ඉදිකෙරුණු පාර්ලිමේන්තු සංකීර්ණයට යටවී ඇති භූමි ප්‍රමාණය අක්කර 12ක් පමණ වෙතැයි ඉඩම් අමාත්‍යාංශය පවසයි.

ගාලු මුව‌දොර මහ සයුරට මුහුණ ලා පිහිටා ඇති පැරණි පාර්ලි‌මේන්තු ‌ගොඩනැගිල්ල ‌වෙත රැ‌ගෙන යනතුරු, විධායක සභාව සහ ව්‍යවස්ථාදායක සභාව රැස්වීම් පැවැත් වූ‌යේ දැනට වි‌දේශ කටයුතු අමාත්‍යාංශය පිහිටා ඇති දර්ශනීය ගෝඩන් උද්‍යානය ඉදිරිපස ඇති ‌ගොඩනැගිල්‌ලේ ය.

පැරණි පාර්ලි‌මේන්තු ‌ගොඩනැගිල්ල 1930 ජනවාරි 29 වන දින එවකට ආණ්ඩුකාරවරයා ‌ලෙස සිටි ශ්‍රීමත් හර්බට් ස්ටැන්ලි විසින් විවෘත කරන ලද අතර, ශ්‍රී ජයවර්ධන පුර ‌කෝට්ටේ පිහිටි නව පාර්ලි‌මේන්තු සංකීර්ණ‌ය ‌වෙත 1982 අ‌ප්‍රේල් මාස‌යේ දී ව්‍යවස්ථාදායකය රැ‌ගෙන යනතුරු එය රැස්වූ‌යේ ‌මෙම ‌ගොඩනැගිල්‌ලේ ය.

දේශපාලන

LTTE ත්‍රස්තවාදී සංවිධානයේ නායක වේළුපිල්ලේ ප්‍රභාකරන් මියගිය මැයි මස 18 වැනි දා උතුරු පළාතේ ශෝක දිනයක් ලෙස නම් කිරීම රජයට ගැටළුවක් නොවන බව සම කැබිනට් ප්‍රකාශක අමාත්‍ය රාජිත සේනාරත්න අද ප්‍රකාශ කළා.

ශ්‍රී ලාංකීය හමුදා තුළ මෙන්ම LTTE සංවිධානය තුළ ද මියගිය පිරිස මෙරට දරුවන් බවයි ඔහු පෙන්වා දුන්නේ.

එමෙන්ම රාජිත සේනාරත්න අමාත්‍යවරයා එහි දී ආන්දෝලනාත්මක ලෙස ප්‍රකාශ කර සිටියේ රණවිරුවන් අතින් ඝාතනය වූයේ ත්‍රස්තවාදීන් පමණක් නොවන බවයි.

එවිට මාධ්‍යවේදීන් ඒ පිළිබඳව දිගින් දිගටම ප්‍රශ්ණ කර සිටියා.

මාධ්‍යවේදීන් – ඇමතිතුමා, විරුවන් අතින් ඝාතනය වුණේ ත්‍රස්තවාදීන් නේ..

රාජිත සේනාරත්න – ත්‍රස්තවාදීන් විතරද ඝාතනය වුණේ?

මාධ්‍යවේදීන් – ඒ කියන්නේ ඔබතුමා කියනවද වෙනත් අයත් ඝාතනය වුණා කියලා අපේ රණවිරුවන් අතින්?

රාජිත සේනාරත්න – පැහැදිළිවම.. යුද්ධයක කොහොමද එහෙම ඝාතනය වෙන්නෙ නැත්තෙ?

මාධ්‍යවේදීන් – ඒ කියන්නේ ඔබතුමා කියන්නේ හමුදාව අතින් සිවිල් ජනතාව ඝාතනය වුණා කියලද?

රාජිත සේනාරත්න – මම නෙවෙයි හැම මනුස්සයම දන්නවනේ.. 88 කැරැල්ලේදී ඝාතනය වුණු ඔක්කොම JVP ත්‍රස්තවාදීන්ද?

මාධ්‍යවේදීන් – ඇමතිතුමා, JVP එක වගේ නෙවෙයිනේ LTTE සංවිධානය කියන්නේ ත්‍රස්තවාදී සංවිධානයක්.

රාජිත සේනාරත්න – ඇයි අරක සිංහල මේක දෙමළ නිසාද? විජේවීර මහත්තයාගේයි ප්‍රභාකරන් මහත්තයාගේයි කරපු වෙනස්කම් කියන්න මට? මරපු හැටි. කරපු අපරාධවල දෙකේ වෙනස මට කියන්න.

