ගොසිප්

අලූත ගෙනා මනාලිය නිවසට කැන්දාගෙන ඒම නිමිත්තෙන් පවත්වනු ලබන විවාහ මංගල උත්සවයට මත්පැන් සහ දුම්වැටිවලට වියදම් වෙතැයි අපේක්ෂා කළ මුදල උපයෝගී කොටගෙන මගී ආවරණයක්, තමා ඉගෙන ගත් පාසලට කුඩා ක්‍රීඩාංගණයක් හා ක්‍රීඩා මණ්ඩපයක් සාදා මනාලිය නිවසට කැන්දාගෙන ආ දා ජනතා අයිතියට පැවරූ අපූරු මනාලයකු පිළිබඳව පුවතක් අහුන්ගල්ල පතිරජාගම ගමෙන් වාර්තා වේ.

තම විවාහ මංගල දිනය දා මේ අපූරු සත්කාරය කළ ආදර්ශවත් මනාලයා අන් කවරකුවත් නොව අහුන්ගල්ල පතිරාජගම පදිංචි පිටියගේ මංජුල ප්‍රදීප් මහතාය.

කොළඹ පෞද්ගලික සමාගමක සේවය කරන මංජුල මහතා ප්‍රේම සම්බන්ධතාවකින් පසුව කඩවත පදිංචි මහේන්ද්‍රා මාධවී සමඟ විවාහ ගිවිසගෙන සිය මනාලිය නිවසට කැන්දාගෙන ඒමට ප්‍රථම තමන්ගේ මංගල දිනය දා මත්පැන් හා දුම්වැටිවලට වියදම් වෙතැයි අපේක්ෂා කළ මුදල උපයෝගී කොටගෙන ඉදිකරන ලද තමා ඉගෙන ගත් කටුවිල කනිටු විදුහලේ සිසු සිසුවියන්ට කුඩා ක්‍රීඩාංගණයක්,

එයට අවශ්‍ය ක්‍රීඩා මණ්ඩපයක් හා පාසල ඉදිරිපිට මාර්ගයේ පාසල් සිසුන්ට මෙන්ම මගීන්ට ප්‍රයෝජනයට ගත හැකි මගී ආවරණයක් විවෘත කළේ තමන්ගේ විවාහ මංගල දිනය දා මත්පැන්, දුම්වැටි ආරාධිතයන්ට නොදී එම මුදලින් මෙවැනි සත්කාර්යයක් කළ පළමු ශ්‍රී ලාංකික මනාලයා ලෙස ඉතිහාසයට එක්වෙමින්ය.

මංජුල මහතා සිය මනාලිය තමන්ගේ නිවසට කැන්දන් යාමට පෙර තමන්ගේ ධන පරිත්‍යාගයෙන් සකස් කරන ලද මේ ක්‍රීඩාංගණය, ක්‍රීඩා මණ්ඩපය හා බස් මගී ආවරණය විවෘත කළේ මේ අවස්ථාවට එක්වූ සිය දහස් ගණනක ආරාධිතයන් හා ගම්වාසීන්ගේ සුභාශිංසන මධ්‍යයේය.

විස්තර ජායාරූප  අපිට එව්වේ මියුරු ජීවන්ත

ගොසිප්

රංචමඩමට අවමංගල්‍ය සංස්‌කෘතිය හඳුන්වා දුන්නේ ඇගේ සැමියායි.රටට වැඩදායක දරුවන් 19 දෙනකු ලක්‌මවට දායාද කර “වීරමාතා” රාජ්‍ය සම්මානයෙන් පිදුම් ලද මාතාවක්‌ දසදහස්‌ සංඛ්‍යාත ජනකායක්‌ අතිමහත් ගරු බුහුමන් සහ සෝසුසුම් මධ්‍යයේ පසුගිය සෙනසුරාදා (9 දා) පස්‌වරුවේ දැයෙන් සමුගෙන ගියාය.

ඇය කොළඹගේආර රංචමඩම මානෙල් පෙදෙසේ විසූ කේ. එච්. එන්සිනා නමැති 92 හැවිරිදි මාතාවකි. වලස්‌මුල්ල කිරම නාගස්‌රුප්ප ප්‍රදේශයේ උපත ලද ඇය හක්‌මන නරවැල්පිට හේමාලංකාරගේ සව්නේරිස්‌ යන අය සමඟ විවාහ වී කොළඹගේආර රංචමඩම ගමට පැමිණ හේන් ගොවිතැන් කරමින් ජීවිතය ආරම්භ කර ඇත.

එවකට ඝණ වනාන්තරයක්‌ව පැවැති රංචමඩම ප්‍රදේශයට ඔවුන් පදිංචියට පැමිණෙන විට සිටියේ තවත් එවැනිම වූ ගොවි පවුල් කිහිපයක්‌ පමණකි. ස්‌ථිර නිවාස කිසිවක්‌ එහි නොතිබුණ අතර ලී දඬු යොදා ඉලුක්‌සෙවිලි කර තැනූ වාඩිවල ඔවුහු පදිංචිව සිටියහ. ඔවුහු ලී වලින් තැනූ මැස්‌සක්‌ නිදාගැනීම සඳහා භාවිත කළහ.

පවුලක සාමාජිකයකු මියගිය පසු කළයුතු අවමංගල්‍ය කටයුතු ගැන අවබෝධයක්‌ නොතිබුණු එම පිරිස්‌ යම් අයකු මියගිය විට මිනිය එතැනම තබා එම වාඩිය අත්හැර වෙනත් වාඩියක්‌ හදාගෙන එහි පදිංචියට යාම සිදුකර ඇත.

