ලිපි පුවත්

පාසල් යන කාලයේ අප සතුව බොහෝ ඉල්ලීම් විය. ලබන මාසයේ චාරිකාවක් යන්නට ගුරුතුමිය සැලසුමක් තැනූ දා හවස් වරුවේම ගෙදර ගොස් චාරිකා ගාස්තුව ඉල්ලන්නට තාත්තා කෙනෙකු සිටීම ගැනත් හොඳම මිතුරා පාවිච්චි කරන වර්ගයේම ඉස්තරම් පාට පෙට්ටියක් ගැන ඉල්ලීමක් ඉදිරිපත් කර බැලිය හැකි අම්මා කෙනෙකු සිටීම ගැනත් ඔබටත් මටත් ආඩම්බර විය හැකි අතීතයක් ඇත. ඒ අපට ය. අප බහුතරයට ය. සිනමාවකින් හෝ ටෙලි නිර්මාණයකින් මවා පෙන්වනවාටත් වඩා දුක් විඳින දරුවෝ ඈත ගම් දනව් වල තවමත් ජීවත් වෙති. පියා කවුදැයි නිශ්චිතව නොදන්නා දරුවෝ ද , පියා සිරගත වූ දරුවෝ ද, පියා හදිසියේ මිය ගිය දරුවෝ ද ජීවිතය ගැටගසා ගන්නට වෙර දරමින් හිඳින අම්මාට දුකක් දැනෙන්නට නොදී පාසල් අධ්‍යාපනය කෙසේ හෝ ගෙවා දමන්නට වෙර දරමින් සිටිති. මව විදේශගත වී අතුරුදහන් වූ දරුවෝ ද, මව සියදිවි නසා ගැනීමෙන් තනිවූ දරුවෝ ද වඩා කටුක ඉරණමකට ලක් වෙමින් ජීවිතය දරා ගනිමින් සිටිති. අපහරණය, නොසලකා හැරීම වඩා තදින් අයත් ඔවුන්ට ය. ජීවිතය ලැබීම ගැන පවා වද වෙන්නේ මව පියා දෙදෙනාම අහිමි වූවන් ය. එහෙත් ජීවිතය එබඳු ය. අත්හැරීම හෝ පැරදීම තුළ විසඳුම් නැත. ඔවුන් සමාජගත වන්නේ සමාජයට වෛර කරන්නන් ලෙස ය. සමාජ විරෝධීන් ලෙස ය.

ජාත්‍යන්තර සමාජ සේවා සංවිධානය ලෙස අප ඔවුන් වෙනුවෙන් ඉදිරිපත් වන්නේ එය වැළැක්වීමට ය. ඒ කුඩා ජීවිත වඩා යහපත් කිරීම සඳහා ඔබ සැමගේ අත්වැල අපට උවමනා මෙතැනදී ය. අඩු ආදායම්ලාභී පවුල් වලින් තෝරා ගත් දරු පිරිසක් වෙනුවෙන් ශිෂ්‍යත්ව වැඩපිළිවෙළක් සඳහා ඔබගේ උපකාර අවැසි වී ඇත. මේ දරුවන් උදෙසා තෝරාගැනීමේ ක්‍රමයකින් පසු ශිෂ්‍යත්ව ලබා දීමේ වැඩපිළිවෙළක් අප විසින් සකසා අවසන් අතර කැපකරු මාපියන් ලෙස ඔවුන් වෙනුවෙන් කැප වන්නට ඔබට අවස්ථාව ඇත. මාපිය කැපකරු දායකත්ව ව්‍යාපෘතිය හරහා සරණක් අවශ්‍ය දරුවන්ට වඩා යහපත සැලසීම වෙනුවෙන් දායක වීමට ඔබට අවස්ථාව ඇත. මේ සඳහා දරුවන් තෝරා ගැනෙන්නේ ඉතා පැහැදිලි ක්‍රමයකට වන අතර විදුහල්පතිවරුන්, ප්‍රාදේශීය ලේකම්වරුන් හා ග්‍රාම නිලධාරීන්ගේ සහය අපට නොඅඩුව ලැබේ. මව පියා දෙදෙනාම අහිමි, මව හෝ පියා අහිමි එසේත් නැතහොත් උදව් ලැබීමේ තත්වයක සිටින දරුවෙකුගේ වගකීම ඔබට පැවරෙන අතර ඒ දරුවා වෙනුවෙන් අධ්‍යාපන අවශ්‍යතා සඳහා අප යෝජනා කරන ක්‍රමයට මුදල් සැපයීමේ වගකීම ඔබට පැවරේ.

      මේ ගැන වැඩි විස්තර දැනගන්න කථා කරන්න අපිට

ජාත්‍යන්තර සමාජ සේවා සංවිධානය

( International Social Service Organization )

 011 3643949

(පෙ.ව 9:00-ප.ව 5:00 අතර කාර්‍රයාල වෙලාවන් වලදි අමතන්න කාරුණික වන්න.)

No automatic alt text available.

