ගොසිප්

ප්‍රවීණ මාධ්‍යවේදී හේම නලින් කරුණාරත්නගේ මරණයට හේතුව මොළයේ නහරයක් පුපුරා යාම බවට හෙළි වී තිබෙනවා.මීට පෙර සැක කෙරුණේ හදිසි හෘදයාබාධයක් හේතුවෙන් ඔහු මියගිය බවටයි.

දේහය පිළිබද පශ්චාත් මරණ පරීක්ෂණය අද සිදුකෙරුණේ කොළඹ ජාතික රෝහලේ පිහිටි පොලිස් මෘත ශරීරාගාරයේදීයි.මොළයේ නහරයක් පුපුරා ගොස් සිදුවූ අභ්‍යන්තර ලේ වහනයක් හේතුවෙන් ඔහු මරණයට පත්ව ඇති බව එහි දී අනාවරණය වූවා.

මාළඹේ – මිල්ලගහවත්ත ප්‍රදේශයේ පිහිටි නිවසේ කාමරයක මියගොස් සිටියදී හේමනලින් කරුණාරත්න මාධ්‍යවේදියාණන්ගේ දේහය ඊයේ දහවල් සොයා ගැණුනා.පෙරේදා මධ්‍යම රාත්‍රියේ සිය නිවසට පැමිණ ඇති ඔහු පසුදා දහවල්වන තුරුම ඉහළ මහලේ පිහිටි සිය කාමරයේ ‍ දොර විවෘත කර නැහැ.

එම නිසා ඔහු පිළිබඳව සොයා බැලීමට ඉණිමගක් ඔස්සේ කාමරය වෙත ගිය නිවැසියන්ට දේහය සොයාගත හැකි වූවා.
අභාවප්‍රාප්ත වනවිට ඔහුගේ වයස අවුරුදු 56 ක්.ජාතික රූපවාහිනිය ඔස්සේ සිය මාධ්‍ය ජීවිතය ඇරඹූ හේම නලීන් මාධ්‍යවේදියාණන්, එම නාලිකාව ඔස්සේ 90 දශකයේ විකාශය වූ 9.05 වැඩසටහන හරහා අතිශයින් ජනප්‍රියත්වයට පත් වූවා.

පසුව ස්වර්ණවාහිනී ආයතනයට සම්බන්ධ වී කැපී පෙනෙන මාධ්‍ය මෙහෙවරක නිරත වූ ඔහු ඉන් අනතුරුව දිවයිනේ නාළිකා රැසකට සම්බන්ධ වී කටයුතු කළා.තමන්ගේම රූපවාහිනී නාලිකාවක් ලෙස HTV නාලිකාව ආරම්භ කොට මියයන තුරුම එම නාලිකාවේ ප්‍රධානියා ලෙස කටයුතු කළ හේම නලීන් ඒ හරහා, මාධ්‍ය ක්ෂේත්‍රයට හිතැති සිය දහස් ගණනක් වූ ආධුනිකයින්ට සිය ශිල්ප ඥාණය නොමසුරුව ලබා දීමට ද කටයුතු කළා.

මේ වන විට ජ්‍යෙෂ්ඨ මාධ්‍යවේදී හේමනලීන් කරුණාරත්න මහතාගේ දේහය  එතුමාගේ මාලඹේ මිල්ලගහවත්ත පාරේ තුන් වන පටුමගේ පිහිටි නිවසේ තැන්පත් කර ඇත. ජායාරූප පහතින් නරඹන්න

 

 

ගොසිප්

රූපලාවන්‍ය ශිල්පී චන්දිමාල් ජයසිංහගේ උපන්දින සාදය පිළිබඳ පසුගිය දිනවල බොහෝ දෙනා කතා කළා.මෙම උපන්දින සාදයට නළු නිළියන් ඇතුළු කලා ලොවේ රැසක් එක්වෙලා හිටියා.මෙම ඡායාරූප ප්‍රසිද්ධියට වීමත් සමග කාගෙත් අවධානයට යොමූවූ කෙනෙක් හිටියා.

ඇය තමයි නොඑල් ටොකුහිසා. 28 හැවිරිදි ටොකුහිසා සංක්‍රාන්තික ලිංගිකයෙක්.ටොකුහිසා මේ වන විට නර්තන ශිල්පියෙකු ලෙස කටයුතු කරනවා.ඒ වගේම ඇය 2018 වසරේදී සංක්‍රාන්තික ලිංගිකයන්ටම වෙන්වුනු Miss International Queen තරඟයටත් සහභාගි වෙලා තිබෙනවා.

