අවස්ථාවෙන් ප්‍රයෝජන ගෙන ජාතිවාදී ක්‍රියාවන්හී නිරතවන හා සැලසුම් කරන පුද්ගලයන් පිළිබඳ අවදියෙන් සිටින්න

413

නුවර සිදුවීම මුල්කරගෙන රට අස්ථාවර කිරීමට තැත් කරමින් තව දුරටත් ජාතීවාදී ක්‍රියාවන් සිදු කරන ඔනෑම පුද්ගලයන් ගැන වහාම දැනුම් දෙන ලෙසට රජයේ ප්‍රවෘති දෙපාර්තමේන්තුව නිවේදනයක් නිකුත් කරමින් කියා සිටී. 00947711261261 හෝ helpdesk@dig.gov.lk වෙත දැනුම් දෙන්න.

කඩාකප්පල්කාරී ක්‍රීයාවන්හි නිරතවන්නන් පිළිබඳ තොරතුරු ලබා ගැනීම සඳහා පැය 24 පුරාම මෙම මධ්‍යස්ථානයේ සේවා ක්‍රියාත්මකයි.

මේ අතර තම පෞද්ගලික අරමුණු ඉෂ්ඨ කර ගැනීමට සමහර පුද්ගලයින් මෙය අවස්ථාවක් කරගෙන ඇති බවට පොලිස් ආරංචි මාර්ග වලින් වාර්තා වෙනවා.

රජයේ ප්‍රවෘත්ති අධ්‍යෂ ජනරාල් සුදර්ශන ගුණවර්ධන මහතා නිකුත් කර ඇති එම නිවේදනයේ මෙසේද සඳහන් වේ.

”රට තුළ උද්ගතව ඇති අර්බුදකාරී තත්ත්වය පාලනය කීරිමට ගතයුතු සියලු පියවර මේ වන විට රජය විසින් ක්‍රියාත්මක කර ඇත. එසේ වුවද ඇතැම් අවස්ථාවලදී පිරිස විසින් ජාතිවාදය හා ආගම්වාදය දඩමීමා කර ගනිමින් කඩාකප්පල්කාරී ක්‍රීයාවන් හී නිරත වීමට කටයුතු කරමින් සිටින බවද ආරක්ෂක අංශ වෙත තොරතුරු වාර්තා වී ඇත. මෙවැනි කඩාකප්පල්කාරී ක්‍රියාවන්හී නිරතවන හා එවැනි ක්‍රීයාවන් සැලසුම් කරන පුද්ගලයන් හෝ පුද්ගල කණ්ඩායම් පිළිබඳ තොරතුරු ලබාගැනීමටත් එම ක්‍රීයාවන් ක්ෂණිකව මැඩ පැවැත්වීම සඳහා අවශ්‍ය පියවර ගැනීම සඳහාත් සහය සේවා මධ්‍යස්ථානයක් ආරම්භ කර ඇත.

ආරක්ෂක මාණ්ඩලික ප්‍රධානී කාර්යාලයේ දවසේ පැය 24 පුරා අඛණ්ඩව ක්‍රීයාත්මක වන මෙම ක්ෂණික සහාය සේවා මධ්‍යස්ථානයේ දුරකථන අංක 0711 261 261 හෝ helpdesk@dig.gov.lk විද්‍යුත් තැපෑල හරහා තොරතුරු ලබාදෙන ලෙසත් , අවශ්‍ය ක්ෂණික සහාය ලබා ගන්නා ලෙසත් රජයේ ප්‍රවෘත්ති දෙපාර්තමේන්තුව ජනතාවගෙන් ඉල්ලා සිටී”.