මාධ්‍යවේදීන් – කැබිනට් මාධ්‍ය සාකච්ඡාවේදී වගකීමෙන්ද ඔබතුමා කියන්නේ ශ්‍රී ලංකා හමුදාව අතින් LTTE ත්‍රස්තවාදීන්ට අමතරව… (අමාත්‍යවරයා බාධා කරයි)

රාජිත සේනාරත්න – ශ්‍රී ලංකා හමුදාවේ ඉන්න ඕනම නිලධාරියෙක් පිළිගන්නවා යුද්ධයකදි අහිංසක.. (වාඛ්‍යය අතරමග නවත්වයි) නැත්තම් මොකටෙයි යුද්ධේ..(මාධ්‍යවේදීන් බාධා කරයි)

මාධ්‍යවේදීන් – ඇමතිතුමා මෙහෙමයි..දැන් ජාත්‍යන්තර මට්ටමෙන් ලංකාවේ හමුදාවට චෝදනා එල්ල වෙන වෙලාවක ඔබතුමා ඔය වගේ ප්‍රකාශයක් කරන්නේ.. (අමාත්‍යවරයා බාධා කරයි)

රාජිත සේනාරත්න – නෑ නෑ නෑ.. ජාත්‍යන්තර මට්ටමේ තියෙන්නේ අපි උවමනාවෙන් ගිහිල්ලා මිනිස්සු උස්සගෙන ගියා කියලා. ඒක නෙවෙයි මම කියන්නේ.

මාධ්‍යවේදීන් – ඒකට සහයක් නේද ලැබෙන්නේ ඇමතිතුමා?

රාජිත සේනාරත්න – නෑ.. කිසිම සහයක් ලැබෙන්නෑ.. ජාත්‍යන්තරයට හරියට ගිහිල්ලා වචනේ කතා කරානම් කිසිම ප්‍රශ්ණයක් වෙන්නෙ නෑ. ගිහිල්ලා ජනාධිපති මහින්ද රාජපක්ෂ මොකද්ද කිව්වෙ ටයිම්ස් එකට? කිසිම කෙනෙක් මැරිලා නෑ. ඔක්කොම ත්‍රස්තවාදීන්.

දේශපාලන

කොළඹ නගරාධිපති නිල නිවසේ වැසිකිළි පද්ධතිය ප්‍රතිසංස්කරණය කිරීමට රුපියල් ලක්ෂ 57ක් ලබාදීමට සභාවේ අනුමැතිය අද (16) ලැබුණි.

මීට වසර හතරකට පෙර නවීන උපකරණ සහිතව ඉදි කළ මෙම වැසිකිළි පද්ධතිය යළි සකස් කිරීමට මෙතරම් මුදලක් ලබාදීම සම්බන්ධව මන්ත්‍රීවරු සිය විරෝධය දැක්වූහ.

පිටකොටුව ඇතුළු කොළඹ නගරය තුළ පොදු වැසිකිළි නඩත්තු කරන ලෙසට ජනතාවගෙන් ඉල්ලීම් ඉදිරිපත් වී තිබෙන බවද එහිදී ඔවුහු පෙන්වා දුන්හ.

මෙහිදී අදහස් දැක් වූ ජනතා විමුක්ති පෙරමුණේ මන්ත්‍රී සුමිත් පස්සපෙරුම මහතා සඳහන් කළේ හිටපු නගරාධිපති ඒ.ජේ.එම්. මුසම්මිල් මහතාගේ පාලන සමයේදී නවීකරණය කළ නගරාධිපති නිල නිවසේ වැසිකිළි පද්ධතිය අවස්ථා කිහිපයකදී පමණක් භාවිත කර තිබුණු බවයි.

මේ සම්බන්ධව අදහස් දැක්වූ කොළඹ නගරාධිපතිනී රෝසි සේනානායක මහත්මිය සඳහන් කළේ තමන් නගරාධිපති නිල නිවසේ වැසිකිළි පද්ධතිය පමණක් නවීකරණය කරන ලෙස ඉල්ලා ඇති බවත්, එම නවීකරණ කටයුතු අවසන් කරන තුරු තමන්ට එහි පදිංචියට යෑමට නොහැකි වී ඇති බවත්ය.

දේශපාලන

මහනුවර පැවැති කලහකාරී සිදුවීම් සම්බන්ධයෙන් ත්‍රස්ත විමර්ශන කොට්ඨාසය පාර්ලිමේන්තු මන්ත්‍රී දිලුම් අමුණුගම මහතාගෙන් පැය 12කට ආසන්න කාලයක් ප්‍රශ්න කර ප්‍රකාශ සටහන් කර ගත්තේය.

ඊයේ (15) උදැසන 11.30ට ප‍්‍රකාශයක් ලබාදීම සඳහා එම කොට්ඨාසයට පැමිණි මන්තී‍්‍රවරයා පිටව ගියේ ඊයේ රාතී‍්‍ර 11.30ට පමණයි.