ඒ තරඟය සඳහා කළ සාකච්ඡාවකදි ඇය කියලා තිබුණේ මෙවැනි දෙයක්..

‘‘පිරිමි දරුවෙකු ලෙස හැදී වැඩෙන විට මට දැනුනා මම මගේ වයසේ අනෙක් පිරිමි දරුවන්ගෙන් වෙනස් කියලා.ටිකෙන් ටික මම ගෑනු ළමයෙක් වගේ අදින්න පුරුදු වුණා.පිරිමි ළමුන් එක්ක වඩා ගෑනු ළමුන් එක්ක කතා කරන්න පුරුදු වුණා.ඉන් පස්සේ මම නර්තනයට වඩාත් ඇලුම් කළා.පිරිමියෙකු ලෙස විතරක් නෙමෙයි කාන්තාවක ලෙසත් නටන්න පුලුවන් වුනා.නර්තනට තිබූ ආසාව මා වඩාත් සැහැල්ලු කලා.

රූ රැජිණ තරඟයකට සහභාගි වෙලා ජයග්‍රහණයක් ලබද්දි මට වයස අවුරුදු 18යි.ඒ අවස්ථාවේ මා ඇත්තටම කාන්තාවක ලෙස දැනුනා.ඉන්පසුව මා වෙනස් වෙන්න, මට අවශ්‍ය කෙනා ලෙස ජීවත් වෙන්න තීරණය කළා.ලිංගික සංක්‍රාන්තිකයන්ට ආදර්ශයක් වෙන්න මම කැමතියි‘‘ යනුවෙනුයි.

වීඩියෝව නැරඹීම සදහා පහලට යන්න – උපුටාගැනීම නෙත්

 

ගොසිප්

වෙඩින් එකක් ලස්සනට ගන්න කවුරුත් සිහින දකිනවා.ඒ සිහිනය හරි අපූරුවට සැබෑ කරගන්න එකයි තරුණ හිත්වල බලාපොරොත්තුව. ඒ සිහිනය වෙනස්ම විදිහකට  සමරපු අපුරු මංගල උත්සවයක් ගැන අහන්න ලැබුණේ කලවාන පැත්තෙන්.මේ අපුරු මංගල උත්සවය ගැන මේ වන විට සමාජ ජාල වෙබ් අඩවි ඔස්සේ කතා බහට ලක්ව ඇත.

මෙහි විශේෂත්වය තමයි යතුරුපැදිවලින් එක එක වැඩ දාපු එක.යතුරුපැදිවලින් ඒ විදිහට වැඩ දාන යාළුවෝ සෙට් එකත් මහ පාරේ වැඩ දාලා මනාලයාත් යතුරුපැදියකින් ගිය හැටි මේ ඡායාරුපවලින් දිස්වෙනවා.මේ විදිහට යුගදිවියට පා තබලා තිබුණේ ඉන්දික සහ දිල්රුක්ෂියි.ඉන්දික සහ දිල්රුක්ෂි රජ්‍ය සේවයේ නියැලෙන බවයි අපට වාර්තා වුණේ.පසුගිය 28 වැනිදා මෙම විවාහ උත්සවය පවත්වා තිබුණා.

එහි ඡායාරූප පහතින් ඔබට නැරඹිය හැකිය …

ඡායාරූප – කමලනාත් ජයසිංහ

ගොසිප්

නාවලපිටිය වෙළෙඳ සැලකදී එහි සිටි අය නොමඟ යවා මුදල් පසුම්බියක්‌ සොරකම් කළ 75 හැවිරිදි “පොකට්‌ ආච්චි” නමැති අන්වර්ථ නාමයෙන් හැඳින්වෙන කාන්තාව නාවලපිටිය පොලිසිය මගින් අත්අඩංගුවට ගෙන ඇත.

සැකකාරිය නාවලපිටිය වෙරළුගස්‌හින්න ප්‍රදේශයේ පදිංචි අයෙකි.

