ක්‍රිඩා පුවත්

තිසර පෙරේරාගේ තුන් ඉරියව් දක්ෂතා හේතුවෙන් බංග්ලාදේශයේ  පැවැත්වෙන තුන්කොන් එන්දින තරගාවලියේ ප්‍රථම ජය වාර්තා කිරීමට ශ්‍රී ලංකා කණ්ඩායම සමත්විය. ඒ සිම්බාබ්වේ කණ්ඩායම කඩුලු 5කින් පරාජයට පත්කරමිනි.

සිම්බාබ්වේ කණ්ඩායම රැස්කළ ලකුණු 198 පිළිතුරු ලෙස ශ්‍රි ලංකා කණ්ඩායම ලකුණු 202/5ක් රැස්කරමින් තරගය ජයග්‍රහණය කළේය. පන්දුවාර 44.5 කදී ශ්‍රී ලංකා කණ්ඩායම ඉලක්කය සම්පූර්ණ කළේය.

කුසල් පෙරේරා (49), කුසල් මෙන්ඩිස් (36), දිනේෂ් චන්දිමාල් (38*) හා තිසර පෙරේරා (39*) ශ්‍රී ලංකා ඉනිම වෙනුවෙන් පිත්තෙන් දක්ෂතා දැක්වීමට සමත්විය. පන්දු යැවීමෙන්ද තිසර පෙරේරා කඩුලු හතරක් දවා ගැනීමට සමත්විය.

අද තරගයේ ජයග්‍රහණය ගැන සමාජ ජාල වෙබ් අඩවි තුල පළවූ අදහස් කීපයක් පහතින් නරඹන්න

 

 

ක්‍රිඩා පුවත්

තුන්කොන් එක්දින ක්‍රිකට් තරගාවලිය යටතේ ශ්‍රී ලංකා කණ්ඩායම ලැබූ අඛණ්ඩ දෙවැනි පරාජයත් ලැබීය. ඒ සත්කාරක බංග්ලාදේශය හමුවේ ලකුණු 163කින් පරාජයට පත්වෙමිනි.

ලකුණු 321ක ජයග්‍රාහී ඉලක්කයක් හඹාගිය ශ්‍රී ලංකා කණ්ඩායමට සියලු දෙනා දැවි රැස්කර ගත හැකිවූයේ ලකුණු 157ක් පමණි. බංග්ලාදේශ ක්‍රිකට් ඉතිහාසයේ එක්දින තරගයකදී වැඩිම ලකුණු පරතරයක් සහිතව ලබාගත් ජයග්‍රහණය ලෙසද මෙය ඉතිහාසයට එක්විය.

එසේම චන්දික හතුරුසිංහ මහතා බංග්ලාදේශ කණ්ඩායමේ පුහුණුකරු තනතුරින් ඉවත්ව ශ්‍රි ලංකා පුහුණුකරු තනතුර භාර ගැනිමෙන් පසුව බංග්ලාදේශයට එරෙහිව පැවැති පළමු එක්දින තරගයද මෙය විය.

ශ්‍රී ලංකා ඉනිමේ ඉහළම ලකුණු සංඛ්‍යාව තිසර පෙරේරා වාර්තා කළේය. ඒ ලකුණු 29කි. තමීම් ඉක්බාල්, මුෂ්ෆිකාර් රහීම් හා ශකිබ් අල් හසන් බංග්ලාදේශය වෙනුවෙන් අර්ධ ශතක රැස්කිරීමට සමත්වූය.

අද තරගය පිලිබදව සමාජ ජාල වෙබ් අඩවි තුල දැක්වූ අදහස් පහතින් නරඹන්න

 

ක්‍රිඩා පුවත්

ශ්‍රී ලංකාවෙන් බිහිවූ අග්‍රගන්‍යය පිතිකරුවෙකු වන අරවින්ද සිල්වා ගැන පසුගිය දින වල කතා බහකට ලක් වුනා ඒ ශ්‍රි ලංකා ක්‍රිකට් ආයතනයේ තේරීම් කමිටුවේ සහභාති ධූරයෙන් ඉල්ලා අස්වීමත් සමග.

අරවින්ද ගැන මේ වෙද්දි ආයෙත් කතාබහ වෙන්න පටන් අරන්.

ඒකට හේතුව තමයි ඔහු මිලදී ගත්ත කෝටි ගණනක් වටිනා අලුත්ම සුපිරි මෝටර් රථය.

Bentley GT V8 S Coupe ගණනයට අයත් මෙම මෝටර් රථය ලංකාවේ ඉතා සුළු පිරිසකට පමණක් තිබෙන මෝටර් රථයක් වීම විශේෂත්වයක්.

ජායාරූප පහතින් නරඹන්න

 

 

 

ක්‍රිඩා පුවත්

බංග්ලාදේශයේදී පැවැත්වෙන තුන්කොන් ක්‍රිකට් තරගාවලියේ ඩකාහිදි පැවැති දෙවැනි තරගයේදී ශ්‍රී ලංකාවට එරෙහිව ලකුණු 12 ක ජයක් හිමිකර ගැනීමට සිම්බාබ්වේ කණ්ඩායම අද (17 වැනිදා) සමත්විය. ජයග්‍රහණය සදහා ලකුණු 291 ක ඉලක්කයක් හඹාගිය ශ්‍රී ලංකාවට ඕවර 48.1 කදී සියලුදෙනා දැවී රැස්කිරීමට හැකිවූයේ ලකුණු 278 ක් පමණි.

කුසල් පෙරේරා සමගින් පළමු කඩුල්ල සදහා ලකුණු 46 ක සම්බන්ධතාවයක් පැවැත්වූ උපුල් තරංග ලකුණු 11 කට දැවී ගිය අතර කුසල් මෙන්ඩිස් දෙවැනි කඩුල්ල ලෙස ලකුණු නොලබාම දැවි යනවිට ශ්‍රී ලංකා ලකුණු පුවරුව ලකුණු 47 ක් ලෙස දිස්විය.