දරුවන් හට උදව් ලබා දීම ඉතා විනිවිද භාවයකින් ඔබෙන් සිදුවීම අප අපේක්ෂා කරන්නේ වඩා අයහපත් රැවටීම් සහිත ලෝකයක් නිර්මාණය වෙමින් පවතින නිසා ය. එසේම ඔබ කැපකරු බව දරන දරුවාගේ අධ්‍යාපන ප්‍රගතිය පරීක්ෂා කිරීමේ අයිතිය ඔබට ලැබෙන අතර ඔබේ මුදල් අපතේ යන ලෙස දරුවා අයහපත් අධ්‍යාපන මට්ටමක දිගින් දිගටම නියැලෙන ඕනෑම අවස්ථාවකදී ඔබේ මුදලට සාධාරණයක් කරමින් ශිෂ්‍යත්වය අත් හිටුවීමේ බලයද අප සතු ය. මේ බොහෝ බැරෑරුම් කාර්යයකි. විශාල අත් ප්‍රමාණයක් අප සමඟ අත්වැල් බැඳ ගන්නා තුරු ඒ දරුවන්ගේ මුහුණේ සිනා ඇඳීම සිහිනයකි. එහෙත් ඔබ අප සමඟ සිට ගන්නා බවත් අනතුරුව ඒ දරුවන් හා එක්ව සිනාසෙන බවත් අපි වඩාත් තදින් විශ්වාස කරන්නෙමු. දරුවන් සඳහා වඩා යහපත් ලෝකයක් නිර්මාණය විය යුතුබවත් සෑම දරුවෙකුටම සමාන අධ්‍යාපනය අවස්ථා ලැබිය යුතු බවත් තරයේ අදහන ඔබට අප සමඟ අත්වැල් බැඳ ගන්නට කාලය පැමිණ ඇත. Image result for poor children in sri lankaකඳුලට වඩා සමීප නොලැබීම ගැන පමණක් දන්නා දරුවන්ට ලැබීමේ සතුට ගැන කියා දී රහසේ සිනාසෙන්නට කාලය පැමිණ ඇත. වඩා සුන්දර තනි තනිව සිනාසීම නොවේ.එක්ව සිනාසීම ය. මේ ඒ සඳහා කාලය ය.

  මේ ගැන වැඩි විස්තර දැනගන්න කථා කරන්න අපිට

ජාත්‍යන්තර සමාජ සේවා සංවිධානය

( International Social Service Organization )

 011 3643949

(පෙ.ව 9:00-ප.ව 5:00 අතර කාර්‍රයාල වෙලාවන් වලදි අමතන්න කාරුණික වන්න.)

ගොසිප්

අලූත ගෙනා මනාලිය නිවසට කැන්දාගෙන ඒම නිමිත්තෙන් පවත්වනු ලබන විවාහ මංගල උත්සවයට මත්පැන් සහ දුම්වැටිවලට වියදම් වෙතැයි අපේක්ෂා කළ මුදල උපයෝගී කොටගෙන මගී ආවරණයක්, තමා ඉගෙන ගත් පාසලට කුඩා ක්‍රීඩාංගණයක් හා ක්‍රීඩා මණ්ඩපයක් සාදා මනාලිය නිවසට කැන්දාගෙන ආ දා ජනතා අයිතියට පැවරූ අපූරු මනාලයකු පිළිබඳව පුවතක් අහුන්ගල්ල පතිරජාගම ගමෙන් වාර්තා වේ.

තම විවාහ මංගල දිනය දා මේ අපූරු සත්කාරය කළ ආදර්ශවත් මනාලයා අන් කවරකුවත් නොව අහුන්ගල්ල පතිරාජගම පදිංචි පිටියගේ මංජුල ප්‍රදීප් මහතාය.

කොළඹ පෞද්ගලික සමාගමක සේවය කරන මංජුල මහතා ප්‍රේම සම්බන්ධතාවකින් පසුව කඩවත පදිංචි මහේන්ද්‍රා මාධවී සමඟ විවාහ ගිවිසගෙන සිය මනාලිය නිවසට කැන්දාගෙන ඒමට ප්‍රථම තමන්ගේ මංගල දිනය දා මත්පැන් හා දුම්වැටිවලට වියදම් වෙතැයි අපේක්ෂා කළ මුදල උපයෝගී කොටගෙන ඉදිකරන ලද තමා ඉගෙන ගත් කටුවිල කනිටු විදුහලේ සිසු සිසුවියන්ට කුඩා ක්‍රීඩාංගණයක්,

එයට අවශ්‍ය ක්‍රීඩා මණ්ඩපයක් හා පාසල ඉදිරිපිට මාර්ගයේ පාසල් සිසුන්ට මෙන්ම මගීන්ට ප්‍රයෝජනයට ගත හැකි මගී ආවරණයක් විවෘත කළේ තමන්ගේ විවාහ මංගල දිනය දා මත්පැන්, දුම්වැටි ආරාධිතයන්ට නොදී එම මුදලින් මෙවැනි සත්කාර්යයක් කළ පළමු ශ්‍රී ලාංකික මනාලයා ලෙස ඉතිහාසයට එක්වෙමින්ය.

මංජුල මහතා සිය මනාලිය තමන්ගේ නිවසට කැන්දන් යාමට පෙර තමන්ගේ ධන පරිත්‍යාගයෙන් සකස් කරන ලද මේ ක්‍රීඩාංගණය, ක්‍රීඩා මණ්ඩපය හා බස් මගී ආවරණය විවෘත කළේ මේ අවස්ථාවට එක්වූ සිය දහස් ගණනක ආරාධිතයන් හා ගම්වාසීන්ගේ සුභාශිංසන මධ්‍යයේය.

විස්තර ජායාරූප  අපිට එව්වේ මියුරු ජීවන්ත

ගොසිප්

රංචමඩමට අවමංගල්‍ය සංස්‌කෘතිය හඳුන්වා දුන්නේ ඇගේ සැමියායි.රටට වැඩදායක දරුවන් 19 දෙනකු ලක්‌මවට දායාද කර “වීරමාතා” රාජ්‍ය සම්මානයෙන් පිදුම් ලද මාතාවක්‌ දසදහස්‌ සංඛ්‍යාත ජනකායක්‌ අතිමහත් ගරු බුහුමන් සහ සෝසුසුම් මධ්‍යයේ පසුගිය සෙනසුරාදා (9 දා) පස්‌වරුවේ දැයෙන් සමුගෙන ගියාය.

ඇය කොළඹගේආර රංචමඩම මානෙල් පෙදෙසේ විසූ කේ. එච්. එන්සිනා නමැති 92 හැවිරිදි මාතාවකි. වලස්‌මුල්ල කිරම නාගස්‌රුප්ප ප්‍රදේශයේ උපත ලද ඇය හක්‌මන නරවැල්පිට හේමාලංකාරගේ සව්නේරිස්‌ යන අය සමඟ විවාහ වී කොළඹගේආර රංචමඩම ගමට පැමිණ හේන් ගොවිතැන් කරමින් ජීවිතය ආරම්භ කර ඇත.