මේ ආකාරයට ගෑස්‌ වෙළෙඳ සැලකට ගිය ඇය එහි සිටි කාන්තාවන් දෙදෙනාට පවසා ඇත්තේ අනේ දරුවෝ මට ඕවා තේරෙන්නේනෑ. ඔය ගෑස්‌ එකක්‌ මට තෝරලා දෙන්න කියාය.

ඔවුන් ගෑස්‌ තෝරන අතරේ එම වෙළෙඳ සැලට පැමිණ සිටි කාන්තාවකගේ අත්බෑගයේ තිබූ මුදල් පසුම්බිය ගත් ඇය ගෑස්‌ එක රැගෙන යන්න ත්‍රීවීල් රථයක්‌ ගෙන එන බව පවසා යන්නට ගොස්‌ ඇත.

පසුව වෙළෙඳ සැලට පැමිණි කාන්තාව තම මුදල් පසුම්බිය නොමැති බව දැන එහි පැමිණි සැමියා ද සමඟ මුළු නගරය පුරා මෙම ආච්චි සෙවීම කළේ මුදල් පසුම්බියේ තිබූ වටිනා දේ නිසාය.

මෙම මුදල් පසුම්බිය තුළ රුපියල් 15000 ක වටිනා ජංගම දුරකථනයක්‌ හා මුදුවක්‌, බැංකු කාඩ් ඇතුළු වටිනා දේ සමඟ මුදලින් රුපියල් 5800 ක්‌ තිබී ඇත.

මේ අතර පොකට්‌ ආච්චි එළවළු කඩයකට ගොස්‌ එළවළු කිහිපයක්‌ රැගෙන එම එළවළු මල්ලේ පතුලටම මෙම මුදල් පසුම්බිය දමා එම වෙළෙඳ සැලේම බෑගය තබා පසුව ගන්නා බව පවසා නැවත නගරයට ගියේ එහි තිබූ ජංගම දුරකථනය තම බෑගයේ දමා ගෙනය.

අතරමගදී මෙම ජංගම දුරකථනය අක්‍රිය කිරීමට උත්සහ ගත්තද ඇයට එය නොහැකි වී තිබේ.

මේ අතර මුදල් පසුම්බිය නැතිවූ කාන්තාව හා ඇගේ සැමියා මෙම කාන්තාව බස්‌ නැවතුම්පළේදී අල්ලා ගෙන “ආච්චි අම්මා මගේ පර්ස්‌ එක දෙන්න ඔයාට මොනවත් කරන්නෙ නෑ” කීවත් ඇය පවසා ඇත්තේ හතර පෝයට සිල්ගන්න තමන් එවැනි පහත් වැඩ නොකරන බවයි. තමන් ළඟ ඒ වගේ පර්ස්‌ එකක්‌ තියෙනවනම් ගන්නා ලෙසද පවසා සිටි නිසා මොවුන් මේ බව නාවලපිටිය පොලිසියට පවසා තිබේ. ඒ අනුව පොලිසියට රැගෙන ගිය කාන්තාවගෙන් ලෙහෙසියෙන් වචනයක්‌ ගැනීමට නොහැකි බව දැන පසුව ඇගේ මල්ල පරීක්‍ෂාකර තිබේ. එහිදී ජංගම දුරකථනය සොයා ගත්තද එය තම මුණුපුරාගේ බව පැවසීම නිසා මුදල් පසුම්බිය හිමි තැනැත්තිය තම දුරකථනය හඳුනාගෙන ඇමතුමක්‌ දී තිබේ. අනතුරුව ඇය කූඩුවට දමා වසා දැමීමට සූදානම් වන විට සියල්ල හෙළිකර තිබේ.

මෙම කාන්තාව මෙදිනම රන් මාලයක්‌ බැංකුවට උකස්‌ තබා මුදල් ලබාගෙන ඇති බව හෙළිවීම නිසා ඒ පිළිබඳව ද පරීක්‍ෂණ අරඹා තිබේ. ඇය නාවලපිටිය අධිකරණය වෙත ඉදිරිපත් කිරීමට කටයුතු යොදා තිබුණි.

නාවලපිටිය පොලිස්‌ ස්‌ථානාධිපති ප්‍ර.පො.ප. සුජීව ද සොයිසා මහතාගේ උපදෙස්‌ මත පො.සැ. (31064) සුගත්, පො.සැ. (35781) ප්‍රියන්ත (66560) පැතුම්, (37426) ජයසේකර යන නිලධාරීහු පරීක්‍ෂණ සිදුකළහ.