ආරම්භයේදී ප්‍රවේගකාරී පිතිහරඹයක නිරත වුවද පසුව කඩුල්ල ආරක්ෂා කරගනිමින් තැන්පත් පිතිහරඹයක නිරතවු කුසල් පෙරේරා ලකුණු 80 ක් රැස්කර සිටියදි බ්ලෙසින් මුසරබානි වෙත ලබාදුන් උඩපන්දුව රැකගැනිම හේතුවෙන් ඔහුගේ ඉනිම අවසන්විය. සිය 9 වැනි එක්දින අර්ධ ශතකය ලබාගත් කුසල් පෙරේරා පන්දු 83 කට මුහුණදුන් අතර ඔහුගේ ඉනිමට හයේ පහර දෙකක් සහ හතරේ පහර 8 ක් ඇතුළත් විය.

මේ විදියට අද තරඟය අවසන් වුනත් වෙනදා වගේම අදත් සමාජ ජාල මාධ්‍ය වල නොයෙක් කතා,අදහස් හුවමාරු වුනා,”හොදම ගොසිප්” පාඨකයන්ගේ රසවින්දනය උදෙසා තෝරාගත් කීපයක් මෙසේ පහතින් ගෙන එන්නෙමු

 

 

 

 

ක්‍රිඩා පුවත්

චරිත බිහිවන්නේ තරු අතරින් නොවේ. සහෘදයාගේ ආදරය මතිනි. කාලය ගෙවී ගිය ද චරිතයෙහි වටිනාකම් හීනවන්නේ නැත. තරු මිලින වුව ද චරිත මිලින වන්නේ නැත. පර්සි අබේසේකර නම් වූ අසහාය ක්‍රිකට් ප්‍රේක්‍ෂකයා, දිරි දෙන්නා ලාංකේය ප්‍රේක්‍ෂකාගාරයෙහි මිලින වූ තරුවක් නොව ක්‍රීඩාවට හිතැති සහෘද සන්තානයෙහි සදාතනික චරිතයක් බවට පත් වන්නේ ද එහෙයිනි. මේ ඒ සදාතනික පර්සි අබේසේකර සමග ගෙවුණු විනාඩි කිහිපයකි.

පර්සි දැන් ක්‍රිකට්වලින් අයින් වෙලාද?
නෑ තාම ඉන්නවා.

පහුගිය කාලෙ දකින්න හිටියේ නැත්තේ?
මගේ බිරිඳ නැති වුණා. අක්කා නැති වුණා. ඒ දේවල් එක්ක ටිකක් ක්‍රිකට්වලින් ඈත්වෙලා හිටියේ. ඒ නිසයි ආවේ නැත්තේ.

කවදද ආයෙ ක්‍රීඩාලෝලීන් අතරට එකතු වෙන්නේ?

ඉක්මනටම එනවා. ඊළඟ ටුවර් එකෙන් පස්සේ ආපහු එන්න තමයි හිතාගෙන ඉන්නේ. අනිවාර්යයෙන් ඊළඟ සංචාරෙන් පස්සේ ශ්‍රී ලංකා කණ්ඩායම වෙනුවෙන් මම එනවා.

පර්සිගෙ පුංචි කාලෙ ගෙවුණෙ කොහොමද?
මම පොඩි කාලෙ හිටියේ ගාල්ලේ. අපේ අම්මයි තාත්තයි දෙන්නම මුල් ගුරුවරු. ඒ අය එහේ හිටපු කාලේ තමයි අපි එහේ ඉස්කෝලවලට ගියේ. මම 1941 ඉඳන් 1947 වෙනකල් මම ගියේ ගාල්ලේ රිච්මන්ඞ් එකට. 47 ඉඳන් 54 වෙනකල් ඇලෝසියස්. ඒකෙන් සාමාන්‍ය පෙළ විභාගයට ලිව්වා. ඊට පස්සේ ඇක්වයිනාස් එකට ගියා. ඒ අතරේ ශ්‍රී රතනසාර ඉස්කෝලේ පාලි, සිංහල ඉගෙන ගත්තා.

ක්‍රිකට්වලට කැමතියිද ඒ කාලේ?
උසස් පෙළ ලන්ඩන් විභාගය කළේ 1958. ඉකොනොමික්ස් මම පාස්. ඉකොනොමික් හිස්ටි්‍ර එක දවසේ ලංකාවයි ඉන්දියාවයි ගෝපාලන් කුසලාන මැච් එක තමිල්නාඩුවල. සතාසිවම්, සාරුව ජයවික්‍රම, බෙන් නවරත්න වගේ අය තමයි ලංකාව වෙනුවෙන් සෙල්ලම් කළේ. පොඩි පොකට් රේඩියෝ එකෙන් තමයි අහන්නේ. එදා මැච් එකේ සී.අයි.ගුණසේකර හොඳට සෙල්ලම් කළා. සී.අයි බැට් කරන්න යනකොට කාර් පාක් එකේ කාර් තියන්නේ නෑ. එයා ජයසූරියටත් වඩා වේගයෙන් පන්දුවට පහර දෙන කෙනෙක්. එයා එදා 100ක් ගහල තිබුණා. එදා පේපර් එක දෙන්න කලින් මගේ යාළුවා කිව්වා මම යනවා මැච් එක බලන්න කියලා. මමත් ගියා. එදා මැච් එක ලංකාව දිනුම්. මම විභාගේ ෆේල්.