එවකට ඝණ වනාන්තරයක්‌ව පැවැති රංචමඩම ප්‍රදේශයට ඔවුන් පදිංචියට පැමිණෙන විට සිටියේ තවත් එවැනිම වූ ගොවි පවුල් කිහිපයක්‌ පමණකි. ස්‌ථිර නිවාස කිසිවක්‌ එහි නොතිබුණ අතර ලී දඬු යොදා ඉලුක්‌සෙවිලි කර තැනූ වාඩිවල ඔවුහු පදිංචිව සිටියහ. ඔවුහු ලී වලින් තැනූ මැස්‌සක්‌ නිදාගැනීම සඳහා භාවිත කළහ.

පවුලක සාමාජිකයකු මියගිය පසු කළයුතු අවමංගල්‍ය කටයුතු ගැන අවබෝධයක්‌ නොතිබුණු එම පිරිස්‌ යම් අයකු මියගිය විට මිනිය එතැනම තබා එම වාඩිය අත්හැර වෙනත් වාඩියක්‌ හදාගෙන එහි පදිංචියට යාම සිදුකර ඇත.

සව්නේරිස්‌ මහතා මෙහි පදිංචියට පැමිණීමත් සමඟ(සව්නේරිස්‌ මහතා දැන් ජීවතුන් අතර නැත) මෙම සංස්‌කෘතිය වෙනස්‌ කිරීමට ඔහුට හැකිවිය. ඉන් පසුව රංචමඩමේ පළමුවෙන්ම මියගිය තැනැත්තාගේ දේහය මිනී පෙට්‌ටියක තැන්පත් කර අවමංගල්‍ය චාරිත්‍රානුකූලව භූමදාන කිරීමට ඔහු පියවර ගත්තේය. සමාජ සේවයට දැඩි ඇල්මක්‌ දැක්‌වූ මෙම යුවළ අසල්වැසියන් සමඟ එක්‌ව එම යුගයේ අවශ්‍යතා පරිදි ගැමියන්ගේ සුබසාධනය වෙනුවෙන් කටයුතු කිරීමට පියවර ගත්හ.

සව්නේරිස්‌ මහතාට දාව එන්සිනා මාතාව බිහිකළ දරුවන් 19 දෙනා අතරින් 15 දෙනෙක්‌ දැනට ජීවත්ව සිටිති. ඔවුන්ගෙන් කිහිපදෙනෙක්‌ කොළඹ, දෙනියාය, පස්‌ගොඩ, වලස්‌මුල්ල, මිනුවන්ගොඩ වරාපිටිය යන ප්‍රදේශවලත් සෙසු අය රංචමඩම කොළඹගේආර ප්‍රදේශවලත් පදිංචිව සිටිති. මෙම මාතාවගේ එක්‌ දියණියක්‌ දරුවන් දස දෙනකු බිහිකර ඇත. තුන් මුණුබුරන් දැක ගැනීමේ වාසනාව හිමිකර ගැනීමටද ඇයට භාග්‍යය තිබී ඇත.

ඇයගේ දරු මුණුබුරු පරම්පරාව 118 ද ඉක්‌මවන බව දැනට ශ්‍රී ජයවර්ධනපුර විශ්වවිද්‍යාලයේ අධ්‍යාපන ලබන ඇයගේ මිනිබිරියක වන එච්. කේ. ඒ. කාංචනමාලා මෙනවිය පැවැසුවාය. ප්‍රදේශයේ ජනප්‍රිය කවියකුවූ විශ්‍රාමික ගුවන් හමුදා නිලධාරි විමල්මාදන මහතා කියා සිටියේ ඇය මියයන තුරුම ඉතාම නීරෝගීව ජීවත්වූ බවය. අඩුවශයෙන් වේදනානාශක පෙත්තක්‌වත් බීමට තරම් රෝගයක්‌ ඇයට වැළඳී නැති බවද ඔහු පැවැසීය. ඇය මියගිය අවස්‌ථාවේ සිට පසුගිය සෙනසුරාදා (09දා) පවුලේ සුසාන භූමියේදී අවසන් කටයුතු සිදුකරන අවස්‌ථාව දක්‌වා දසදහස්‌ සංඛ්‍යාත ජනතාවක්‌ වැලනොකැඩී ඇයට ගරු බුහුමන් දැක්‌වීම සඳහා පැමිණියහ.

ක්‍රිඩා පුවත්

ලක් මවට අභිමානයක් වෙමින් ආසියාවම ඉදිරියේ ශ්‍රී ලංකා මාතාව රනින් සැරසවීමට ශ්‍රී ලංකා කණිෂ්ඨ මළල ක්‍රීඩා කණ්ඩායම සමත් විය.

නොයෙකුත් බාධක අපහසුතා මැද ජපානයේ පැවති කණිෂ්ඨ මළල ක්‍රීඩා තරගාවලියේ, ශ්‍රී ලංකා කණිෂ්ඨ මළල ක්‍රීඩා කණ්ඩායමක් ඉතිහාසයේ වාර්තා කළ ඉහළම දස්කම වාර්තා කිරීමට ශ්‍රී ලංකා කණ්ඩායම සමත් විය.

එහිදි ශ්‍රී ලංකා කණිෂ්ඨ කණ්ඩායම රන් පදක්කම් 3ක් සහිතව මුලු පදක්කම් 9 දිනා ගත්තේ ආසියාවේ දැවැන්ත රටවල් අභිබවා පස්වෙනි ස්ථානයට මවුබිම ඔසවා තබමිනි.