ගොසිප්

අමාත්‍ය පාලිත රංගේබණ්ඩාරගේ පුත් යශෝධ රංගේබණ්ඩාර පැදවූ රජයේ අමාත්‍යාංශයකට අයත් කැබ් රථයක් අනතුරට ලක්ව තිබෙනවා.හලාවත – පුත්තලම මාර්ගයේ බංගදෙනිය – කෝට්ටපිටිය මං සන්ධියේදී අතුරු මාර්ගයක සිට අද අලුයම පැමිණි කැබ් රථය පාලනය කර ගැනීමට නොහැකිව කෝට්ටපිටිය මං සන්ධියේ පිහිටි නිවසක් තුළට කඩා වැදී තිබෙනවා.

සිද්ධියෙන් තුවාල ලැබූ රාජ්‍ය අමාත්‍යවරයාගේ පුත් යශෝධ රංගේබණ්ඩාර සහ කැබ් රථයේ ගමන් ගත් තරුණයෙකු හලාවත මහරෝහලට ඇතූලත් කර ඇත.පාලිත රංගේබණ්ඩාර රාජ්‍ය අමාත්‍යවරයාගේ පුත්‍රයා පැදවූ කැබ් රථය ඔහු මීට පෙර කටයුතු කළ නිපුණතා සංවර්ධන හා වෘත්තීය පුහුණු අමාත්‍යාංශයට අයත් රථයක් බව ද පොලිස් පරීක්ෂණවලදී අනාවරණ වී තිබෙනවා.මිට පෙරද මේ අමාත්‍ය වරයාගේ පුත්‍රයා පැදවූ රථයකට ආනමඩුව ප්‍රදේශයේදී රාත්‍රියේ වැඩ නිම කර නිවස වෙත යමින් සිටි තිදරු පියෙකුටද ජීවිතය අහිමි විය.

අද අලුයම සිදු වූ මේ රිය අනතුරේ සිරස රුපවාහිනිය වාර්තා කලේ මෙසේය

 

ගොසිප්

ටී එන් එල් රුපවාහිනී සේවාවේ පොල්ගවෙල විකාශනාගාරය විදුලි සංදේශ නියාමන කොමිෂන් සභාව විසින්  මුද්‍රා තබා තිබේ.

එම රූපවාහිනි සේවය පොල්ගහවෙලින් විකාශනය කිරීම සඳහා ශ්‍රී ලංකා විදුලි සංදේශ  නියාමන කොමිසමෙන් ලබා ගත යුතු වාර්ෂික විකාශන බලපත‍්‍රය මෙතෙක් ලබා නොතිබීම නිසා මෙසේ මුද්‍ර තැබු බව විදුලි සංදේශ නියාමන කොමිසමේ ජ්‍යෙෂ්ඨ නිලධාරියෙක්  පැවැසීය.

පොල්ගහවෙල අධිකරණයෙන් ලබාගත් නියෝගයක් මත අපරාධ පරික්ෂණ දෙපාර්තමේන්තුව සමඟ එක්ව එම විකාශනාගාරය අද (5) වටලා එහි තිබු විකාශන යන්ත‍්‍ර අත් අඩංගුවට ගත් බවද හෙතෙම කියා සිටියේය.

එවැනි නිසි බලපත‍්‍රයක් නොමැතිව සංඛයාත විමෝචක උපකරණ භාවිතා කිරීම 1991 අංක 25 දරන විදුලි සංදේශ පනත හා සංශෝධිත 1996 අංන 27 දරන පනත අනුව දඬුවම් ලැබිය හැකි වරදක් වන බවත් මෙම රූපවාහිනි විකාශන මධ්‍යස්ථානය මුද්‍ර තබන ලද්දේ මෙම චෝදනාව යටතේ බවත් එම නිලධාරියා පැවැසීය.

මේ වනවිට එම බස්නාහිර වයඹ හා සබරගමුව පලාත්වල ප‍්‍රදේශ රැසක විකාශන කටයුතුවලට මෙම තත්ත්වය යටතේ බාධා පවතින බව ටී එන් එල්  රූපවාහිනි සේවයේ සභාපති ශාන් වික‍්‍රමසිංහ මහතා ලංකාදීපයට පැවැසීය.