ගෙදරින් දඬුවම් ලැබෙන්න ඇති?
ඒ පේපර් බලන්නෙ ලන්ඩන්වල. රිසාල්ට් එකේ විෂයයට යටින් පොඩියට ඒබීඑස් කියලා දාලා තිබුණා. මට දැන් බයයි මේක අරන් ගෙදර යන්න. ඉස්කෝලේ ෆාදරුත් සැරයි. ගෙදර ෆාදරුත් සැරයි. දෙන්නගෙම අතේ වේවැල තියෙනවා. තාත්තගේ නීතිය තිබුණේ පේපර් එක අමාරු වුණාට ෆේල් වුණාට කමක් නෑ විභාගෙ ලියන්න ඕනේ කියලා. මගෙන් ඇහුවා මොකද අර විෂයයට වුණේ කියලා. මම කිව්වා බෑඞ් ෆේලියර් කියලා. අර පොඩියට තිබුණු අකුරු එයා දැක්කේ නෑ. පහුවදා එයා ඉස්කෝලෙට ගිහින්. ෆාදර් පීටර් පිල්ලේ තමයි එදා හිටියේ. එයා අපේ තාත්තට කියලා මේ විභාගෙට මම ගිහින් නෑ කියලා. තාත්තා ගෙදර ඇවිත් දවස් 3කට පස්සේ මගෙන් ඇහුවා මොකද වුණේ කියලා. මම කලින් උත්තරේම දුන්නා. මට එවෙලෙම කම්මුල් පාරක් දුන්නා.

ඉස්කෝලෙ ගමන් එතනින්ම ඉවර වුණා?
තාත්තා කිව්වේ මෙයාට තියෙන්නේ ක්‍රිකට් පිස්සුවක්. උගන්වලා වැඩක් නෑ කියලා. තාත්තගේ ආශාව තිබුණේ මාව නීතිඥයෙක් කරන්න. ඒ වෙද්දි ටිරෝන් ප්‍රනාන්දු හිටපු විදේශ කටයුතු ඇමති, සුනිල් සිල්වා සොලිසිටර් ජෙනරල්, වාසුදේව නානායක්කාර, උමා පොන්නම්බලම් මගේ පන්තියේ හිටියේ. ඇක්වයිනාස් එකේදි ගාමිණී දිසානායක,ජෝන් අමරතුංග, ජයලත් ජයවර්ධන වගේ කට්ටිය. ඒ අය මට වඩා ජූනියර් ඊට පස්සේ කලුතර ්ඵඋ එකේ වැඩට ගියා. එතන හිටියා සිරිල් ද සොයිසා. අපේ නෑදැයෝ. එයා තමයි 1981 ස්ටොක් කොන්ට්‍රෝල් ඔෆිසර් කෙනෙක් විදියට මාව සම්බන්ධ කරගත්තේ. එතන අවුරුදු 20ක් හිටියා. ඒකේදි මම 68 අවුරුද්දේ ක්‍රිකට් කණ්ඩායමේ කැප්ටන් වුණා. වෙළෙඳ සේවා අංශයක ශූරතාව දිනාගත්තේ මගේ නායකත්වය යටතේ. මම වමත් පිතිකරු දකුණත් පා දඟ පන්දු යවන්නෙක්. එතනින් වර්තමාන සභාපති මදනායක මහත්තයත් එක්ක මම ්ක්‍ඛ එකට සම්බන්ධ වුණා.

ඔය මොනව කිව්වත් අපි පර්සිව දන්නේ ක්‍රිකට් නරඹන්නෙක් විදියට, නිකම්ම නරඹන්නෙක් නෙවෙයි ක්‍රීඩකයන් දිරිමත් කරන්නෙක් විදියට. කොහොමද ඒකට යොමු වුණේ?
මම ඇලෝසියස් එකේ ඉගෙන ගන්න කාලේ නිවාසාන්තර ක්‍රීඩා තිබුණා. නිවාස 5ක්. ඒ නිවාසවල ක්‍රිකට් ගහනකොට සෙල්ලම් කරත් නොකළත් හවුස් එකේ කොඩිය පාවිච්චි කරන්න ඕනේ. ඒකෙන් තමයි කොඩියට පුරුදු වුණේ.

දිරි දෙන්නෙක් විදියට ප්‍රේක්‍ෂකාගාරයට එන්නේ කොයි කාලෙද?
මම කොඩියක් අරන් චියරින්වලට ආවේ 79. එංගලන්තයේ තමයි මැච් එක තිබුණේ. එතකොට පර්සිස් ෆන්ඞ් කියලා අරමුදලක් තිබුණා. ඒ මැච් එක අපි දිනුවා. ඒකෙන් තමයි ලෝක කුසලානෙට සුදුසුකම් ලැබුවේ. ඊට පස්සේ ඉන්දියාව එක්ක මැච් එක. මැච් එකේදි කැච් එකක් ආවා දුලිප් මෙන්ඩිස්ගේ. අපි කෑ ගැහුවා ඕක අල්ලන්න බෑ, පිටි පස්සේ පිස්සු බල්ලෙක් කියලා. කැච් එක අත ඇරුණා. අපි ඒ මැච් එකත් දිනුම්.
පහුවදා ගාඩියන් පත්තරේ හෙඩි ලයින් එක තිබුණේ මගේ නම. පර්සි අබේසේකර නිසා මැච් එක දිනුවා කියපු කතාවක් තමයි තිබුණේ. ගවස්කාර්ලට තාම ඒ උෂ්ණෙ තියෙනවා. අදටත් එයා නිවේදනය කරද්දි කියනවා සමහර මැච් ඉන්දියාව පැරදුණේ පර්සි නිසා කියලා. ඒ හැඟීම එයාලට ඇති වෙලා තියෙනවා.

