ලිපි පුවත්

අපේ රටට මුලින්ම පරිගණකය හඳුන්වා දුන් ආචාර්ය නාත් අමරකෝන් මහතා මියයයි

ශ්‍රී ලංකාවේ සිවිල් ඉංජිනේරු ක්ෂේත්‍රයේ පුරෝගාමියෙකු වූ ආචාර්ය නාත් අමරකෝන් මහතා අභාවප්‍රාප්ත විය. ඉංජිනේරු වෘත්තියට අමතරව ශ්‍රී ලංකා බෞද්ධ පෙරමුණ, සමස්ත ලංකා විහාරාධිපති සංගමය, වෘත්තීය වේදීන්ගේ සංවිධානය, සනාතන පදම, එක්සත් සිංහල මහා සභාව, ජාතික එකාබද්ධ පෙරමුණ ආදී සංවිධාන රැසක සමාරම්භකයා වූ ඔහු ශ්‍රී ලංකාවට ප්‍රථම වතාවට පරිගණකය හඳුන්වා දුන් විද්වතා ලෙසද වාර්තාවක් තබා ඇත.

Loading...

1966 ලන්ඩන් විශ්ව විද්‍යාලයෙන් ආචාර්ය උපාධිය දිනා ගත් ඔහු ශ්‍රි ලංකාවට ප්‍රථම පරිගණකය ගෙන්වා ඇත්තේ ඉංජිනේරු සංස්ථවේ පර්යේෂණ අංශ ප්‍රධානියා ලෙස කටයුතු කළ 60 දශකයේ අවසාන භාගයේය. පසුව ඔහු නිවාස සහ ඉදිකිරීම් අමාත්‍යංශයේ ස්ථීර ලේකම් පදවියද හෙබිවීය.

1936 අගෝස්තු 26 දා හාරිස්පත්තුවේ උපත ලද ඔහු අලවතුගොඩ සිංහල පාසල, නුගවෙල මධ්‍ය මහා විද්‍යාලය, කොළඹ රාජකීය විද්‍යාලය සහ කොළඹ ආනන්ද විද්‍යාලයෙන් සිය මූලික සහ ද්විතීක අධ්‍යාපනය ලබා ඇත.

ශ්‍රී ලංකාවට බෞද්ධ දේශපාලනයක් හඳුන්වා දීම සඳහා 1972 වසරේ ශ්‍රී ලංකා බෞද්ධ පෙරමුණ සහ එක්සත් සිංහල මහා සභාව පිහිටවූ ඔහු වර්තමානයේ පවත්නා පක්ෂ දේශපාලන ක්‍රමය ශ්‍රී ලංකාවට නොගැලපෙන බවට ආන්දෝලනාත්මක මතවාදයක් ගෙන ආ සුවිශේෂ ගණයේ ශ්‍රී ලාංකිකයෙක් විය.

දින කිහිපයක සිට රෝගාතුරව සිටි අමරකෝන් මහතා නූතන ශ්‍රී ලාංකීය සමාජයේ වඩාත් විශිෂ්ඨතමයෙකු බවට පත්වනුයේ ශ්‍රී ලාංකීය පරිගණක ක්ෂේත්‍රයේ පුරෝගාමියා බවට පත් වීමෙනි.

Related Posts