විශේෂයෙන්ම ශ්‍රී ලංකා මළල ක්‍රීඩා කණ්ඩායමේ ක්‍රීඩකයන්ට සෙසු රටවල් සාපේක්ෂව බලද්දි පවතින්නේ අවම සම්පත් ය. ඔවුන්ට අනුග්‍රාහකයන් නැත. මුදල් නොමැති නිසා විදෙස් පුහුණුවීම් අත් හැර ගත් මෙම කණ්ඩායමේ ක්‍රීඩකයන් පිළිබදවද වාර්තා වේ.

මළල ක්‍රීඩාව ජනප්‍රිය නැති, මළල ක්‍රීඩාවට නිසි පිලිගැනීම හෝ අනුග්‍රාහකත්වය නොලැබෙන තත්වයක් මත මවුබිම නියෝජනය කරමින් මවුබිම දිනවූ මෙම ක්‍රීඩක ක්‍රීඩිකාවන් සම්පතක් වන්නේ එබැවිනි. ක්‍රිකට් වැනි ක්‍රීඩාවන්ට ලැබෙනා මූල්‍ය අනුග්‍රාහකත්වයෙන් 1% ක ශ්‍රී ලංකා මළල ක්‍රීඩාවට නොලැබෙන බවට සැකයක් නැත.

නිමාවූ ආසියානු කුසලාන කාන්තා ක්‍රිකට් තරගාවලියේ ශ්‍රී ලංකා කාන්තා කණ්ඩායම තායිලන්තය හමුවේ පරාජය විය. ශ්‍රී ලංකා ක්‍රිකට් කණ්ඩායම ඊයේ දිනයේ කොදෙව් කණ්ඩායම හමුවේ ලකුණු 226ක දැවැන්ත පරාජයක් ලැබීය. ශ්‍රී ලංකා ක්‍රිකට් කණ්ඩායමේ ක්‍රීඩකයන්ගේ වැටුප් මෑතකදී තවත් වැඩි වූයේය. සියලූ සම්පත්, අනුග්‍රාහකත්වය පවතින ක්‍රිකට් ක්‍රීඩාව එලෙසින් පරාජයන් ලබද්දි ඒ කිසිවක් නොමැතිව කණිෂ්ඨ මළල ක්‍රීඩක ක්‍රීඩිකාවන් මේ ලබා ගත් ජයග්‍රහනයන්ට මවුබිමේ උපහාරය හිමි විය යුතුය.

මේ අනුව රන් පදක්කම් තුනක් රන් 3 ක් ( මීටර් 400 – අරුණ දර්ශණ , මීටර් 3000 – පාරමී වසන්ති , 400*4 – අරුණ , පසිඳු , නිකු , රවිශංක ) , රිදී පදක්කම් 4ක් ( අමාෂා – මීටර් 100 , 200 , පසිඳු මීටර් 400 , දිල්ෂි මීටර් 400 ) ලෝකඩ 2ක් (දිල්ෂි මීටර් 800 , 400*4 – දිල්ෂි , සචිනි , රොමේෂි , අමාෂා ) මවුබිමට හිමි විය.

වරෙක මේ ක්‍රීඩකයන් කීප දෙනෙකුටම ජැමෙයිකාවේ පුහුණුවට යාමට පහසුකම් ලැබී තිබියදී වීසා ලබාගැනීමේ ගැටළුවට පවා බළධාරීන් මැදිහත් වී නොමැති බවත් සදහන් ය. තරගාවලියේ මීටර් 100 බාළිකා සහය දිවීමේ කණ්ඩායමක් සහභාගී කරවූවා නම් බොහෝවිට අපිට තවත් පදක්කමක් උරුම වීමට තිබුනි. බලධාරීන්ගේ අමන පූර්ව නිගමනය අනුව එය අපිට අහිමි විය.

කුලියාපිටිය මධ්‍ය මහා විද්‍යාලයේ පාරමී වසන්තී මාරිස්ටෙලා, ඓතිහාසික ජයක් වාර්තා කරමින් ශ්‍රී ලංකාවට රන් පදක්කමක් දිනා දීමට සමත් වූවාය.

වයස අවුරුදු 20 න් පහළ බාලක බාලිකාවන් වෙනුවෙන් පැවැත්වෙන, කණිෂ්ඨ ආසියානු මලල ක්‍රීඩා ශූරතාවලියේ දී, ඇය මීටර් 3000 බාධක දිවීමේ බාලිකා ඉසව්වට සහභාගීවෙමින් අද දැක්වූ දක්ෂතාව මිනින්තු 10:21.54 කි එය පුද්ගලිකව ඇය වාර්තා කර ඇති හොඳම දක්ෂතාව ද වේ.

මෙය ඇය එම ඉසව්වෙන් මීට පෙර වාර්තා කර තිබූ හොඳම කාලය 10:37.33 තත්පර 15 කින් පමණ අලුත් කිරීමක් ලෙසද සැලකිය හැකිය.

මෙම තරගාවලියේදී මිට පෙරද ශ්‍රී ලංකාව වෙනුවෙන් ආසියානු කණිෂ්ඨ වාර්තාවක් සමගින් මීටර් 400 ඉසව්වේ රන් පදක්කම දිනා ගැනීමට අකුරම්බඩ වීරකැප්පැටිපොල වි අරුණ දර්ශන සමත් විය.

ශ්‍රී ලංකා කණිෂ්ඨ මළල ක්‍රීඩා කණ්ඩායම පිළිබදව ෆේස්බුක් සමාජජාලයේ පළව තිබූ නිර්මාණ කිහිපයක් පහතින්,

ගොසිප්

පසුගිය දා ලංකාවේ  ගොඩ දෙනෙක් කතා බහට යෙදුනේ චන්දිමාල්ගේ රෝයල් පාටිය ගැන.ඉතින් මේ ගැන තාමත් ලංකාවේ සමාජ මාධ්‍ය වල ප්‍රධානම මාතෘකාව චන්දිමාල්ගේ Royal Birthday Party එක. ගොඩක් අයට තියෙන ප්‍රශනයක් තමයි කොහෙන්ද ඔහුට මෙච්චර සල්ලි කියලා. කීයක් මේ Royal Birthday Party එකට ගියද කියලාත් ගොඩක් අය ඔහුගෙන් අහලා තිබ්බා.