මොකක්ද අර පොලිසි ගිය කතාව?
1972දී ඔස්ටේ්‍රලියා 19න් පහළ ටීම් එක ලංකාවට ආවා. ඒ ඇවිත් ලංකාවේ 19න් පහළ ටීම් එකත් එක්ක මැච් 3ක් තිබුණා. අපි පළවෙනි මැච් දෙක හොඳට කළා. මැච් දෙකම ඩ්‍රෝ. තුන්වෙනි මැච් එකේ අවසාන දවස. ලංකාව පරදින්න යන්නේ. මම අතේ කොඩියක් තිබුණෙත් නෑ. බොඩිය විතරයි. විකට් 7ක් ගිහින් ලකුණු 100ක් විතර ගහන්න ඕනේ. පැයක විතර කාලෙකුත් තියෙනවා. මැච් එක කොහොම හරි ඩ්‍රෝ කරවන්නයි මට ඕනේ. අපි කලින් මැච් එකේදි බැට් කරද්දි ඔස්ටේ්‍රලියාවේ අය අපේ ක්‍රීඩකයන්ට කළුවො, අඟුටුමිට්ටෝ කියලා බැන්ණා. මගෙ ඔළුවෙ ඒකත් තිබුණා. අසිත ජයවීර ලකුණු 50ක් ගැහුවා. මම පිට්ටනිය මැද්දට ගිහින් අසිත ජයවීරව බදාගත්තා. එයාගෙ බැට් එක ඉල්ල ගත්තා. විකට් එකට ගිහින් අම්පයර්ගෙන් ස්ටම්ප් එක ඉල්ලුවා. අම්පයර් මට බැන්නා ගෙටවුට් මෙන් කියලා. කීපරුත් බණිනවා. විනාඩි 3ක් විතර මම මැද. මිනිස්සු කෑ ගහනවා. කවුරුත් දන්නෙ නෑ මම පර්සි කියලා. පස්සේ පොලිසියේ ඕ.අයි.සී. ඇවිත් මාව අල්ල ගත්තා. මාව එක්ක යද්දි මහාදේවන් සතාසිවම් පොලිසිය එක්ක කතා කරා. කොහොම වුණත් මට පයින් ගහලා තමයි පොලිස් කූඩුවට දැම්මේ.

සතාසිවම් රුපියල් 100ක් දීලා මට ඇප දීලා තිබුණා. එතකොට රෑ 11යි. මම එළියට එද්දි 500ක් විතර සෙනග. මම ඇහුවා මැච් එක මොකද කියලා. එයාලා කිව්වා ඔයාට පිංසිද්ධ වෙන්න මැච් එක ඩ්‍රෝ කියලා. ඊට පස්සේ තමයි එයාලා මාව පර්සි කියලා දැන ගත්තේ. ඊට පස්සේ උදේ 3 වෙනකල් මැච් එක ඩ්‍රෝ කර ගත්ත සතුට සැමරුවා.

අනෙක් ප්‍රේක්‍ෂකයන්ගෙන් මොන වගේ ප්‍රතිචාරද ලැබුණේ ?
මම චියර් කරන හැටියට එයාලා වශී වෙලා. පළවෙනි මැච් එකේදි සුද්දෙක් මට කිව්වා උඹේ කොඩිය මගේ පිටේ ගහන්න කියලා.මම ගැහුවා. සමහරු එයාට හූ කිව්වා. මම කොඩිය එයාට තෑගි කළා. ඊළඟ සැරේ මට ගෙදරට ආරාධනා කළා. මම එහේ යද්දි මම දුන්න කොඩිය තමයි එයාගේ ගෙදර බිත්තියේ ගහල තිබුණේ.

ක්‍රීඩකයන්ගෙනුත් හොඳ ප්‍රතිචාර ලැබෙන්න ඇති?
1984දි ලංකාවෙදි තිබුණා තුන්කොන් තරගාවලියක්. ලංකාවයි, නවසීලන්තෙයි, පාකිස්තානෙයි. මම චියර් කරන හැටි නවසීලන්තෙ අය බලන් හිටියා. මාටින් ක්‍රෝ තමයි එතකොට නවසීලන්තයේ විතරක් නෙවෙයි ලෝකයේ හොඳම බැට්ස්මන්. එදා එයා තරගයේ වීරයා වුණා. තරගයේ වීරයා විදියට සම්මානෙ අරන් එද්දි එයා මාව දැක්කා. පස්සේ මගේ ළඟට ඇවිත් එයාගෙ සම්මානේ මට දුන්නා. හම්බවුණ සල්ලිත් දුන්නා. මම කිව්වා සල්ලි ගන්නේ නෑ. කුසලානේ යද්දි දෙන්නම් කියලා. හවස ඔබරෝයි එකට ගියා. එතකොට රිචඞ් හැඞ්ලි, මාටින් ක්‍රෝ, සිදත් වෙත්තමුණි තුන්දෙනා කෑම කනවා. මම කුසලානේ හංගගෙන ගියේ. මම යද්දිම සිදත් වෙත්තමුණි ගියා. මාටින් ක්‍රෝ මට වාඩිවෙන්න කිව්වා. මම කුසලානේ ආපහු දුන්නා. ඒත් එයා ගත්තේ නෑ. පස්සේ එයාගෙ කාමරේට එක්කරන් ගියා. ඒ ගිහින් එයාගෙ අවුරුදු 10ක් පාවිච්චි කරපු හැට් එක මට දුන්නා. අනිත් ක්‍රීඩකයොත් මට තෑගි දුන්නා. රිචඞ් හැඞ්ලිට දෙන්න දෙයක් තිබුණෙ නෑ. එයා දුවගෙන ගිහින් නවසීලන්තේ ඔෆීෂියල් ටයි එක දුන්නා. එතකොට මට ලංකාවෙ ටයි එකවත් හම්බවෙලා නෑ.