මුදල් නොගෙවීමේ හේතුවක් පෙන්වමින් විකාශනාගාර උපකරණ ගලවතත් විකාශනාගාර පවත්වාගෙන යාම වෙනුවෙන් රජයට ගෙවිය යුතු සියලූ මුදල් ගෙවා ඇතැයි ද වික‍්‍රමසිංහ මහතා පැවැසීය.

වසර විසිපහක් පැරණි තම රූපවාහිනියට මෙවැනි චෝදනාවක් මීට පෙර එල්ල වී නැතැයි ද හෙතෙම කියා සිටියේය.

ගොසිප්

ජ්‍යේෂ්ඨ මාධ්‍යවේදී හේම නලින් කරුණාරත්න මහතා අභාවප්‍රාප්ත වී ඇත. හෘදයාබාධයක් හේතුවෙන් මාලඹේ තලාහේන ප්‍රදේශයේ පවතින ඔහුගේ නිවසේදී අද (05දා) ජීවිතක්ෂයට පත්ව තිබේ.

අන්තර්ජලාය හරහා විකාශය වන HTV (Heritage TV) හි ප්‍රධානියා වශයෙන් කටයුතු කළ හේම නලින් කරුණාරත්න මහතා ‌‌‌‌ජ්‍යෙෂ්ඨ රූපවාහීනී වැඩසටහන් අධ්‍යක්ෂවරයෙක් ලෙසද කටයුතු කළේය.

ඔහු ස්වර්ණවාහිනී හා ජාතික රූපවාහිනිය ඇතුළු රූපවහිනී ආයතන කිහිපයකටම සිය දායකත්වය ලබාදුන්නේය. මිය යන විට ඒ් මහතා 56 වැනි වියේ පසුවූයේය.

ප්‍රවීණ මාධ්‍යවේදී හේම නලින් කරුණාරත්න මහතා අද (05දා) සිය නිවස තුළ සිටියදී ජීවිතක්ෂයට පත් වූ අතර එම මරණය පිළිබඳ තලංගම පොලීසිය වැඩිදුර පරීක්ෂණයක් ආරම්භ කොට තිබේ.

ඒ මහතා 03 වැනි පටුමග, මිල්ලගහවත්ත, මාලඹේ පිහිටි සිය නිවසේ කාමරයක් තුළ මියගොස් සිටි අතර එම නිවසේ නිවැසියන් විසින් ඊයේ (04දා) රාත්‍රියේ සිටම දොර විවෘත නොකළ බැවින් අද දහවල් 12.00ට පමණ පරීක්ෂා කර බැලූ පොලිස් නිලධාරීන් විසින් ඔහුගේ මෘත ශරීරය සොයාගෙන තිබේ.

ගොසිප්

ප්‍රවීණ මාධ්‍යවේදී හේමනලින් කරුණාරත්න මහතා මීට සුළු මොහොතකට කලින් අභාවප්‍රප්ත වුණා. ඔහු රූපවාහිනී නාලිකා කිහිපයකම වැඩසටහන් නිෂ්පාදකවරයෙක්, නිවේදකයෙක් සහ අධ්‍යක්ෂවරයෙක් විදියට කටයුතු කරා.

ජනතා ආකර්ෂණය දිනාගත් මෙම ප්‍රවීණ මාධ්‍යවේදී හේමනලින් කරුණාරත්න මහතා ජාතික රූපවාහිනිය ඔස්සේ විකාශනය වූ 9.05 මෙවැනි වාර්තා වැඩසටහන ඔස්සේ ඉමහත් ජනප්‍රියත්වයට පත් වුණා.

කලක් විදේශගතව සිට නැවත ශ්‍රී ලංකාවට පැමිණි  මාධ්‍යවේදී හේමනලින් කරුණාරත්න මහතා තමන්ගේම වාර්තා වැඩසටහන් ඉදිරිපත් කරන නාලිකාවක් ලෙස Heart TV යන නමින් පවත්වා ගෙන යනු ලැබුවා.

අවසන් කටයුතු පිළිබඳව පසුව දැනුම් දෙන බව සඳහන්.එකල අතිශයින් ජනප්‍රිය ජාතික රූපවාහිනියෙන් විකාශනය වූ 9.05 වැඩසටහනෙන් කොටසක් පහතින් නරඹන්න.

හොදම ගොසිප් අපි එතුමන්ට නිවන් සුව පතමු !