සව්නේරිස්‌ මහතා මෙහි පදිංචියට පැමිණීමත් සමඟ(සව්නේරිස්‌ මහතා දැන් ජීවතුන් අතර නැත) මෙම සංස්‌කෘතිය වෙනස්‌ කිරීමට ඔහුට හැකිවිය. ඉන් පසුව රංචමඩමේ පළමුවෙන්ම මියගිය තැනැත්තාගේ දේහය මිනී පෙට්‌ටියක තැන්පත් කර අවමංගල්‍ය චාරිත්‍රානුකූලව භූමදාන කිරීමට ඔහු පියවර ගත්තේය. සමාජ සේවයට දැඩි ඇල්මක්‌ දැක්‌වූ මෙම යුවළ අසල්වැසියන් සමඟ එක්‌ව එම යුගයේ අවශ්‍යතා පරිදි ගැමියන්ගේ සුබසාධනය වෙනුවෙන් කටයුතු කිරීමට පියවර ගත්හ.

සව්නේරිස්‌ මහතාට දාව එන්සිනා මාතාව බිහිකළ දරුවන් 19 දෙනා අතරින් 15 දෙනෙක්‌ දැනට ජීවත්ව සිටිති. ඔවුන්ගෙන් කිහිපදෙනෙක්‌ කොළඹ, දෙනියාය, පස්‌ගොඩ, වලස්‌මුල්ල, මිනුවන්ගොඩ වරාපිටිය යන ප්‍රදේශවලත් සෙසු අය රංචමඩම කොළඹගේආර ප්‍රදේශවලත් පදිංචිව සිටිති. මෙම මාතාවගේ එක්‌ දියණියක්‌ දරුවන් දස දෙනකු බිහිකර ඇත. තුන් මුණුබුරන් දැක ගැනීමේ වාසනාව හිමිකර ගැනීමටද ඇයට භාග්‍යය තිබී ඇත.

ඇයගේ දරු මුණුබුරු පරම්පරාව 118 ද ඉක්‌මවන බව දැනට ශ්‍රී ජයවර්ධනපුර විශ්වවිද්‍යාලයේ අධ්‍යාපන ලබන ඇයගේ මිනිබිරියක වන එච්. කේ. ඒ. කාංචනමාලා මෙනවිය පැවැසුවාය. ප්‍රදේශයේ ජනප්‍රිය කවියකුවූ විශ්‍රාමික ගුවන් හමුදා නිලධාරි විමල්මාදන මහතා කියා සිටියේ ඇය මියයන තුරුම ඉතාම නීරෝගීව ජීවත්වූ බවය. අඩුවශයෙන් වේදනානාශක පෙත්තක්‌වත් බීමට තරම් රෝගයක්‌ ඇයට වැළඳී නැති බවද ඔහු පැවැසීය. ඇය මියගිය අවස්‌ථාවේ සිට පසුගිය සෙනසුරාදා (09දා) පවුලේ සුසාන භූමියේදී අවසන් කටයුතු සිදුකරන අවස්‌ථාව දක්‌වා දසදහස්‌ සංඛ්‍යාත ජනතාවක්‌ වැලනොකැඩී ඇයට ගරු බුහුමන් දැක්‌වීම සඳහා පැමිණියහ.

ගොසිප්

පසුගිය දා ලංකාවේ  ගොඩ දෙනෙක් කතා බහට යෙදුනේ චන්දිමාල්ගේ රෝයල් පාටිය ගැන.ඉතින් මේ ගැන තාමත් ලංකාවේ සමාජ මාධ්‍ය වල ප්‍රධානම මාතෘකාව චන්දිමාල්ගේ Royal Birthday Party එක. ගොඩක් අයට තියෙන ප්‍රශනයක් තමයි කොහෙන්ද ඔහුට මෙච්චර සල්ලි කියලා. කීයක් මේ Royal Birthday Party එකට ගියද කියලාත් ගොඩක් අය ඔහුගෙන් අහලා තිබ්බා.

සමහරු කිව්වේ Royal Birthday Party එකට කොටි 5 ක් 10 ක් විතර යන්න ඇති කියලා.හැබැයි චන්දිමාල් නම් කිව්වේ ඒ අයට කැමති ගණනක් දාගන්න කියලා. සපත්තු කුට්ටමේ, ඇඳුමේ ඉඳලා ගොඩක් දේවල් ලැබුණේ නිකන් කියලා චන්දිමාල් සියතට කිව්වේ. කොහොම වුනත් පහුගිය දා චන්දිමාල්ගේ නිවසට සහ Saloon එකට ආදායම් බදු දෙපාර්තුමේන්තුවේ නිලධාරීන් ඇවිත් තිබ්බා.

“15 ක් විතර කණ්ඩායමක් ආවා. එයාල මගේ ගෙදරයි, Saloon එකයි පරික්ෂා කරා. අන්තිමේදී එයාලත් පුදුම වුණා පුම්බලා පෙන්නපු කිසි දෙයක් නෑ කියලා.” කියලයි චන්දිමාල් කිව්වේ. ඒ වුනත් හෙට ඔහුට අදායම් බදු දෙපාර්තුමේන්තුවට ඇවිත් ප්‍රකාශයක් දෙන්න කියලා. “මට ගෙනියන්න තියෙන්නේ හෝටලේ බිල විතරයි” කියලයි චන්දිමාල් නම් කිව්වේ.