96 ලෝක කුසලාන මැච් එක ගැන තියෙන්නේ මොන වගේ මතකයක්ද?
වර්ලඞ් කප් අවසාන තරගෙට කලින් ඊඞ්න් ගාර්ඞ්න් එකේ ඉන්දියාව එක්ක මැච් එක. එතකොට මමයි, තිස්සයි, ලයනලුයි තුන්දෙනාම හිටියා. දැන්නම් එයාල කොහෙද දන්නෙත් නෑ. එදා මැච් එක ඉවර වෙද්දි ටී ෂර්ට් එක සැලඞ් එකක් වගේ. මැච් එක පැරදුණායින් පස්සේ ඉන්දියාවේ කෙනෙක් ඇවිත් මගේ කොඩියෙන් ඇද්දා. මම දුන්නේ නෑ. පස්සේ ඒක ඉරුණා. ඒ කොඩිය තවමත් මගේ ළඟ තියෙනවා. ඊට පස්සේ පොලිසියෙන් ඇවිත් ප්‍රශ්නේ බේරුවා.
එදා එළියට බහිද්දි මාව මරණ තත්ත්වෙක හිටියේ. අර්ජුනයි, ගුරුසිංහයි මට එන්න කියලා එයාලත් එක්ක තමයි ගියේ. ඊට පස්සේ ෆයිනල් එක ලාහෝර්වල. අපිට පාස් එකක්වත් තිබුණෙ නෑ. පස්සේ ලංකාවෙ කෙනෙක් අපිව හොරෙන් වගේ අරන් ගියා. එදා හොටෙල්වලින්වත් කීයක්වත් ගත්තෙ නෑ. එදා මැච් එක දිනුවට සනයි, කලුයි කලින්ම අවුට්නේ. මට බයයි. මම පිරිත් කියන්න පටන් ගත්තා වැඳගෙන. මම ඒක සාමාන්‍යයෙන් කරනවා. ලංකාවෙ මැච් තියෙන පළාත්වල ප්‍රසිද්ධ පූජනීය ස්ථානවලට මම යනවා. මැච් එකට කලින්. නුවර තියෙද්දි දළදා මාලිගාවට, හම්බන්තොට නම් කතරගමට, දඹුල්ලේ නම් දඹුලු ලෙන් විහාරෙට යනවා.

කාන්තාවන්ගෙනුත් ලොකු ආකර්ෂණයක් තියෙනවා?
මම චියර් කරන වෙලාවට ගෑනු අයත් එනවා. සමහරු කියනවා මම මනමාලයෙක් කියලා. මම එහෙම කෙනෙක් නෙවෙයි. ගෑනු අය කිස් කරනවා. එයාල එක්ක ඩාන්ස් කරනවා. අපි පරණ ඉස්කෝලෙ අය. අලුත් අයට මේව මැජික් වගේ. සමහරු නම් ලව් පාට් වගේ එනවා. එයාලගේ අයිඩියා තිබුණේ මගේත් එක්ක ගිහින් කට්ටිය අඳුරගන්න. ඒ නිසා මම දැන් ඒවට යන්නෙ නෑ.

ක්‍රීඩකයෝ අඩු ලකුණු ගානකට දැවී යන්නත් ප්‍රේක්‍ෂකාගාරය හේතුවක් වෙන්න පුළුවන්. එහෙම අවස්ථා අත්විඳලා නැද්ද ?
ඬේවිඞ් බූන් – ටස්මේනියන් ගූන්
කම්බැක් සූන් – බිෆෝ නූන් කියද්දි තුන්වෙනි බෝලෙට අවුට්. බූන්ට මගේ දුක පළ කරන්න ගියාම බැට් එක අරන් මට ගහන්න ආවා. එයාට මර්ඩර් කේස් එකකුත් තියෙනවා. හැබැයි දැන් නම් මට හරි ආදරෙයි.
එක දවසක් අසුරුදීන් බැට් කරන්න එද්දි මම කිව්වා උඹ 3 වෙනි බෝලෙන් අවුට් වෙනවා මම හීනෙන් දැක්කා කියලා. අසුරුදීන් මෙහෙට ආවේ එක දිගට සීයෙ ඒවා තුනක් ගහලා. අපේ අය බය වෙලා හිටියේ. මම කළේ අසුරුදීන් දිහා බැලුවා. ළාමක සෙන්සිටිව් චරිතයක්. වචන ඇති එයාට. එයා තුන්වෙනි බෝලෙට අවුට් වුණා. එයා හිතුවා මම මන්තරකාරයෙක් කියලා. අවුට් වෙලා උඩට ගිහින් මම කෑමට යද්දි එයා කපිල් දේව් එක්ක පහළට එනවා. මම දැක්කා විතරයි ආපහු හැරිලා ගියා. මම කළේ පේමන්ට් එකෙන් ඇට මාලයක් අරන් අසුරුදීන් බැට් කරන්න උඩ ඉද්දි වැඳගෙන පිරිත් තියනවා. අසුරුදීන් දිහාත් බලනවා. මිනිහා මම දිහා බලන්නේම නෑ. බැට් කරන්න යද්දි ළඟටම ගිහින් පිරිත් කියනවා. ඒ තරගාවලියේදි ලෝකේ හොඳම බැට්ස්මන්ගෙ සාමාන්‍යය ලකුණු 18යි. සරා ස්ටේඩියම් එකේ ටෙස්ට් මැච් එකත් අපි දිනුම්. අසුරුදීන් මට අදටත් බය ඇති. ඒකට ජේ.ආර් උන්නැහැ නිවාඩුත් දුන්නා. සමහරු කියනවා මම ඉද්දි ලක් එක තියෙනවා කියලා. සමහර විට මම කියන දේට හොඳ ක්‍රීඩකයෝ අවුට් වෙලා තියෙනවා. ඔය වටේට යන්න බැරි වෙන්න වැටවල් දාලා තියෙන්නේ මම නිසයි කියලත් කියනවා.

දැන් වයස කීයද?
81යි.

තව ක්‍රිකට් වෙනුවෙන් දුවන්න පුළුවන්ද?
ඇයි බැරි මට හොඳ ෆිට් එකක් තියෙනවා අනිත් අයට වඩා. මම හිතනවා මට තව ගොඩක් කල් ක්‍රිකට් වෙනුවෙන් දායකත්වය දෙන්න පුළුවන් කියලා.

ක්‍රිඩා පුවත්

ශ්‍රි ලංකා ක්‍රිකට් කණ්ඩාමේ දක්ෂ වේග පන්දු යවන්නෙකු වන ලසිත් මාලිංගට නොසිතූ ලෙස ක්‍රීඩාවෙන් ඈත් වෙලා ඉන්න සිදු වෙලා තිබෙනවා.

මේ වන විට ලසිත් මාලිංග නව පුහුණුකරු චන්දික හතුරුසිංහ යටතේ පැවත්වන පුහුණු වලට දැළ තුළ පන්දු යවන්නෙක් වශයෙන් කටයුතු කරන බව ආන්දොලනාත්මක ප්‍රකාශයක් පසුගිය දිනක සිදු කර තිබුනා.