පරීක්ෂණවලට අදාළව තමාගේ ජංගම දුරකතනය ත්‍රස්ත විමර්ශන කොට්ඨාසයට භාරයට ගත් බව දිලුම් අමුණුගම මහතා පැවසීය.

නාමල් රාජපක්ෂ මන්ත්‍රීවරයා යතුරුපැදියක් උඩ නිදා සිටින ඡායාරූපයක් අන්තර්ජාලය පුරා පැතිරෙමින් තිබෙනවා.බුකිය පුරා පැතිරෙන මෙම ඡායාරූපයේ ඇත්ත කතාව හු කිව්වේ මහනුවර සිදුවීම ගැන ප්‍රකාශයක් ලබාගැනීම සඳහා ත්‍රස්ත විමර්ශන කොට්ඨාසයට පැමිණ සිටි පාර්ලිමේන්තු මන්ත්‍රී දිලුම් අමුණුගම මහතා පිටතට පැමිණෙන තෙක් එහි රැදී සිටි අවස්ථාවේදී මෙම ඡායාරූපය ලබාගෙන ඇති බවයි.

“මම දැක්කා ඒ Photo එක.. මම දන්නෙත් නෑනේ.. උදේ 11 ඉදන් රෑ 11 වෙනකං මම එතන හිටියේ.. මමයි මහින්දානන්ද අලුත්ගමේ සහ ෂෙහාන් සේමසිංහ මන්ත්‍රීතුමයි කට්ටිය තමයි හිටියේ. ඉන්න තැනක්වත් තිබුණේ නෑ.. එතන තිබුණු යතුරුපැදිය උඩ මම ටිකක් නිදාගත්තා..”

ජායාරූප පහතින් නරඹන්න

දේශපාලන

නුවරඑළිය – අඹේවල – 7 කණුව ප්‍රදේශයේ කන්දෙඇල රක්ෂිතයේ හිංසාකාරී ලෙස ගැටගසා සිටි කුලු හරක් 12 දෙනෙකු නිදහස් කිරීමට ඊයේ වනජීවී නියෝජ්‍ය අමාත්‍ය පාලිත තෙවරප්පෙරුම පියවර ගත්තා.

සිද්ධියට අදාළව පුද්ගලයින් 7 දෙනෙකු හා වාහන 2 ක්ද පොලිස් බාරයට පත් කිරීමට අමාත්‍යවරයා කටයුතු කළා.ඊයේ දහවල් නුවරඑළිය – අඹේවෙලට පැමිණෙමින් සිටි වනජීවී නියෝජ්‍ය අමාත්‍ය පාලිත තෙවරප්පෙරුම අමාත්‍යවරයා 7 කණුව කන්දෙඇල රක්ෂිතයේ ගැටගසා සිටි කුලු හරක් 11 දෙනෙක් දැක තිබෙනවා.

අනතුරුව එම ස්ථානයට ගිය නියෝජ්‍ය අමාත්‍යවරයා මෙම සතුන් හිංසාකාරීව ප්‍රවාහනය කිරීමට සූදානමින් සිටි පිරිසකගෙන් ඒ ගැන විමසා සිටියා.පසුව නියෝජ්‍ය අමාත්‍යවරයා විසින් පට්ටිපොල පොලීසියේ ස්ථානාධිපතිවරයා එම ස්ථානයට කැඳවුවා.අනතුරුව සතුන් ප්‍රවාහණයට සූදානමින් සිටි පිරිස ලවා ලොරි රථයට පටවා සිටි තවත් කුලු හරකෙකු ලිහා දැමීමට ද නියෝජ්‍ය අමාත්‍යවරයා කටයුතු කළා.

පසුව නියෝජ්‍ය අමාත්‍යවරයා විසින් නුවරඑලිය සහකාර ප්‍රාදේශිය ලේකම්වරිය හා වනජීවී නිලධාරීන් ද එම ස්ථානයට කැඳවූවා.ඔවුන්ගෙන කළ ප්‍රශ්න කිරීමේදි සහකාර ලේකම්වරිය පවසා සිටියේ ප්‍රදේශයේ වගා හානි කරන මෙම සතුන් නුවරඑළිය සංවර්ධන කමිටු රැස්වීමේදී ගත් තීරණයකට අනූව අම්බලංගොඩ ප්‍රදේශයට ප්‍රවාහනය කිරීමට සූදානමින් පසුවූ බවයි.

කෙසේ වෙතත් පසුව සත්ව හිංසාව යටතේ සතුන් ප්‍රවාහණයට සූදානමින් සිටි පුද්ගලයින් 7 දෙනෙකු හා රථ දෙකක් පට්ටිපොල පොලිසිය බාරයට ගෙන තිබෙනවා.ඔවුන් අද අධිකරණයට ඉදිරිපත් කිරීමට නියමිතයි.