ගොසිප්

අප එහි යනවිටත් ඔහු උදෑසන ආහාරය ලබා ගැනීම සඳහා හෝටලයකට පිටත්ව ගොස් සිටි හෙයින් ටික වේලාවක් බලා සිටීමට සිදු විය. ඔහු පමා වීම හේතුවෙන් දුරකථනයෙන් සම්බන්ධ කරගත් අවස්ථාවේදී ඔහු පැවසුවේ “මල්ලි සියල්ලටම වඩා කෑම ප්‍රථම” බවය.

ඔහුගේ නම සහ ඇතැම් තොරතුරු හෙළි නොකරන්නේ ඔහුගේ ඉල්ලීම නිසාය. මේ ඔහුත් සමඟ සිදු කළ කථාබහේ තොරතුරුය.  නගරයට ආසන්න ස්ථානයක රැකියාවක නිරත වන ඔහු තවම යොවුන් වියේ පසුවන අවිවාහකයෙකි.

කොහොමද ජීවිතේ?

හොඳින් කාලා බීලා ඉන්නවා. පොඩ්ඩක් ඉන්න තම්බපු කොස් ඇට පිඟානක් තියෙනවා. කන ගමන් කථා කරමු. හැබැයි ඔයාලට දෙන්න නම් මදි.

කොහොමද මෙහෙම කෑම කන්නේ?

මම පොඩි කාලේ ඉඳන් වැඩිපුර කෑම කනවා. මට බඩගින්න දැනෙන හැම වේලාවේම කනවා. ඉස්කෝලේ යන කාලේ උදේට කාලා තවත් බත් එකක් උදේට කන්න අරගෙන යනවා. දවල්ට කන්නත් බත් දෙකක් අරන් යනවා. ආයේ ඉස්කෝලේ ඇරිලා ඇවිල්ලත් කනවා. ඒ බත් කන්නේ මම තනිවමයි.

දැන් කොහොමද තත්ත්වේ?

උදේට ගෙදරින් බත් එකක් කාලා එනවා. තව දෙකක් ඔතාගෙන එනවා. වැඩට එන ගමන් මම හැමදාම කන හෝටලයෙන් ඉඳි ආප්ප 80ක්, කිරි මාළු එකක්, බිත්තර දෙකක් කාලා ටී එකක් බොනවා. ආයේ දහයමාර එකොළහ වෙනකොට උදේට ගෙනාපු බත් එකයි දවල්ට ගෙනාපු බත් එකයි කනවා. දොලහා වෙනකොට ආයේ හෝටලයට ගිහින් බත් පිඟන් පහක් හයක් කනවා. ආයේ තේ බොන්න කෑම ගේනවා. හවසට බිත්තර ආප්ප පහළවක් ප්ලේන් ආප්ප නම් ගොඩක් කනවා. ටී එකකුත් බොනවා. හවසට ගෙදර කෑම තිබුණත් කොත්තු ෆුල් හතරක් අරන් යනවා.

කිහිපදෙනෙක් කන කෑම තනියම කනකොට හෝටලේ මුදලාලි මොකුත් කියන්නේ නැද්ද?

ඉස්සෙල්ලා එහෙම වුණා. පස්සේ මම මුදලාලිට කිව්වා මම කන කෑමවලට සල්ලි ගන්න කියලා. සාමාන්‍යයෙන් හතර දෙනකුගේ බිලක් මට වැටෙනවා. ඒක නිසා මුදලාලිට ප්‍රශ්නයක් නැහැ. වැඩිපුර කන වෙලාවට මම හෝටල් දෙකකින් කනවා. ඒ නිසා ප්‍රශ්නයක් නැහැ.

ඒ වුණත් කොහොමද ඔහොම කෑම කන්නේ?

මම මත්පැන්, දුම්වැටි බොන්නේ නැහැ. නිකම් ඉන්නෙත් නැහැ. හොඳට වැඩ කරනවා. ඒ වගේම මට බඩගින්නත් දැනෙනවා. ඒක මට සාමාන්‍යයි.

කෑමවලට ලොකු මුදලක් ගියාම පඩියක් නැතිව ඇතිනේ?

ඇත්තටම මට පඩිය මදි. ඒත් මම සේවය කරන තැනට එන අය ඒ සේවයේ හැටියට මට සන්තෝසම් මුදල් දෙනවා. සමහරැ අරක්කු ගේනවා. මම අරක්කු එපා කියනවා. ඒ වෙනුවට සල්ලි දුන්නොත් බාර ගන්නවා. ඒවායින් කනවා. කන්නේ නැතුව මුදල් හොයලා මොකටද? අපි සියල්ල කරන්නේ කන්නනේ.

ඔබ ඔට්ටු දාලා කෑවා කියලත් ආරංචියි.

ඔව්. කිහිප වතාවක් ඔට්ටුවලට කෑවා. එක පාරක් මම ගැන අහලා මුදලාලි කෙනෙක් ඔට්ටු ඇල්ලුවා. මට ෆුල් ෆ්‍රයිඩ් රයිස් හතක් කන්න බෑ කියලා. ඔහු හිතුවේ මට කන්න බැරි වෙයි කියලා. රයිස් හත පිඟන් හතකට දාලා තිබුණේ. මම රයිස් හත කාලා මගේ ගානේ තව රයිස් දෙකක් කෑවා. කාලා ඔට්ටු මුදල මම ගත්තා. මුදලාලි කිව්වා ආයේ මාත් එක්ක ඔට්ටු අල්ලන්න බැහැ කියලා. ආයේ මුදලාලි කෙනෙක් මයිලෝ 15ක් බොන්න බැහැ කියලා ඔට්ටු ඇල්ලුවා. මම විසි පහක් බිව්වා. ඔට්ටුනම් ගොඩක් අල්ලලා තියෙනවා.