සමහරු කිව්වේ Royal Birthday Party එකට කොටි 5 ක් 10 ක් විතර යන්න ඇති කියලා.හැබැයි චන්දිමාල් නම් කිව්වේ ඒ අයට කැමති ගණනක් දාගන්න කියලා. සපත්තු කුට්ටමේ, ඇඳුමේ ඉඳලා ගොඩක් දේවල් ලැබුණේ නිකන් කියලා චන්දිමාල් සියතට කිව්වේ. කොහොම වුනත් පහුගිය දා චන්දිමාල්ගේ නිවසට සහ Saloon එකට ආදායම් බදු දෙපාර්තුමේන්තුවේ නිලධාරීන් ඇවිත් තිබ්බා.

“15 ක් විතර කණ්ඩායමක් ආවා. එයාල මගේ ගෙදරයි, Saloon එකයි පරික්ෂා කරා. අන්තිමේදී එයාලත් පුදුම වුණා පුම්බලා පෙන්නපු කිසි දෙයක් නෑ කියලා.” කියලයි චන්දිමාල් කිව්වේ. ඒ වුනත් හෙට ඔහුට අදායම් බදු දෙපාර්තුමේන්තුවට ඇවිත් ප්‍රකාශයක් දෙන්න කියලා. “මට ගෙනියන්න තියෙන්නේ හෝටලේ බිල විතරයි” කියලයි චන්දිමාල් නම් කිව්වේ.

ගොසිප්

අප එහි යනවිටත් ඔහු උදෑසන ආහාරය ලබා ගැනීම සඳහා හෝටලයකට පිටත්ව ගොස් සිටි හෙයින් ටික වේලාවක් බලා සිටීමට සිදු විය. ඔහු පමා වීම හේතුවෙන් දුරකථනයෙන් සම්බන්ධ කරගත් අවස්ථාවේදී ඔහු පැවසුවේ “මල්ලි සියල්ලටම වඩා කෑම ප්‍රථම” බවය.

ඔහුගේ නම සහ ඇතැම් තොරතුරු හෙළි නොකරන්නේ ඔහුගේ ඉල්ලීම නිසාය. මේ ඔහුත් සමඟ සිදු කළ කථාබහේ තොරතුරුය.  නගරයට ආසන්න ස්ථානයක රැකියාවක නිරත වන ඔහු තවම යොවුන් වියේ පසුවන අවිවාහකයෙකි.

කොහොමද ජීවිතේ?

හොඳින් කාලා බීලා ඉන්නවා. පොඩ්ඩක් ඉන්න තම්බපු කොස් ඇට පිඟානක් තියෙනවා. කන ගමන් කථා කරමු. හැබැයි ඔයාලට දෙන්න නම් මදි.

කොහොමද මෙහෙම කෑම කන්නේ?

මම පොඩි කාලේ ඉඳන් වැඩිපුර කෑම කනවා. මට බඩගින්න දැනෙන හැම වේලාවේම කනවා. ඉස්කෝලේ යන කාලේ උදේට කාලා තවත් බත් එකක් උදේට කන්න අරගෙන යනවා. දවල්ට කන්නත් බත් දෙකක් අරන් යනවා. ආයේ ඉස්කෝලේ ඇරිලා ඇවිල්ලත් කනවා. ඒ බත් කන්නේ මම තනිවමයි.

දැන් කොහොමද තත්ත්වේ?

උදේට ගෙදරින් බත් එකක් කාලා එනවා. තව දෙකක් ඔතාගෙන එනවා. වැඩට එන ගමන් මම හැමදාම කන හෝටලයෙන් ඉඳි ආප්ප 80ක්, කිරි මාළු එකක්, බිත්තර දෙකක් කාලා ටී එකක් බොනවා. ආයේ දහයමාර එකොළහ වෙනකොට උදේට ගෙනාපු බත් එකයි දවල්ට ගෙනාපු බත් එකයි කනවා. දොලහා වෙනකොට ආයේ හෝටලයට ගිහින් බත් පිඟන් පහක් හයක් කනවා. ආයේ තේ බොන්න කෑම ගේනවා. හවසට බිත්තර ආප්ප පහළවක් ප්ලේන් ආප්ප නම් ගොඩක් කනවා. ටී එකකුත් බොනවා. හවසට ගෙදර කෑම තිබුණත් කොත්තු ෆුල් හතරක් අරන් යනවා.

කිහිපදෙනෙක් කන කෑම තනියම කනකොට හෝටලේ මුදලාලි මොකුත් කියන්නේ නැද්ද?

ඉස්සෙල්ලා එහෙම වුණා. පස්සේ මම මුදලාලිට කිව්වා මම කන කෑමවලට සල්ලි ගන්න කියලා. සාමාන්‍යයෙන් හතර දෙනකුගේ බිලක් මට වැටෙනවා. ඒක නිසා මුදලාලිට ප්‍රශ්නයක් නැහැ. වැඩිපුර කන වෙලාවට මම හෝටල් දෙකකින් කනවා. ඒ නිසා ප්‍රශ්නයක් නැහැ.

ඒ වුණත් කොහොමද ඔහොම කෑම කන්නේ?

මම මත්පැන්, දුම්වැටි බොන්නේ නැහැ. නිකම් ඉන්නෙත් නැහැ. හොඳට වැඩ කරනවා. ඒ වගේම මට බඩගින්නත් දැනෙනවා. ඒක මට සාමාන්‍යයි.

කෑමවලට ලොකු මුදලක් ගියාම පඩියක් නැතිව ඇතිනේ?