ගොසිප්

මේ දවස්වල බුකියේ වලි පිට වලි . මේ ඇති වුනු ගැටුම් තාමත් ඉවර නැති පාටයි අපිට පෙන්නේ .ඉතින් හැමෝම දන්නවනේ චන්දිමාල්ගේ රාජකීය උපන්දින ගැන රටේ ලොකු කතා බහක් ඇති වුණා කියලා . “Royal Theme” එකට තමයි මේ සාදය සංවිධානය කරලා තිබ්බේ. හැබැයි ඉතිං ඒකට ආපු සමහර නිළියන්ගේ ඇඳුම් දැක්කම නම් පෙනුනේ “ගල් යුගයේ” theme එකට ඇඳුම් ඇඳලා කියලා.

පහුගිය දා තිබ්බ හැරී – මේගන් රාජකීය විවාහයට නම් කවුරුවත් ඒ විදියේ ඇඳුම් අන්දා කියලා පෙන්න තිබුණේ නෑ. රාජකීය විවාහයට ආපු හැමෝම ඉතා චාම් සංවර ඇඳුම් අන්දලා හිටියා. ඒ නිසා චන්දිමාල්ගේ රාජකීය උපන්දින සාදයට සමහර නිළියන් අන්දලා තිබ්බේ ස්වාසිලන්තයේ Royal Theme එකට කියලා තමයි හිතන්න වෙන්නේ.

කොහොම වුනත් ඔවුන්ගේ ඒ ඇඳුම් ගැන හැමෝම වගේ විවේචනය කරා. ඒ වගේම බුකියේත් විවිධ Post පලවුණා. ඒ විදියේ බුකියේ පළවුන Post එකක් මාධ්‍යවේදී විශ්ව ලංකා ඔහුගේ Facebook ගිණුමේ Share කරලා තිබ්බා. හැරී – මේගන් රාජකීය විවාහයට ආපු කාන්තාවන් සහ චන්දිමාල්ගේ උපන්දියට ගිය පියුමි හංසමාලි සහ ටීනා ෂනෙල් ඉන්න Photo එකක් තමයි ඒ Post සංසන්දනය කරලා තිබ්බේ.

මේක දැකපු පියුමි හංසමාලිට කේන්ති ගිහිල්ලා. විශ්වට බැනලා Facebook එකේ සටහනක් තියලා තිබ්බා. පියුමේ ඒ Status එකේ විශ්වගේ බිරිඳටත් චෝදනා කරලා තිබ්බා. විශ්වට කණේ පාරක් දෙන්න කියලා හිතාගෙන පියුමි දාපු Post එකට බුකියේ අය නම් පියුමිට රිදෙන්න Comment කරලා තිබ්බා. විශ්වට ගහපු ගල පියුමිටම වැදිලා කියලා තමයි පේන්න තිබ්බේ.

මේ තියෙන්නේ විශ්වට බැනලා පියුමි දාපු Status එකට බුකියේ අය රිදෙන්න දාලා තිබ්බ Comment.

ගොසිප්

මේ ආරංචිය අහන පාඨක ඔබ හිතාවි එකත් එකටම ජයසේකර අ‍පොන්සුට තමන් මීළඟට රඟපාන ටෙලි නාට්‍යයේ, එහෙමත් නැත්නම් චිත්‍රපටයේ කරවල වෙළෙන්දෙකුගේ චරිතයක් ලැබිලා කියන පුවත තමයි අපි මේ කියන්නට යන්නේ කියලා. නැහැ…. ඔබ කොයි කවුරුත් ආදරය කරන ජයසේකර අ‍පොන්සු කියන ප්‍රවීණ කලාකරුවා දැන් ඇත්තටම කරවල විකුණනවා.