ඔහොම කන්න ගිහින් අමාරුවේ වැටිලා එහෙම නැද්ද?

තියෙනවා. එක පාරක් මම ගියා සංගීතයක් බලන්න. එතන හිටපු මල්ලි කෙනෙක් මට තේ බොන්න එන්න කිව්වා. මම රෝල්ස් එකක් කාලා තව එකක් කන්නද ඇහුවා. ඒ පාර මල්ලි කිව්වා අයියාට ඇති තරම් කන්න කියලා. මම හිතුවේ මම ගැන දැනගෙන සල්ලි තියාගෙන කියනවා කියලා. මම රෝල්ස් 80ක් වඩේ 20ක් කෑවා. අන්තිමට සල්ලි නැතිව ඒ මල්ලිගේ ෆෝන් එකත් කඩේට උගස් කරන්න වුණා. තව පාරක් මම ගැන නොදන්න හෝටලේකට පස් දෙනෙක් එක්ක කන්න ගියා. මම පස්දෙනාට කෑම ගෙනාපු බත් බේසමට ඔක්කොම වෑංජන දාගෙන කන්න පටන් ගත්තා. මුදලාලි හිතුවේ අපි බයිට් කරන්න හදනවා කියලා. පස්සේ ඇඟට ආවා. යාළුවෝ මම ගැන කියලා ඒ කෑමවලට වෙනම ගෙව්වා.

මඟුල් ගෙවල්, දානේ ගෙවල්වලට ගියාම කොහොමද ඔහොම කන්නේ?

මම අඳුරන්නේ නැති තැන්වල යන්නේ නැහැ. මගේ යාළුවන්ගේ ගෙවල්වල විතරයි යන්නේ. මට වෙනම තැනක කෑම දෙනවා. කිරි හට්ටි හතරක් පහක්, පැණි බෝතල් දෙකක් මට වෙනම තියෙනවා.

ගෙදර කෑම බීම කොහොමද?

ගෙදර කේක් හැදුවොත් මට වෙනම කේක් හදනවා. මම තනිවම කෑම හදාගන්නවා. බිත්තර පහළවක ඔම්ලට් එකක්නම් අනිවාර්යයෙන්ම කනවා. මස් හැදුවොත් මට වෙනම කිලෝ දෙකක්, තුනක් හදනවා. මට බත් වෙනම උයනවා. ඒ නිසා ගෙදර මට ගැටලුවක් නැහැ.

කෑම කාලම ඔබ ණය වුණා කියලා ආරංචියි..

ඒ එක හෝටලයකට ණය මට දෙන්න වුණා. මම බැලන්ස් එකේ ණය අරන් යන්නේ. එක මාසයක් පොඩ්ඩක් අවුල් වුණා. පස්සේ මගේ යාළුවෝ දෙන්නෙක් ඇප වෙලා ලක්ෂයක බැංකු ණයක් අරන් හැත්තෑදාහක් ගෙව්වා. ඉතුරු තිස්දාහේ හොඳට කෑවා.

ඔබට ලෙඩ රෝග එහෙම හැදිලා නැද්ද මෙහෙම කනකොට?

මම රෝහල්වල ඉඳලම නැහැ. වෛද්‍යවරු කියන්නේ මම මහන්සි වෙන හින්දා අවුලක් නැහැ කියලා. මට තියෙන්නේ නිරෝගී ශරීරයක්ලු.

අවසාන වශයෙන් මොනවද කියන්නේ?

හොඳට කාලා බීලා වැඩ කරලා හොඳින් ඉන්නවා. ලොකු බලාපොරොත්තු නැහැ. මැරෙනකම් කාලා, බීලා ඉන්නවා. ඊට වඩා බලපොරොත්තු මට නැහැ.

ඔබ මේ කතාව දිගටම කියවාගෙන යද්දී මොහු ගැන මැවෙනු ඇත්තේ යෝධයකුගේ චිත්‍රයකි. ඔබ විශ්වාස නොකළ ද මොහු යෝධයකු සේ කෑම කා වැඩ කළ ද සාමාන්‍ය ශරීරයක් ඇති පුද්ගලයෙකි. අඩි පහක් පමණ උසැති සාමාන්‍ය ශරීරයක් ඇති පුද්ගලයෙකි. ඔහු නගරයට ආසන්න රජයට අයත් ස්ථානයක සේවය කරන සාමාන්‍ය වැටුපක් ලබන පුද්ගලයකු වීමද විශේෂත්වයකි. එහෙත් ඔහු කරන වැඩනම් ආසාමාන්‍යය. ඔහුගේ වයස අවුරුදු 33ක් වේ.

අප මේ පුද්ගලයා පිළිබඳව ඔහු නිතර ආහාර ලබා ගන්නා හෝටල් කළමනාකරුගෙන් විස්තර ඇසුවෙමු.

මේ පුද්ගලයා මුලින්ම කඩේට ආවාම මම පුදුම වුණා. පස්සේ මම ඔහුත් එක්ක කතා කරලා ඔහු කන කෑමවලට මුදලක් නියම කර ගන්න එකඟතාවයකට ආවා. සාමාන්‍යයෙන් හතර පස්දෙනකුගේ කෑම තනිවම එයා කනවා. එක පාරක් ඇරෙන්න සල්ලි හරියට ගෙවලා තිබෙනවා. ඒ නිසා අපිට ප්‍රශ්නයක් නැහැ. එයා එනකොටම අපි කෑම ලෑස්ති කරනවා. මස්, මාළු, බිත්තර තුනම කනවා. බිත්තර 15ක් කාපු අවස්ථාත් තියෙනවා.