ඇත්තටම මට පඩිය මදි. ඒත් මම සේවය කරන තැනට එන අය ඒ සේවයේ හැටියට මට සන්තෝසම් මුදල් දෙනවා. සමහරැ අරක්කු ගේනවා. මම අරක්කු එපා කියනවා. ඒ වෙනුවට සල්ලි දුන්නොත් බාර ගන්නවා. ඒවායින් කනවා. කන්නේ නැතුව මුදල් හොයලා මොකටද? අපි සියල්ල කරන්නේ කන්නනේ.

ඔබ ඔට්ටු දාලා කෑවා කියලත් ආරංචියි.

ඔව්. කිහිප වතාවක් ඔට්ටුවලට කෑවා. එක පාරක් මම ගැන අහලා මුදලාලි කෙනෙක් ඔට්ටු ඇල්ලුවා. මට ෆුල් ෆ්‍රයිඩ් රයිස් හතක් කන්න බෑ කියලා. ඔහු හිතුවේ මට කන්න බැරි වෙයි කියලා. රයිස් හත පිඟන් හතකට දාලා තිබුණේ. මම රයිස් හත කාලා මගේ ගානේ තව රයිස් දෙකක් කෑවා. කාලා ඔට්ටු මුදල මම ගත්තා. මුදලාලි කිව්වා ආයේ මාත් එක්ක ඔට්ටු අල්ලන්න බැහැ කියලා. ආයේ මුදලාලි කෙනෙක් මයිලෝ 15ක් බොන්න බැහැ කියලා ඔට්ටු ඇල්ලුවා. මම විසි පහක් බිව්වා. ඔට්ටුනම් ගොඩක් අල්ලලා තියෙනවා.

ඔහොම කන්න ගිහින් අමාරුවේ වැටිලා එහෙම නැද්ද?

තියෙනවා. එක පාරක් මම ගියා සංගීතයක් බලන්න. එතන හිටපු මල්ලි කෙනෙක් මට තේ බොන්න එන්න කිව්වා. මම රෝල්ස් එකක් කාලා තව එකක් කන්නද ඇහුවා. ඒ පාර මල්ලි කිව්වා අයියාට ඇති තරම් කන්න කියලා. මම හිතුවේ මම ගැන දැනගෙන සල්ලි තියාගෙන කියනවා කියලා. මම රෝල්ස් 80ක් වඩේ 20ක් කෑවා. අන්තිමට සල්ලි නැතිව ඒ මල්ලිගේ ෆෝන් එකත් කඩේට උගස් කරන්න වුණා. තව පාරක් මම ගැන නොදන්න හෝටලේකට පස් දෙනෙක් එක්ක කන්න ගියා. මම පස්දෙනාට කෑම ගෙනාපු බත් බේසමට ඔක්කොම වෑංජන දාගෙන කන්න පටන් ගත්තා. මුදලාලි හිතුවේ අපි බයිට් කරන්න හදනවා කියලා. පස්සේ ඇඟට ආවා. යාළුවෝ මම ගැන කියලා ඒ කෑමවලට වෙනම ගෙව්වා.

මඟුල් ගෙවල්, දානේ ගෙවල්වලට ගියාම කොහොමද ඔහොම කන්නේ?

මම අඳුරන්නේ නැති තැන්වල යන්නේ නැහැ. මගේ යාළුවන්ගේ ගෙවල්වල විතරයි යන්නේ. මට වෙනම තැනක කෑම දෙනවා. කිරි හට්ටි හතරක් පහක්, පැණි බෝතල් දෙකක් මට වෙනම තියෙනවා.

ගෙදර කෑම බීම කොහොමද?

ගෙදර කේක් හැදුවොත් මට වෙනම කේක් හදනවා. මම තනිවම කෑම හදාගන්නවා. බිත්තර පහළවක ඔම්ලට් එකක්නම් අනිවාර්යයෙන්ම කනවා. මස් හැදුවොත් මට වෙනම කිලෝ දෙකක්, තුනක් හදනවා. මට බත් වෙනම උයනවා. ඒ නිසා ගෙදර මට ගැටලුවක් නැහැ.

කෑම කාලම ඔබ ණය වුණා කියලා ආරංචියි..

ඒ එක හෝටලයකට ණය මට දෙන්න වුණා. මම බැලන්ස් එකේ ණය අරන් යන්නේ. එක මාසයක් පොඩ්ඩක් අවුල් වුණා. පස්සේ මගේ යාළුවෝ දෙන්නෙක් ඇප වෙලා ලක්ෂයක බැංකු ණයක් අරන් හැත්තෑදාහක් ගෙව්වා. ඉතුරු තිස්දාහේ හොඳට කෑවා.

ඔබට ලෙඩ රෝග එහෙම හැදිලා නැද්ද මෙහෙම කනකොට?

මම රෝහල්වල ඉඳලම නැහැ. වෛද්‍යවරු කියන්නේ මම මහන්සි වෙන හින්දා අවුලක් නැහැ කියලා. මට තියෙන්නේ නිරෝගී ශරීරයක්ලු.

අවසාන වශයෙන් මොනවද කියන්නේ?

හොඳට කාලා බීලා වැඩ කරලා හොඳින් ඉන්නවා. ලොකු බලාපොරොත්තු නැහැ. මැරෙනකම් කාලා, බීලා ඉන්නවා. ඊට වඩා බලපොරොත්තු මට නැහැ.

ඔබ මේ කතාව දිගටම කියවාගෙන යද්දී මොහු ගැන මැවෙනු ඇත්තේ යෝධයකුගේ චිත්‍රයකි. ඔබ විශ්වාස නොකළ ද මොහු යෝධයකු සේ කෑම කා වැඩ කළ ද සාමාන්‍ය ශරීරයක් ඇති පුද්ගලයෙකි. අඩි පහක් පමණ උසැති සාමාන්‍ය ශරීරයක් ඇති පුද්ගලයෙකි. ඔහු නගරයට ආසන්න රජයට අයත් ස්ථානයක සේවය කරන සාමාන්‍ය වැටුපක් ලබන පුද්ගලයකු වීමද විශේෂත්වයකි. එහෙත් ඔහු කරන වැඩනම් ආසාමාන්‍යය. ඔහුගේ වයස අවුරුදු 33ක් වේ.