මෙච්චර කාලයක් රංගන ශිල්පියෙක් විදිහට ජනතා හදවත් දිනාගෙන සිටි ඔබට හිටිහැටියේ කවුරුත් නොහිතන විදිහේ වෙළෙඳාමකට අතගහන්න තීරණය කළේ ඇයි ?
මම කලා ක්‍ෂේත්‍රයට පය තබලා මේ වෙනකොට අවුරුදු 47ක් විතර වෙනවා. මතෛක් කාලයක් මම වෙනත් කිසිම රස්සාවක් කරලා නැහැ. කලාවෙන් හම්බ කරගන්න මුදලින් තමයි මෙච්චර කාලයක් මම මගේ ජීවිතය ගැට ගහගත්තේ. වේදිකා නාට්‍යයක් හෝ චිත්‍රපටයක් කරන්න ගියත් ඒවා වෙනුවෙන් විශාල මුදලක් මට වැය කරන්න වෙනවා. කලාවෙන් විතරක් හරි හම්බ කරන් ජීවත් වෙන්න අමාරුයි. ඒ නිසා මම තීරණය කළා අලුතෙන් පුංචි ව්‍යාපාරයක් පටන් ගන්න. ඒ අනුව තමයි මම මේ කරවල ව්‍යාපාරයට අත ගැහුවේ.

ඒක ඔබම හිතලා ගත්තු තීරණයක්ද?
කරවල වෙළෙඳාමක් පටන් ගන්න ඕනෑ කියන අදහස මගේ ඔළුවට දැම්මේ මගේ හිතමිත්‍ර, ප්‍රවීණ ගායක සමන් ද සිල්වා. පසුගිය දවසක මට දුරකථනයෙන් කතාකරපු වෙලාවක සමන් මගෙන් ඇහුවා මේ දවස්වල මොනවද කරන්නේ කියලා. ඒ වෙලාවේ මම කිව්වා ටෙලි නාට්‍ය හදන අය කියනවා අ‍පෝන්සු අයියාට දෙන්න තරම් හොඳ චරිතයක් අපි ළඟ නෑ කියලා. සිනමාවේ හැමෝම මගේ දක්ෂතා දැනගෙන හිටියට මට අවස්ථාවක් ලැබෙන්නේ නැහැ. ඒ නිසා මේ දවස්වල නම් ලොකු දෙයක් මම කරන්නේ නෑ කියලා. ඒ වෙලාවේ තමයි සමන් යෝජනා කළේ මන්නාරමට ගිහින් කරවල මිලදී අරගෙන බිස්නස් කරන්න කියලා.

ලංකාවේ කරවල විකුණන එකම නළුවා ඔබ වෙන්න ඇති?
ඔව්, වෙන වෙන ව්‍යාපාර කළත් කරවල විකුණන නළුවෙක් ගැන නම් මමත් අහලා නෑ. මටත් මේ විදිහේ ව්‍යාපාරයක් පටන් ගන්න මුලදී ටිකක් ලැජ්ජා හිතුණා. මොකද කරවල වෙළෙඳාමයි, කලාවයි තියෙන්නේ අන්ත දෙකකනේ. හැබැයි මම පස්සේ තීරණය කළා මම මේ ව්‍යාපාරයට බහිනවා කියලා. දැන් මම මන්නාරමට ගිහින් කරවල මිලදී ගෙන J.S.අ‍පෝන්සු ප්‍රඩක්ට්ස් නමින් පැකට් කරලා කඩවලට අලෙවි කරනවා.

කලාකරුවෙක් විදිහට ලැබිලා තියෙන ප්‍රසිද්ධිය වෙළෙඳාමේදීත් ඔබට වාසියක් වෙනවා ඇති නේද?
අ‍පොයි ඔව්. මම මගේම කාර් එකේ කරවල පැකට් පටවා ගෙන කඩවල්වලට ගියාම මුදලාලිලා හානේ… මේ අපේ අ‍පොන්සු අයියනේ කියලා හරිම ආදරෙන් මාව පිළිගන්නවා. පස්සේ තමයි ඔවුන් දැනගන්නේ මම මේ ඇවිල්ලා තියෙන්නේ කරවල අරගෙනයි කියලා. කලාකරුවෙක් විදිහට මට තියෙන ආදරය නිසාම ඒ කවුරුත් කරවල මිලදී නොගෙන නම් මාව ආපසු යවන්නේ නැහැ. අනික මම දුප්පත් කෙනෙකුට වුණත් මිලදී ගන්න පුළුවන් විදිහේ බොහොම අඩු මිලකට තමයි කරවල විකුණන්නේ.