සල්ලි හරියට දෙන නිසා අපට නම් ගැටලුවක් නැහැ. ඇතැම් වේලාවට කඩයට එන පාරිභෝගිකයන් පවා පුදුම වෙනවා. දැන් එයා අපේ හොඳ පාරිභෝගිකයෙක්.

කලවාන – උපේන්ද්‍ර ප්‍රියංකර ජාතුංගම

ගොසිප්

රජයේ දේපලක් සාපරාධී සාවද්‍ය පරිහරණය, බීමත්ව රිය පදවා රිය අනතුරක් කිරීම, කඩුවක් සන්තකයේ තබාගෙන තහනම් පිහි ආඥා පනත යටතේ වරදක් කිරීම යන චෝදනා මත රාජ්‍ය අමාත්‍ය පාලිත රංගෙ බණ්ඩාර මහතාගේ පුත් යශෝධ රංගෙ බණ්ඩාර පොලිස් අත්අඩංගුවට ගෙන තිබේ.

ශ්‍රී ජයවර්ධනපුර රෝහලේ ප්‍රතිකාර ලබමින් සිටින විට ආරච්චිකට්ටුව පොලීසිය විසින් සැකකරු අත්අඩංගුවට ගෙන ඇති අතර ඔහු අධිකරණයට ඉදිරිපත් කිරීමට නියමිත බව පොලීසිය පවසයි.

යශෝධ රංගෙ බණ්ඩාර පසුගියදා වෘත්තීය පුහුණු හා නිපුණතා සංවර්ධන ආමාත්‍යාංශයට අයත් වාහනයකින් ගමන් කරන විට අනතුරකට ලක්විය.

පසුගිය දා  හලාවත – පුත්තලම මාර්ගයේ බංගදෙනිය – කෝට්ටපිටිය මං සන්ධියේදී අතුරු මාර්ගයක සිට පැමිණි කැබ් රථය පාලනය කර ගැනීමට නොහැකිව කෝට්ටපිටිය මං සන්ධියේ පිහිටි නිවසක් තුළට කඩා වැදී තිබෙනවා.

මේ අනතුරෙන් නිවස සහ නිවසේ බඩු වලටද දැඩි හානි සිදු විය,මිට අමතර පෙර අවස්ථා දෙකකදී රිය අනතුරු සිදු කර ඇති අතර ඒවායින් එකකදී ජීවිතයක්ද අහිමි වී ඇත.

 

 

ගොසිප්

තම කාර්යමණ්ඩලය වෙත සිංහල බස කතා කරන පිරිස් බඳවාගන්නා බව ෆේස්බුක් සමාගම සඳහන් කරයි. ෆේස්බුක් සමාජ ජාලයේ සිංහල බසින් පළවන වෛරී සහ ජනයා කුපිත ප්‍රකාශ හඳුනාගැනීම එලෙස සිංහල කතා කරන පිරිස් බඳවා ගන්නා බව ද එම සමාගම සඳහන් කර සිටී.

මහනුවර ඇති වූ මුස්ලිම් විරෝධී කලකෝලහාල වලින් මාස තුනකට පසු ෆේස්බුක් සමාගම මෙම පියවර ගෙන තිබේ. මාර්තු මාසයේදී මහනුවර ඇති සිදුවීම් හේතු කරගනිමින් ෆේස්බුක් ඇතුළු සමාජ මාධ්‍ය කිහිපයක් තාවකාලිකව අවහිර කිරීමට ජනාධිපති මෛත්‍රීපාල සිරිසේන මහතා පියවර ගත්තේය.

එම තාවකාලික තහනම සතියක මුළුල්ලේ පැවැති අතර ෆේස්බුක් සමාජ මාධ්‍යයේ පළවන වෛරී, ජනයා කුපිත කරවන සහ අසත්‍ය ප්‍රකාශ සම්බන්ධයෙන් පියවර ගන්නැයි ශ්‍රී ලංකා රජය ෆේස්බුක් සමාගමෙන් ඉල්ලා සිටියේය.

“අපි වැරැදි කළා. ඒ ගැන අපි තරමක් සෙමින් කටයුතු කළේ ” යැයි ෆේස්බුක් සමාගමේ ප්‍රකාශක අම්රිත් අහුජා පැවැසීය. සිංහල භාෂාව කතා කරන පිරිස් සමාගම වෙත බඳවා ගන්නා බව ද හෙතෙම කීය.

එහෙත් දැනට සේවය කරන සිංහල භාෂාව කතා කරන පිරිස සම්බන්ධයෙන් කරුණු අනාවරණය කිරීම ඔහු ප්‍රතික්ෂේප කළේය. මේ සම්බන්ධයෙන් ශ්‍රී ලංකාවේ සිවිල් සමාජ සංවිධාන සමඟ ද සාකච්ඡා කරන බව අම්රිත් අහුජා කීය.

“මේක අපට තියෙන ප්‍රශ්නයක්. අපි ඒ සම්බන්ධයෙන් ෆේස්බුක් සමාගම සමඟ සාකච්ඡා කරනවා. ඔවුන්ට සිංහල මූලාශ්‍ර අවශ්‍යවී තිබෙනවා” යැයි ද ඩිජිටල් යටිතල පහසුකම් සහ විදුලි සංදේශ අමාත්‍ය හරීන් ප්‍රනාන්දු මහතා කීය.