ක්‍රිකට් ක්‍රීඩාව ගැන මාලිංග දැන් ඉන්නේ ලොකු කණස්සලකින් මාලිංග දැන් ක්‍රිකට් වලින් ඈත් වෙලා සිය පවුල සමඟින් සතුටින් ගත කරනවා

පසුගිය දවසක ලසිත් මාංලිග සුඛෝපභෝගී BMW i 8 රථයක් මිලදී ගෙන තිබුනා.

ඔහුගේ මෙම රථයේ වටිනාකම රුපියල් කෝටි තුනකට ආසන්න බවයි දැනගන්නට ලැබෙන්නේ.

මාංලිග මිලදී ගත් BMW i8 සුපිරි රථයේ ඡායාරූප කිහිපයකි මේ.

 

 

ක්‍රිඩා පුවත්

පසුගිය වසර කිහිපයේදී පහතටම වැටුණු ලංකාවේ ක්‍රිකට් ගොඩනගන අලුත්ම බලාපොරොත්තුව තමයි චන්දික හතුරුසිංහ.

කාලයක් බංගලාදේශ කන්ඩායමේ පුහුණුකරු වෙලා හිටපු කාලේ බංගලාදේශ කණ්ඩායමේ සිදුවූ විශාල වෙනස මේකට හේතු වුණා.

ඒ නිසා බොහෝ අය හතුරුසිංහ ගැන බලාපොරොත්තුවෙන් ඉන්නවා.

පහුගිය මාසේ වැඩ භාරගත්ත ඔහු කීවේ ශ්‍රී ලංකා කන්ඩායමට මීට වඩා බොහෝ දියුණු වෙන්න පුලුවන් කියලා.

ලොකේ හොඳම පිතිකරුවන් අතරට යන්න පුලුවන් ක්‍රීඩකයෝ පවා අපිට ඉන්නවා කියලයි ඔහු කීවේ.නමුත් පහුගිය කාලෙම අසාර්ථක වුණු නිසා අපේ ක්‍රීඩකයන්ගේ මානසික මට්ටම මුලින්ම හදන්න ඕන කියලත් ඔහු කිව්වා.

මේ සඳහා ඔහු නමක් යෝජනා කළා. ඒ තමයි Phil Jauncey.

ඕස්ට්‍රේලියානු ජාතිකයෙකු වන Phil Jauncey මනෝවිද්‍යාව සහ උපදේශනය සම්බන්ධයෙන් ආචාර්ය උපාධියක් සහිත ක්වීන්ස්ලන්ඩ් විශ්වවිද්‍යාලයේ ආචාර්යවරයෙක්.

‘Understanding Ourselves and Others’, ‘Management Education’, සහ‘The Power of Positive Doing’ වැනි කෘතීන් රචනා කර ඇති ජෝන්සි දැනට ඔස්ට්‍රේලියානු බේස්බෝල් කණ්ඩායමේ නිල මනෝ උපදේශකවරයා ලෙසද කටයුතු කරනවා.

ඔහු ලංකාවේ ක්‍රීඩයන්ට අද (04) ක්‍රිකට් ආයතනයේදී වැඩමුළුවක් කළා.තරඟයකදී මානසික මට්ටම පාලනය කරගන්නේ කොහොමද, ධනාත්මකව තරඟයකට අවතීරණ වෙන්නේ කොහොමද කියලා ඔහු අපේ ක්‍රීඩකයන්ට කියලා දීලා තියනවා.කොහොම වුණත් මේ වෙලාවේ කුසල් මෙන්ඩිස් නිදාගෙන ඉන්නේ කියලත් සමහරු කියන්න පටන් අරන්.

පුහුණුකරු හතුරුසිංහත් මේ අස්ථාවට සහභාගී වෙලා තිබුණා.ඉදිරියේදීත් මේ වගේ වැඩමුළු පවත්වනවා කියලයි ආරංචි වෙන්නේ.මේ සම්බන්ධව සමාජ ජාල වෙබ් අඩවි වල පළවූ අදහස් පහතින් නරඹන්න

 

ක්‍රිඩා පුවත්

සනත් ජයසුරිය ශ්‍රී ලංකා ක්‍රිකට් වලට ලබාදුන් තරම් ජයග්‍රහණ ප්‍රමාණයක් ජාත්‍යන්තර තරඟ වල අනෙකුත් කිසිම ශ්‍රී ලංකා ක්‍රීඩකයෙකුට ලබාදීමට හැකියාව නොලැබෙන්නේ සනත්ගේ සාර්ථකත්වය.

සනත්ගේ දවස යනු ප්‍රතිවාදීන්ගේ විනාශය නිසාය.සනත් ගැන මේ තරම් ලියන්නට හිතුනේ මේ වීරයා ගැන විදෙස් මාද්‍ය ඊයේ පලකල තිබු ජායාරුපයක් සමඟය.

සනත් මේ දිනවල දරුණු දණහිසේ ආභාදයකින් පීඩා විඳින අතර ඔහුට තනිව ඇවිදගන්න බැරි තැනට පත්වී ඇති බවද එම තත්වයට අදාළ ප්‍රතිකාර ගැනීම සඳහා සනත් ඔස්ට්‍රේලියාවට අද දිනයේ පිටත් වන බවද විදෙස් මාද්‍ය වාර්තා පළකර තිබිණි.ඔහු මසක පමණ කාලයක් එහි අදාළ සැත්කම වෙනුවෙන් ගතකරන බවද මෙම වාර්තා වැඩි දුරටත් පවසනු ලබයි.

මීට වසර 10 කට පෙර මෙවැනි අභාදයක් සනත්ට වුනානම් තත්වය කෙලෙස වෙනස් වෙනු ඇත්ද,සියලු මාද්‍ය අභාදය කුමක්ද කවදා සුවවේද යන්න පුවත් නිරන්තරයෙන් පලකරනු ඇති අතර ක්‍රීඩා ලෝලීන්ද දැඩි උනන්දුවෙන් ඒවා කෙරෙහි අවධානය යොමු කරනු ඇත.