අප මේ පුද්ගලයා පිළිබඳව ඔහු නිතර ආහාර ලබා ගන්නා හෝටල් කළමනාකරුගෙන් විස්තර ඇසුවෙමු.

මේ පුද්ගලයා මුලින්ම කඩේට ආවාම මම පුදුම වුණා. පස්සේ මම ඔහුත් එක්ක කතා කරලා ඔහු කන කෑමවලට මුදලක් නියම කර ගන්න එකඟතාවයකට ආවා. සාමාන්‍යයෙන් හතර පස්දෙනකුගේ කෑම තනිවම එයා කනවා. එක පාරක් ඇරෙන්න සල්ලි හරියට ගෙවලා තිබෙනවා. ඒ නිසා අපිට ප්‍රශ්නයක් නැහැ. එයා එනකොටම අපි කෑම ලෑස්ති කරනවා. මස්, මාළු, බිත්තර තුනම කනවා. බිත්තර 15ක් කාපු අවස්ථාත් තියෙනවා.

සල්ලි හරියට දෙන නිසා අපට නම් ගැටලුවක් නැහැ. ඇතැම් වේලාවට කඩයට එන පාරිභෝගිකයන් පවා පුදුම වෙනවා. දැන් එයා අපේ හොඳ පාරිභෝගිකයෙක්.

කලවාන – උපේන්ද්‍ර ප්‍රියංකර ජාතුංගම

Uncategorized

ප්‍රවීන මාධ්‍යවේදියෙකු මෙන්ම ජනප්‍රිය නිවේදකයකු වූ අභාවප්‍රාප්ත හේමනලීන් කරුණාරත්න මහතාගේ දේහය පිළිබඳ අවසන් කටයුතු අද (08) පෙරවරුවේ සිදුකෙරුණි.ඒ බොරැල්ලේ පොදු සුසාන භූමියේදීයි.

මාධ්‍යවේදී හේමනලීන් කරුණාරත්න මහතාගේ මාලඹේ, මිල්ලගහවත්ත පාරේ පිහිටි නිවසේ තැන්පත් කර තිබූ දේහය ඊයේ(07) උදෑසන කොළඹ පෞද්ගලික මල් ශාලාවක් වෙත රැගෙන ආවේය.

ඒ මහතාගේ දේහය අද පෙරවරු 9.30 දක්වා මහජන ගෞරවය සඳහා එම ස්ථානයේ තැන්පත් කර තිබුනු අතර පසුව ආදාහන කටයුතු සිදුකිරීම සඳහා දේහය බොරැල්ල පොදු සුසාන භූමිය වෙත රැගෙන යනු ලැබීය.

අවසන් කටයුතු සිදුවූ අවස්ථාවට මාධ්‍ය ක්ෂේත්‍රය නියෝජනය කරන බොහෝ පිරිසක් මෙන්ම එතුමන්ගේ ඥාතීන්ද සහභාගී වූ අතර පෙරවරු 11.45ට පමණ අදාහන කටයුතු සිදුකර අවසන් කෙරුණි.

මියයන විට 56 වන වියේ පසුවූ ප්‍රවීන මාධ්‍යවේදී හේමනලීන් කරුණාරත්න මහතාගේ මරණයට හේතුව මොළයේ නහරයක් පිපිරී සිදුවූ ලේ වහනයක් බව පශ්චාත් මරණ පරීක්ෂණයෙන් පසුගියදා අනාවරණය විය.

1983 වසරේදි පුහුණු වන නිෂ්පාදන සහකාරවරයකු ලෙස ජාතික රූපවාහිනි සේවයට එක් වු හේමනලින් කරුණාරත්න මහතා පසුව එහි සහකාර අධ්‍යක්ෂ ධුරය දක්වා උසස්වීම් ලැබූ අතර අනූව දශකය අගභාගයේ ජාතික රූපවාහිනය ඔස්සේ විකාශය වූ 9.05 වැඩසටහනින් අතිශය ජනප්‍රියත්වයට පත් විය.

පසුව ඔහු ස්වර්ණවාහිනී ආයතනය සමග සම්බන්ධ වූ අතර එහි දී ද කැපීපෙනෙන මාධ්‍ය මෙහෙවරක නිරත වූයේ එම නාලිකාව එවකට ඉහළටම ඔසවා තබමිනි.

පසුව ස්වර්ණවාහිනී ආයතනයෙන් ද ඉවත් වූ ඒ මහතා HTV නාළිකාව ආරම්භ කළ අතර මාධ්‍ය ක්ෂේත්‍රයට පිවිසීමට ආශාවෙන් සිටි තරුණ තරුණියන් දහස් ගණනකට සිය ශිල්ප ඥාණය ද ලබා දීමට ඉදිරිපත් වූවේය.

හේම නලීන් මහතාගේ දේහය පිළිබඳ අවසන් කටයුතු සිදුකෙරෙන අවස්ථාවේ දී ඔහුගේ සිසු සිසුවියන් බොහෝ දෙනෙකු අතිශයින් හැඟුම්බර වනු දක්නට ලැබුණි.

සයුරෙන් එහා පුවත්

ව්‍යාජ ලියකියවිලි සහ ගුවන් ගමන් බලපත්‍ර යොදාගනිමින් පුදගලයින් ඉතාලියට ඇතුල් කිරීමේ මහා පරිමාණ ජාවාරමක යෙදුනු ශ්‍රී ලාංකිකයින් 06 දෙනෙකු පලේර්මෝ පොලිසිය මගින් අත්අඩංගුවට ගෙන ඇත. 2016 දෙසැම්බර් මස 31 වෙනිදා පෝලන්තයේ සිට පැමිණි අයෙක් පලේර්මෝ ගුවන්තොටුපලේදී ප්‍රශ්න කිරීමෙන් පසු අඛණ්ඩව පොලිසිය කරන ලද පරීක්ෂණ වලදී මේ සියලු කරුණු අනාවරණය වී ඇත.