“ෆේස්බුක් සමාගම 2013 සිට සිදුවන බොහෝ දේවල්වලට වගකිව යුතුයි. ඒ සම්බන්ධයෙන් සාක්ෂි තිබෙනවා. පොරොන්දු දුන් කාලය අවසන්. දැන් අවශ්‍යවෙලා තියෙන්නේ අවශ්‍ය ක්‍රියාමාර්ග ගැනීමයි. එමෙන්ම ඒ ක්‍රියාමාර්ග විනිවිදභාවයෙන් සහ වගවීම ආරක්ෂා කළ යුතුය” යැයි මේ සම්බන්ධයෙන් අදහස් දක්වමින් පර්යේෂක සංජන හත්තොට්ටුව පැවැසීය.

ඒ.එෆ්.පී ඇසුරිනි

ගොසිප්

විශ්ව ලංකා කියන්නේ ක්ෂේත්‍රයේ ඉන්න දක්ෂ රංගන ශිල්පියෙක්.ඒ වගේම තමයි කවුරුත් ආදරය කරන නිවේදකයෙක්.ඉතින් මේ දිනවල විශ්ව ගැන අලුත් කතාබහක් ඇතිවෙලා තියෙනවා.ඒ විශ්ව දාපු Fb Post එකකට පියුමි හංසමාලි යොමු කළ සටහනක් නිසායි.

කෙසේවෙතත් මේ ගැටුම මේ වෙද්දි ගොඩක් දෙනෙක් අතරට ගිහින්.ඒ නිසා අපි මේ කතාව ගැන අහන්න විශ්ව ලංකා සම්බන්ධ කරගත්තා.

ඔහු කිව්වේ මෙවන් කතාවක්.

මම ඒක කිසිම කෙනෙක් ඉලක්ක කරගෙන දාපු post එකක් නෙවෙයි. ඒක fb එකේ share වුණා. මම එහෙමම ඒක share කළා. හැබැයි කෙනෙක් ඒක අදාළ නැති විදියට තොප්පිය දාගෙන තියෙනවා. නමුත් මට ඒක අදාළ නැති නිසා මම ඒක ගණන් ගත්තේ නැහැ. ඒත් මගේ බිරිඳට යම් චෝදනාවක් කරලා තිබ්බා.

මගේ බිරිඳ කවුද කියන්න මේ ලංකාවේ ඉන්න සියලු දෙනා දන්නවා. මාත් එක්ක වැඩ කරන අයත් එයාව දන්නවා. අද මම යම් තැනක ඉන්නවානම් ඒ ඉන්නෙත් මගේ බිරිඳට පිං සිද්ධ වෙන්න. මම ඒක ඕන තැනක කියනවා. මගේ බිරිඳට විවිධ දේවල් කිව්ව එක තමයි මට ගොඩක්ම ඉවසගන්න බැරිව ගියේ. ඒ හින්දා තමයි මම fb එකේ දැම්මේ “අපේ රටේ නිළියෝ දිහා හැමෝම බලන්නේ අද ගණිකාවෝ දිහා බලනවා වගේ. ඒකට හේතුව තමයි මේ වගේ 3rd class අය… මේ අය මේ කලාවෙන් එලවලා දාන්න ඕන” කියලා.

හැබැයි ඉතින් මම මේක මෙහෙම දැම්මේ පොදුවේ. මේ වෙද්දි අදාළ අය ඒ තොප්පිය දාගෙන තියෙනවා. නැවතත් මට මේ ගැන කියන්න තියෙන්නේ මම කිසිම දෙයක් කාවවත් ඉලක්ක කරගෙන කිව්වේ නෑ.

කොහොමවුනත් මම දැනුත් මම කිව්ව මතයේ ඉන්නවා. අපේ රටේ කලාවට අගෞරවයක් එකතු කරන්න යන මේ වගේ නූගත් , සමාජය විසින් කොන් කරපු, සමාජය විසින් අයින් කරලා දාලා තියෙන මේ වගේ නිළිකම විකුණගෙන කන ගෑණූ පයින් ගහලා එළවලා දාන්න ඕන. ඒ මතයේ මම දැනුත් ඉන්නවා.

ඒවගේම තමයි අපේ රටේ දේශපාලඥයා කියන චරිතය සම්පූර්ණයෙන්ම මේ වෙද්දි ප්‍රතික්ෂේප වෙලා තියෙන චරිතයක්. ඉතින් එහෙම දේශපාලඥයෝ ගාව දෙකට තුනට නැවෙන කලාකරුවෝ ඉන්නවා. ඒ අයත් මේකෙන් එළවන්න ඕන. එතකොට තමයි අපේ රටේ කලාවට ගරුත්වයක් හැදෙන්නේ. මේක ඇත්තටම ගෞරවනීය විෂයක්. මිනිස්සු ගොඩක් ආදරෙයි මේ කලාවට. හැබැයි කලාකරුවන්ම විසින් මේ ගෞරවනීයත්වය නැති කරගෙන තියෙනවා.

ඉතින් කලාව වෙනුවෙන් කලාව ගොඩගන්න ඒ වෙනුවෙන් පෙනී සිටින්න ඕනම වෙලාවක මං බය නෑ. ඒකට හේතුව ලංකාවේ සියලුම සහෝදර සහෝදරියෝ, ප්‍රේක්ෂකයෝ මේ වෙලාවේ මගෙත් එක්ක එකට හිටගෙන ඉන්නවා. ඒ හින්දා මං කිසිකෙනෙකුට බය නෑ. ඒ ශක්තිය මට තියෙනවා.

