දේශීය පුවත්

හෙට බස් වර්ජනයක් – අද මධ්‍යම රාත්‍රියේ සිට බස් ගාස්තු වැඩි වෙන්නේ මෙහෙමයි

අද (15) මධ්‍යම රාත්‍රියේ සිට ක්‍රියාත්මක වන පරිදි බස් ගාස්තු සංශෝධනය කිරීම සඳහා අද (15) කැබිනට් අනුමැතිය ලැබී ඇත.

Loading...

ඒ අනුව අද (15) මධ්‍යම රාත්‍රියේ සිට දැනට පවත්නා ගාස්තුවෙන් සියයට 6.56 ක ප්‍රතිශතයකින් බස් ගාස්තු ඉහළ නැංවෙනු ඇත. නමුදු මූලික බස්ගාස්තුව වන රුපියල් 10/- වෙනසක් සිදු නොවේ. මෙය අධිවේගී මාර්ග සහ නගරාන්තර සුඛෝපභෝගී සේවා බස් රථ සඳහා ද එපරිද්දෙන්ම වලංගුවේ.

ලංගම හා පෞද්ගලික බස් ගාස්තු මේ අනුව වැඩිවිමට නියමිතය.

ඉන්ධන මිල ඉහළ යාම හේතුවෙන් බස් ගාස්තු ද සියයට 6.5 කින් වැඩි කළ යුතු බවට වන යෝජනාව ප්‍රවාහන ඇමැති නිමල් සිරිපාල ද සිල්වා මහතා විසින කැබිනට් මණ්ඩලයට ඉදිරිපත් කර තිබිණි.

ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් කැබිනට් මණෟඩලය අද දහවල් ජනාධිපති කාර්යාලයේ දී රැස් වු අතර එහිදී මෙම අනුමැතිය ලබාදී ඇත.

Loading...

තම සංගමය රජයට යෝජනා කළේ 20%ක ගාස්තු වැඩිවීමක් බවත් එහෙත් ලැබී තිබෙන්නේ 6.56%ක බස් ගාස්තු වැඩිවීමක්  නිසා එම මුදල ප්‍රමාණවත් නොවන හෙයින් හෙට (16දා) මධ්‍යම රාත්‍රී 12 සිට බස් රථ ධාවනයෙන්  ඉවත් කර ගන්නා බව අන්තර් පළාත් බස් හිමියන්ගේ සංගමයේ සභාපති විජිත කුමාරසිරි මහතා සඳහන් කළේය.

Related Posts