අදමේ තැනට පත්වී ඇති සනත් ශ්‍රී ලංකාව වෙනුවෙන් ලකුණු කීයකට කොපමණ දුරක් දුවන්නට ඇත්ද,ශ්‍රී ලංකාව වෙනුවෙන් කඩුලු ලබාගන්නට පන්දු යවන්නට කොපමණ දුරක් දුවන්නට ඇත්තද,ශ්‍රී ලංකාව වෙනුවෙන් උඩපන්දු ලබාගන්නට දුවද්දී දැවී යාම් ලබාගන්නට මෙන්ම ප්‍රතිවාදී ලකුණු නවත්වන්නට පන්දු පිටිපස කොතරම් දුරක් දුවන්නට ඇත්ද,

පන්දු යවන්නාට උපදෙස් දෙමින් ඔහුගේ පිටුපස නායකයා ලෙස,කණ්ඩායමේ ප්‍රවීණ ක්‍රීඩකයෙකු ලෙස කොතරම් දුරක් ඇවිද ඇත්ද ,මේ සියළු කැපකිරීම් වලින් ශ්‍රී ලංකාවට ලැබුන ජයග්‍රහණ සහ කීර්තිය අපමන වන අතර එවන් ක්‍රීඩකයෙකු ට මෙලෙස ඇවිද ගන්නට නොහැකිව සිටින ආකාරය දකින විට සනත්ගේ ජවයදැක ඇති ඕනෑම ක්‍රීඩා ලෝලියකුට දැඩි දුකක් ඇතිවීම ස්වභාවිකය.

 

ක්‍රිඩා පුවත් ගොසිප්

පරාජයන් වැළඳගත්තු ශ්‍රී ලංකා පිළට ජයග්‍රහණයන් අත්කරදෙන්න නව පුහුණුකරු චන්දික හතුරුසිංහ මේ වෙනකොටත් වැඩ පටන් අරගෙනයි තියෙන්නේ.හතුරුසිංහ ගැන අපේ ක්‍රීඩකයන් සහ පරිපාලකයෝ මොනවා කියනවා ඇතිද..?

ඒ ගැන අපූරු සටහනක් මුහුණුපොතේ හුවමාරු වෙමින් තිබියදී අපිට හමුවුණා.අපේ ක්‍රීඩකයෝ හතුරුසිංහ ගැන හිතන හැටි ගැනයි එහි සඳහන්ව තිබුණේ..

“සිංදු අහ අහ යකෝ ප්‍රැක්ටිස් කරන්නෙ. ” – දනුෂ්ක ගුණතිලක
“මොන බූරුවාද හතුරුසිංහට කෝච් කම දුන්නෙ. මගෙ කැප්ටන්සියත් ගහලා යයිද දන්නැ” – තිසර පෙරේරා
“ඇත්තටම මේක තමයි දෙවියන් වහන්සෙගෙ කැමැත්ත ” – ඇන්ජලෝ මැතිව්ස්
“හතුරු අයියා අපිට ලොකු සප්‍රයිස් එකක් දෙයි කියල මට විස්වාසයි ” – දිනේෂ් චන්දිමාල්
“බැට් කරනකොට කුරුස 10ක් ගහන ටෙක්නික් එක මට කියලා දුන්නෙත් හතුරු අයියා ” – දික්වැල්ල
“ඇයි මීට කලින් කෝච් ලා දැකලා නැද්ද.. නිකන් වැඩක් බලන් යනවා මනුස්සයො යන්ඩ” – ලසිත් මාලිංග
“ඩිස්කේ අම්මට ඩිස්කේ ඩිස්කාඩේ ” – දයාසිරි ජයසේකර
“යස් දිස් අ වෙරි ටයිම්ලි ඩිශිෂන් ෆ්‍රොම් ශ්‍රී ලංකා. ෆ්‍රොම් කන්ට්‍රවර්ෂල් ප්‍රොපගැන්ඩා ” – කුමාර් සංගක්කාර
“යස් ඩෙෆනීට්ලි ” – ටී එම් දිල්ශාන්
“අයියේ අක්කේ නංගියේ මල්ලියේ අපේ අලුත් කෝච් තුමා ගැන විශ්වාසය තියන්න ” – උපුල් තරංග
“හතුරුසිංහගෙ මුත්‍රා සාම්පලයක් එවන්න අපිට. එයාගෙ කෝච් කිරීමේ ඉරියව්ව සැක සහිතයි ” – ICC එක
“වන් ටීම් වන් නේෂන් වන් කෝච් ” – සිරි ලංකා ක්‍රිකට් ආයතනය.
” පින් මදිද දන්නෙ නැ… කරුමයද දන්නෙ නෑ.. මාව සංචිතේ නෑ ” – තිරිමාන්න
” වරදක් කලත්… සිතකින් නොවේ. රිදවන්නෙ පලි ගන්නෙ ඇයි ” – බංග්ලාදේශ ක්‍රිකට් ආයතනය

අපහාසයට නොව උපහාසයට පමණි.

ක්‍රිඩා පුවත්

ශ්‍රී ලංකා ක්‍රිකට් කණ්ඩායමේ නව පුහුණුකරුවා ලෙස පත්වූ චන්දික හතුරුසිංහ මහතා ශ්‍රී ලංකා ක්‍රිකට් කණ්ඩායම සමඟ කොළඹ ආර්. ප්‍රේමදාස ක්‍රීඩා පිටියේදී ඊයේ (28දා) පළමු පුහුණු සැසියට සහභාගි වූ අතර, පුහුණු සැසියෙන් අනතුරුව මාධ්‍ය හමුවේදී අදහස් දැක්වූ හතුරුසිංහ පැවැසුවේ ශ්‍රී ලංකා ක්‍රිකට් කණ්ඩායමේ ක්‍රීඩකයන්ගේ මානසිකත්වය ඉහළ නැංවීම සඳහා ඉදිරියේදී මනෝ වෛද්‍යවරයකුගේ සේවය ලබාගන්නා බවයි.