ඒ නිසා ඇත්තටම මට කියන්න තියෙන්නේ මේ වගේ දෙයක් වෙනුවෙන් කාලය වෙන් කරන එකත් වැඩක් නෑ කියලා.

 

 

උපුටාගැනීම – වෙබ්ගොසිප්

ගොසිප්

පසුගිය දිනෙක පැවැත්වුණු රූපලාවන්‍ය ශිල්පි චන්දිමාල් ජයසිංහගේ උපන්දින සාදය පිළිබඳ බොහෝ දෙනා කතා කළා.සමාජ මාධ්‍ය ඔස්සේ දැඩි ලෙස කතාබහට ලක්වුණු මේ උපන්දින සාදයට කෝටි ගණනක වියදමක් ගියා කියලා තමයි ඇතැමුන් කීවේ.මේ සාදයට ආපු  කලා ලොවේ බොහෝ දෙනා ඇඳගෙන ආපු ඇඳුම් වලටත් කාගෙත් අවධානය යොමුවුණා.කොහොම වුණත් නෙත් ගොසිප් සමග එකතු වුණු චන්දිමාල් නම් කීවේ කොච්චර වියදමක් ගියත් එය කවුරුත් ප්‍රශ්ණයක් කරගන්න ඕන නෑ කියලයි.

කොහොම වුණත් චන්දිමාල් තමන්ගේ මවට පස්සේ දෙවන අම්මා ලෙස සළකන රෝසි සේනානායකට මේ සාදයට එන්න බැරිවුණා.රෝසි සේනානයක චන්දිමාල්ට බොහෝ උදව් උපකාර කරලා තියනවා කියලා තමයි අපි එක්ක කිව්වේ..රෝසිට මේ සාදයට එන්න බැරිවෙලා තිබුණේ ඇය විදෙස් ගත වෙලා හිටපු නිසා.

ඒ වුණත් චන්දිමාල්ගේ උපන්දිනය වෙනුවෙන් රෝසි චන්දිමාල්ට අපූරු තෑග්ගක් නම් ලබා දීලා තියෙනවා. ඒ තමයි 2018 වසර සඳහා ‘මිසිස් වර්ල්ඩ්‘ හි ශ්‍රී ලංකාවේ අධ්‍යක්ෂක තනතුර. ඒ අනුව 2018 මිසිස් වර්ල්ඩ් කිරුළ සඳහා ශ්‍රී ලංකාවෙන් සහභාගී වන රූ රැජිණියන් තෝරා පත් කරගැනීමේ අයිතිය තියෙන්නේ චන්දිමාල්ටයි.ඉතින් මේ තනතුර චන්දිමාල්ට ලබාදීමට රෝසි සේනානායක මහත්මිය විශාල මහන්සියක් දරා තිබෙන බව තමයි අපට ආරංචි වුණේ.

උපුටාගැනීම – නෙත්

ගොසිප්

රාජ්‍ය අමාත්‍ය පාලිත රංගෙ බණ්ඩාරගේ පුතා බීමත්ව අධික වේගයෙන් රිය පැදවීම නිසා අනතුරක් සිදුවුනා. හලාවත  පුත්තලම මාර්ගයේ බංගදෙණිය ප්‍රදේශයේදී සිදුවුන මෙම අනතුරින්  නිවසට දැඩි හානි සිදුවුන අතර අමාත්‍යවරාගේ පුත්‍රයාටද තුවාල සිදුවුනා. කෙසේ වෙතත් හානි වූ නිවසේ හිමිකරු සඳහන් කලේ තමන්ට වන්දියක් ලබා දෙන තුරු  අනතුරට පත්වූ කැබ් රථය ඉවත් කර ගැනීමට ඉඩ ලබා නොදෙන බවයි.

එසේම අමාත්‍යවරයාගේ පුත්‍රයා පැදවූ කැබ් රථය අමාත්‍යවරයා කලින් කටයුතු කල  නිපුණතා සංවර්ධන හා වෘත්තීය පුහුණු අමාත්‍යාංශයට අයත් බවයි පරීක්ෂණ වලින් අනාවරණය කරගෙන තිබෙන්නේ. එසේම අනතුර සිදුවන අවස්ථාවේදී කැබ් රථය තුල තිබී විදෙස් මත්පැන් බෝතලයක් මෙන්ම කඩුවක් සහ මුඟුරක්ද  සොයා ගෙන තිබෙනවා.

මීට පෙරද අමාත්‍යවරයාගේ පුත්‍රයා විසින්  ආණමඩුව ඉගිනිමිටිය ප‍්‍රදේශයේ දී එකම පවුලේ මව, පියා සහ දරුවන් දෙදෙනෙකුට තුවාල කරමින් අනතුරක් සිදුකර තිබූණා. මේ අතර ඔහුගේ අතින් සිදුවුනු තවත් අනතුරකින් ආනමඩුව ප්‍රදේශයේ දෙදරු පියෙකු මිය ගොස් තිබුණා‍ෙ.එම අවස්ථාවේදීද ඔහු තමන් පැදවූ රිය නොනවත්වා දාවනය කර ඇති බවයි සඳහන් වන්නේ.

කෙසේ වෙතත් මේ වන තෙක් අමාත්‍යවරයාගේ පුත්‍රයා අත්අඩංගුවට ගෙන නොමැති අතර පොලිස් මූලස්ථානය සඳහන් කරන්නේ ආරච්චිකට්ටුව පොලිසිය මෙම සිද්ධිය සම්බන්ධයෙන් පරීක්ෂන සිදුකරන බවයි. කෙසේ නමුත්   රාජ්‍ය අමාත්‍යවරයාගේ පුත‍්‍රයා ප‍්‍රතිකාර ලබා රෝහලෙන් පිටව ගොස් තිබුණද තවමත් ඔහු නිවස වෙත පැමිණ නැති බවයි වාර්තා වන්නේ.

