අද මධ්‍යම රාත්‍රියේ සිට ගෑස් මිල ඉහළට – මෙන්න අලුත් මිල ගණන්

561

කිලෝ ග්‍රෑම් 12.5 ප්‍රමාණයේ ගෘහස්ථ ගෑස් සිලින්ඩරයක මිල රුපියල් 245කින් වැඩි කිරීමට පාරිභෝගික අධිකාරිය අවසර ලබා දී ඇත.

ඒ අනුව අද මධ්‍යම රාත්‍රීයේ සිට කී. ගෑ. 12.5 බර ඇති ගෘහස්ථ ගෑස් සිලින්ඩරයක් රුපියල් 245 කින් ඉහළ දැමීමට පාරිභෝගික අධිකාරිය අදාල සමාගම් වෙත අවසර දී ඇත.

ඒ ලෝක වෙළඳපොළේ ඉන්ධන මිල ඉහළ යාම හේතුවෙනි. ඒ අනුව ගෘහස්ථ ගෑස් සිලින්ඩරයක නව මිල රුපියල් 1676කි.

අද (27) මධ්‍යම රාත්‍රියේ සිට කිලෝග්‍රෑම් 12.5 ක ගෘහස්ථ ලිට්‍රෝ ගෑස් සිලින්ඩරයක මිල රුපියල් 245 කින් ඉහළ යන බව ලිට්‍රෝ ගෑස් සමාගම පවසයි.

එම සමාගමේ අධ්‍යක්ෂ අලෙවි හා ආයතන සම්බධතා චමින්ද එදිරිවික්‍රම මහතා ප්‍රකාශ කළේ මේ සඳහා පාරිභෝගික සේවා අධිකාරියේ අනුමැතියද ලැබී ඇති බවයි.