කලාවට ආයුබෝවන් කියලා දිගටම ව්‍යාපාර කටයුතු කරන්න හිතාගෙනද මේ කටයුත්තට මුල පිරුවේ?
අනේ නැහැ. කරවල වෙළෙඳාම කළා කියලා මම කලාවෙන් ඈත් වෙන්නේ නෑ. මොකද මේක මම කෝටිපතියෙක් වෙන්න හිතාගෙන පටන් ගත්තු ව්‍යාපාරයක් ‍නෙවෙයි. මගේ තරු සොබා කියන අලුත්ම චිත්‍රපටයේ වැඩ මේ වනවිට හුඟක් දුරට ඉවරයි. එහි නිෂ්පාදකවරයාත් මමම නිසා චිත්‍රපටයේ වැඩ නිමකරන්න මට තව මුදල් ටිකක් වුවමනා වෙලා තියෙනවා. ඒ වගේම මගේ තටු නාට්‍යයත් වසර 20කට පස්සේ ලබන ජූලි 29 වැනිදා සිට නැවත වේදිකා ගත කිරීම ආරම්භ වෙනවා. ඉතින් මගේ මේ කලාකටයුතු වෙනුවෙන්වත් වැය කරන්න මුදලක් හොයාගන්න ඕනෑ කියන අදහසින් තමයි මම මේ ව්‍යාපාරය පටන් ගත්තේ.

දශක පහකට ආසන්න කාලයක් කලා ක්‍ෂේත්‍රයේ රැඳී ඉඳලත් ඒ හැටි මුදලක් කලාවෙන් උපයාගන්න බැරි වුණා කියලාද ඔබ ඔය නොකියා කියන්නේ ?
ඔව්. මගේ පළමුවැනි චිත්‍රපටය වෙනුවෙන් වෙච්ච ණය බේරන්න මට මගේ පර්චස් 20ක ඉඩමක් සහ ගෙයක් පවා විකුණා දමන්න සිද්ධ වුණා. අද මම බෝඩින් කාමරයක ජීවත් වෙන්නේ. විවිධ දුෂ්කරතා එක්ක මෙච්චර කාලයක් ලංකාවේ කලාකරුවෙක් විදිහට නිර්මාණ බිහි කරපු එකට හරි නම් වෙනමම සම්මානයක් මට දෙන්න ඕනෑ. සමහරු කියනවා අවුරුදු හතළිස් ගාණක් ක්‍ෂේත්‍රයේ හිටපු නිසා උපහාර උත්සවයක් සංවිධානය කරලා ‍ලේසියෙන්ම මට සල්ලි ටිකක් හොයා ගන්න පුළුවන් කියලා. ඒත් මම මාව විකුණන්න කැමති නැති නිසා එවැනි දේවල් කරන්නේ නැහැ.

අපේ රටේ නළුවන් අතරින් කාන්තා චරිත රඟපෑම සඳහා වඩාත්ම ප්‍රසිද්ධ නළුවා ඔබ කීවොත් නිවැරදියි. ප්‍රවීණ රංගන ශිල්පී ජයලත් මනෝරත්නත් කාන්තා චරිතයකට පණ ‍පොවන ආකාරය දැක්වෙන ඡායාරූප පෙළක් පසුගිය දිනවල සමාජ මාධ්‍ය ඔස්සේද ප්‍රචාරය වුණා. මොකද හිතෙන්නේ ඒ සහෝදර නළුවාගේ අලුත් පිම්ම ගැන ?
මට ආරංචියි, ඒ ඡායාරූපවල ඉන්නේ මමයි කියලා සමහරු මුලදී රැවටුනා කියලත්. මට මතකයි මම චණ්ඩියාගේ චරිතය රඟපාලා සම්මානත් දිනලා ඉන්දැද්දී තමයි එඩ්වින් පීරිස් මා වෙනුවෙන් තටු නාට්‍යයේ කාන්තා චරිතයක් ලිව්වේ. මම කිසිදු පෙර පුහුණුවක් පවා නැතුවයි ඒ කාන්තා චරිතය මුලින්ම රඟපෑවේ. හැබැයි මගේ රඟපෑම දැකපු හැමෝම වගේ මට එදා ප්‍රශංසා කළා. හැබැයි ඉතින් මම මුලින්ම කාන්තා චරිතයක් රඟපෑවා කියලා වෙන කාටවත් ඒ විදිහේ රඟපෑමක් කරන්න තහනමක් නැහැනේ. මමත් හරි ආසාවෙනුයි ඉන්නේ මනෝ ඒ චරිතය රඟපාලා තියෙන්නේ කොහොමද කියලා දැක බලාගන්න.