පසුගිය කාලය පුරා ඔහු සිදුකල මෙම රිය අනතුරු වල වීඩියෝ දෙකක් ඔබට පහතින් නැරඹිය හැක

ගොසිප්

බණ්ඩාරගම රයිගම කර්මාන්ත ශාලාව තුළදී පුද්ගලයකුගේ අධෝමාර්ගයට වායු නළයක් ඇල්ලීමෙන් බරපතළ තුවාල ලබා හොරණ මූලික රෝහලේ දැඩි සත්කාර ඒකකයේ ප්‍රතිකාර ලබමින් සිටි පුද්ගලයා මිය ගිය බව බණ්ඩාරගම පොලිසිය කියයි.

මියගොස් ඇත්තේ බණ්ඩාරගම රයිගම උතුර පදිංචිව සිටි තිදරු පියකු වන ඩබ්ලිව්.ආර්. සුමනදාස (64) නමැත්තෙකි.ලෑලි පදම් කරන එම කර්මාන්ත ශාලාවේ අත්උදවුකරුවකු ලෙස සේවය කළ මේ පුද්ගලයා ඉකුත් 28 වැනි දින දහවල් ආහාර ගැනීම සඳහා සේවය නතර කළ අවස්ථාවේදී තවත් සේවකයකු විසින් මොහුගේ අධෝමාර්ගයට වායු බටයක් අල්ලා ඇති බව මූලික පරීක්ෂණවලදී හෙළි වී ඇත.එම කර්මාන්ත ශාලාවේම සේවය කරන යන්ත්‍ර ක්‍රියාකරුවකු මියගිය පුද්ගලයා අසලින් ගමන් කිරීමේ දී කවටකමක් කිරීම සඳහා වායු පීඩන යන්ත්‍රයේ බටය ඔහුගේ ශරීරයට අල්ලා ඇති බව පොලිසිය කියයි.

ඒ සමඟම ක්ෂණයකින් එම වායු පීඩන බටය අත්උදවුකරුගෙන් උදුරාගත් යන්ත්‍ර ක්‍රියාකරු අත්උදවුකරු හැඳ සිටි කලිසමට පිටතින් පශ්චාත් භාගයට ඇල්ලීමත් සමඟ තත්පර කීපයක් තුළ අත්උදවුකරුගේ උදරය පිම්බී පිටතට නෙරා විත් ක්ලාන්තව ඇදවැටීමට යද්දී සේවකයන් ඔහුව අල්ලාගෙන වහා හොරණ මූලික රෝහලට ඇතුළත් කර තිබේ.

සිද්ධිය සම්බන්ධයෙන් ලද පැමිණිල්ල අනුව යන්ත්‍ර ක්‍රියාකරු සැකපිට අත්අඩංගුවට ගෙන හොරණ මහෙස්ත්‍රාත් ජයරුවන් දිසානායක මහතා වෙත ඉදිරිපත් කිරීමෙන් අනතුරුව රුපියල් විසිපන්දහස බැගින් වූ ශරීර ඇප දෙකක් මත මුදා හැරීමටත් එම දිනවල දැඩි සත්කාර ඒකකයේ ප්‍රතිකාර ලබමින් සිටි පුද්ගලයාට රුපියල් විසිපන්දහසක ප්‍රතිකාර දීමනාවක් ගෙවන ලෙසත් නියෝග කර තිබිණි.

වායු බට රැගෙන උසුලු විසුළු කරමින් සිටි අවස්ථාවේදී එක්වරම අනෙක් සේවකයා අදාළ අධිපීඩන වායු බටය ඔහුගේ සිරුරේ පිටුපස ප්‍රදේශයට ඇතුලු කර ඇති බවට මූලික පරීක්ෂණවලදී අනාවරණ වුණා.ගුද මාර්ගයට වායු ධාරා ඇතුලූවීමෙන් ඇතිවූ පීඩනයත් සමඟ බඩවැල් පුපුරායාමෙන් මෙම මරණය සිදුව තිබෙනවා.

දින හතක පමණ කාලයක් හොරණ මූලික රෝහලේ ප්‍රතිකාර ලබමින් සිටි එම පුද්ගලයා පෙරේදා (04දා) සවස මිය යෑම සම්බන්ධයෙන් නැවතත් ඊයේ (05දා) අධිකරණයට කරුණු වාර්තා කරන බව බණ්ඩාරගම පොලිසියේ ස්ථානාධිපති ප්‍රධාන පොලිස් පරීක්ෂක කේ. ඩබ්ලිව්.එල්. වික්‍රමරත්න මහතා පැවැසීය.

ඒ අනුව අධිකරණයෙන් ඇප මත මුදා හැර සිටි සැකකාර යන්ත්‍ර ක්‍රියාකරු නැවතත් අත්අඩංගුවට ගෙන අධිකරණයට ඉදිරිපත් කරන බව ස්ථානාධිපතිවරයා පැවැසීය.

බණ්ඩාරගම පොලිසියේ ස්ථානාධිපති ප්‍රධාන පොලිස් පරීක්ෂක කේ.ඩබ්ලිව්.එල්. වික්‍රමරත්න මහතාගේ උපදෙස් මත අපරාධ අංශයේ ස්ථානාධිපති උප පොලිස් පරීක්ෂක මහිලාල් මහතා පරීක්ෂණ පවත්වයි.