උතුරු කොරියා – දකුණු කොරියා ඓතිහාසික හමුවීමේදී ලොවම කතාවෙන කිම් ජොං අන්ගේ ආරක්ෂාව

2115

1953 වසරේ කොරියානු යුද්ධය අවසන් වීමෙන් පසු කොරියානු අර්ධද්වීපය බෙදා වෙන් කෙරුණු හමුදා සීමාවෙන් ඔබ්බට ගොස් දකුණු කොරියානු භූමිය මත පා තැබූ පළමු උතුරු කොරියානු නායකයා ලෙස කිම් ජොන්ග් අන් ඉතිහාස ගත විය.

සාකච්ඡා ආරම්භ වීමට පෙර දකුණු කොරියානු ජනාධිපති මූන් ජේ-ඉන් ග්‍රිනිච් වේලාවෙන් උදෑසන 09.30 ට උතුරු කොරියානු නායකයා හමු වූයේ දෙරට අතර ඇති දේශසීමාවේදීය.දෙරටේ නායකයන් දෙපල සාකච්ඡා පැවැත්වෙන ස්ථානය පිහිටි යුද මුක්ත කලාපය බලා යමින් සිටියහ.

සිය න්‍යෂ්ටික අවි අත්හැර දැමීමේ සූදානමක් පැවතිය හැකි බව උතුරු කොරියාව කළ ඉඟි කිරීම ඓතිහාසික සාකච්ඡාවේ අවධානයට ලක් වනු ඇත.යුද මුක්ත කලාපයේ පිහිටි දේශ සීමාව දෙපසදී අතට අත දෙමින් නායකයන් දෙපල එකිනෙකා පිළිගත්හ.

අනපේක්ෂිත ලෙස සුළු මොහොතකට දකුණු කොරියානු ජනාධිපතිවරයා උතුරු කොරියානු දේශසීමාව වෙත පය තැබීය.”ඔබ හමුවීම ගැන මට සතුටුයි” යනුවෙන් ජනාධිපති මූන් නායක කිම් වෙත පැවසූ බව ඒඑෆ්පී පුවත් සේවය වාර්තා කළේය.

තමන් විසින් සියලුම මිසයිල අත්හදාබැලීම් අත්හිටුවනු ලද බව උතුරු කොරියාවේ නායක කිම් ජොන්ග් අන් අප්‍රේල් 21 වෙනිදා පැවසීය.ජාත්‍යන්තර ප්‍රජාව පුදුමයට පත් කරමින් සෘජු සාකච්ඡාවක් සඳහා උතුරු කොරියාව පසුගිය මාසයේදී කළ ආරාධනය ඇමරිකානු ජනාධිපති ට්‍රම්ප් පිළිගත්තේය.

ජුනි මාසය ආරම්භයේ දී හෝ “ඊට ටික කලකට පෙර” සාකච්ඡා පැවැත්වෙනු ඇති බව ජනපති ට්‍රම්ප් පැවසීය.සාකච්ඡා පැවැත්වීම සඳහා ස්ථාන කීපයක් සම්බන්ධයෙන් අවධානය යොමුව ඇත.උතුරු සහ දකුණු කොරියානු රටවල් දෙක අතර පිහිටි යුද මුක්ත කලාපයේ හෝ, වෙනත් ආසියානු රටක හෝ මධ්‍යස්ථ යුරෝපා රටකදී එම හමුව පැවැත්වෙනු ඇති බවට ප්‍රවීණයෝ මත පල කරති.

මේ අතර උතුරු කොරියාවේ නායක කිම් ජොන්ග් අන් ගේ ආරක්ෂා පිරිවර සම්බන්ධයෙන් මේ වන විට සමාජ ජාල වල දැඩි කතාබහට ලක් වී ඇත.එයට අදාල වීඩියෝව පහතින් නරඹන්න