“මම ඕස්ට්‍රේලියාවේ සිඩ්නි තන්ඩර් කණ්ඩායම පුහුණු කරන අවධියේදී මයික් හසී තමයි මට ෆිල් ජෝන්ස් නම් මනෝ වෛද්‍යවරයා මුණ ගැස්සුවේ. ඔහු (ෆිල් ජෝන්ස්) ඕස්ට්‍රේලියානු බේස්බෝල් හා රග්බි කණ්ඩායම්වල මනෝ වෛද්‍යවරයා ලෙස කටයුතු කරන නිසා ඔහුගෙන් විශාල සේවයක් වෙයි කියන විශ්වාසය මත මම බංග්ලාදේශය පුහුණු කරන කාලයේදීත් ඔහුව යොදවා ගත්තා. එයින් අපි ලොකු දියුණුවක් ලැබුවා.

ඒ නිසා ඉදිරියේදී වසරකට 4 වරක් වගේ ඔහුගේ සේවය අපි ලබාගන්න සැලසුම් කරලා තියෙනවා. ඒ වගේම සමහර සංචාරවලදීත් ඔහු යොදවා ගැනීමට බලාපොරොත්තු වෙනවා” යැයි පැවැසූ හතුරුසිංහ ඊයේ සිදුවූ පුහුණුවීම් සම්බන්ධයෙන්ද අදහස් දැක්වීය.

“මම මෙතැනදී ලබා දුන්නේ මූලික දැනුමක් විතරයි. ඔවුන්ට නිදහසේ පන්දුවට පහර දෙන්නත්, නිදහසේ පන්දු යවන්නත් මම අවස්ථාව ලබා දුන්නා. මේ අයගේ දක්‍ෂතා ගැන අමුතුවෙන් බලන්න දෙයක් නැහැ. ඒ දක්‍ෂතා මතුකරගැනීමට උදවු දීමයි කළ යුත්තේ. ඒ අයගේ ලොකු උනන්දුවක් තියෙනවා. කොහොම වුණත් මගේ ලොකුම ඉලක්කය 2019 ලෝක කුසලාන ක්‍රිකට් තරගාවලිය. එය ඉලක්ක කරගෙනයි මම පුහුණුවීම් කරන්නේ.

පසුගිය කාලයේදී ක්‍රීඩකයන් පුහුණු කිරීමේදී භාෂා දැනුම ශ්‍රී ලංකා ක්‍රීඩකයන්ට ප්‍රශ්නයක් වුණත් මෙවර එයින් යම් වාසියක් සිදුවනවා නේද යන්න විමසීමේදී හතුරුසිංහ පැවැසුවේ තමන් දෙන පණිවිඩය ඔවුන්ට තේරුම් ගැනීමට හැකිවීම යම් වාසියක් බවත්, එසේ තේරුම් ගැනීමට නොහැකි නම් නැවත ඇසීමටත් ඔවුන්ට අවස්ථාව සැලසී ඇති බවත්ය.

ලසිත් මාලිංග අවසන් 23 දෙනා අතරට නොසිටියද ඔහු පුහුණුවීම් සඳහා පැමිණීම සම්බන්ධයෙන්ද අදහස් දැක්වූ හතුරුසිංහ පැවැසුවේ මෙවැන්නකි. “ඔහු දැඩි කැපවීමෙන් තමන්ගේ යුතුකම් ඉටුකරන කෙනෙක්. ඔහු පුහුණුවීම් කළේ ඔහුගේ පෞද්ගලික තරගාවලියක් සඳහා වෙන්න ඇති. කොහොම වුණත් ශ්‍රී ලංකා කණ්ඩායමේ ඕනෑම ක්‍රීඩකයකුට මෙතනට ඇවිත් පුහුණුවීම් කරන්න නිදහස තියෙනවා”

මේ අතර ඉදිරියේදී සංගක්කාර, මහේල හා මුරලිගෙන් විශාල සේවයක් ලබාගැනීමට අදහස් කර ඇති බවත්, ඔවුන්ගේ අදහස් තමන්ට ඉතාමත් වැදගත් බවත් පැවැසූ හතුරුසිංහ තරගාවලියක් යන අතරතුරදී නිසියාකාරව පුහුණුවීම් නොමැතිව තරගයට පිවිසීම හා නිදිවරාගෙන ෆේස්බුක් යෑම, සිංදු ඇසීම වැනි විනයට අදාළ කරුණු සම්බන්ධයෙන් ඉදිරියේදී ගන්නා පියවර සම්බන්ධයෙන් විමසූ අවස්ථාවේදී හතුරුසිංහ පැවැසුවේ “ඉස්සරහට නම් එහෙම වෙන්නේ නැහැ. සිංදු ඇහුවොත් ගෙදර යන්න වෙනවා” යනුවෙනි.

“මින් පෙර සිද්ධ වුණ දේවල් ගැන මට කතා කරන්න අමාරුයි. මොකද මම ඒ ගැන දන්නේ නැහැ. ඒ අය දන්නවා මම ඒ අයගෙන් බලාපොරොත්තු වෙන්නේ මොනවද කියලා. ඉදිරියේදී බලන් ඉන්න මොනවද වෙන්නේ කියලා” යනුවෙන්ද හතුරුසිංහ කීය.

කෙසේ වෙතත් ක්‍රිකට් ව්‍යවස්ථාව වෙනස් නොකළද තරගාවලියක් අතුරතුර තමන්ට කණ්ඩායමේ අවසන් 11 දෙනා තෝරාගැනීමට මැදිහත් විය හැකි බවද හතුරුසිංහ මහතා සඳහන් කළේය.

මෙම පුහුණුසැසිය සඳහා ශ්‍රී ලංකා කණ්ඩායමේ වේගපන්දු පුහුණුකරු රුමේෂ් රත්නායක, පිතිකරණ පුහුණුකරු තිලාන් සමරවීරද එක්ව සිටියහ.