මෙසේ අත්අඩංගුවට ගෙන ඇත්තේ ශ්‍රී ලංකාවේ ද්‍රවිඩ ජාතිකයින් වන Mary Amalanayaki Bosco Chandrakumar, Chandrakumar Anthiresu Bosco, Anton Nitharsan David Anton Winsilo, Prashanth Chandrasegaram, Jerade Alosius Alphonse e Dukeshikanth Edwerd Selvarasa, යන අයයි.

නීති විරෝධී ලෙස ඉතාලියට ඇතුල් කිරීම සදහා යුරෝ 28 දහසක් දක්වා ගෙවන ලැබූ පුද්ගලයන් සිටින බවද ව්‍යාජ විදේශ ගමන් බලපත්‍ර භාවිතා කිරීම තුළින් මෙසේ ප්‍රංශයේ සහ ස්විස්ටර්ලන්තයේ ඉතාලි දේශසීමාව ඉතාලියට පුද්ගලයින් ඇතුල් කර ඇත. පොලිස් ජංගම කණ්ඩායම අත්අඩංගුවට ගැනීමෙන් පසු පලේර්මෝ අධිකරණ විමර්ශන මහේස්ත්‍රාත් විසින් මෙවුන්ට එරෙහිව නිතිය ක්‍රියාත්මක කර ඇත.

මේ සම්බන්ධව ඉතාලියේ ශ්‍රී ලංකා තානාපති කාර්යාලයේ උපදෙස් පරිදි සිසිලියේ ශ්‍රී ලංකා කොන්සියුලර් ඌගො වස්සාල්ලෝ මහතා අත්අඩංගුවට පත් අය ගැන විස්තර ශ්‍රී ලංකා රජයට දැනුම් දීම සදහා පලේර්මෝ ප්‍රධාන පොලිස් මුලස්ථානයට ගියත් පරීක්ෂණ අවසන් වන තුරු කිසිම තොරතුරක් ලබා දිය නොහැකි බව පවසා ඇත.

අත්අඩංගුවට ගත් අවස්ථාවේ ගන්නා ලද සහ පුද්ගලයින්ගේ ඡායාරූප පහතින් නරඹන්න

දේශපාලන

මෙන්ඩිස් සමාගමෙන් ඡන්ද වැඩවලට මුදල් ගැනීමේ සිද්ධිය හේතුකරගෙන මන්ත්‍රී ධුරයෙන් ඉවත්වීමටත් එම ලබාගත් මුදල් සමාජ සේවා කටයුත්තකට යෙදවීමත් තමා එකඟවන බව ජාත්‍යන්තර වෙළඳ රාජ්‍ය අමාත්‍ය සුජීව සේනසිංහ මහතා පවසයි.

අගමැතිතුමා, කතානායකතුමා, මහානායක හිමියන් හෝ එවැනි ඉල්ලීමක් කළ යුතු අතර එම ඉල්ලීම කළ හොත් තමා පසුබට නොවන බවද ඔහු කියයි.

ඡන්ද වැඩට මුදල් ගැනීම නීතිවිරෝධි නොවන අතර තමාට මුදල් ලැබෙන විට මෙන්ඩිස් සමාගම නීත්‍යානුකූල සමාගමක් වන අතර ඊට එරෙහි කිසිදු පරීක්ෂණයක් නොතිබුණු බවද සේනසිංහ මහතා පැවසීය.

මෙන්ඩිස් සමාගම පර්පචුවල් ට්‍රෙෂරීස් සමාගමට අයත් බවට මුදල් දෙන අවස්ථාවේදී තමන් නොදන්නා බවත්, මැතිවරණ කාලවලදී හිතවතුන් හා ව්‍යාපාරිකයන් මුදල් ලබාදීම සාමාන්‍ය දෙයක් බවත් හෙතෙම ප්‍රකාශ කළේය.

අදාළ චෙක්පත් ආරක්‍ෂක නිලධාරියෙකු මගින් මාරුකර මැතිවරණ කටයුතු සඳහා යොදාගත් බවත්, පර්පචුවල් ට්‍රෙෂරීස් සමාගමෙන් මුදල් ලබාගෙන තිබෙන බවට තමන් දැන ගත්තේ මීට දින දෙකතුනකට පෙර බවත් අමාත්‍යවරයා සඳහන් කළේය.

ගොසිප්

රජයේ දේපලක් සාපරාධී සාවද්‍ය පරිහරණය, බීමත්ව රිය පදවා රිය අනතුරක් කිරීම, කඩුවක් සන්තකයේ තබාගෙන තහනම් පිහි ආඥා පනත යටතේ වරදක් කිරීම යන චෝදනා මත රාජ්‍ය අමාත්‍ය පාලිත රංගෙ බණ්ඩාර මහතාගේ පුත් යශෝධ රංගෙ බණ්ඩාර පොලිස් අත්අඩංගුවට ගෙන තිබේ.

ශ්‍රී ජයවර්ධනපුර රෝහලේ ප්‍රතිකාර ලබමින් සිටින විට ආරච්චිකට්ටුව පොලීසිය විසින් සැකකරු අත්අඩංගුවට ගෙන ඇති අතර ඔහු අධිකරණයට ඉදිරිපත් කිරීමට නියමිත බව පොලීසිය පවසයි.

යශෝධ රංගෙ බණ්ඩාර පසුගියදා වෘත්තීය පුහුණු හා නිපුණතා සංවර්ධන ආමාත්‍යාංශයට අයත් වාහනයකින් ගමන් කරන විට අනතුරකට ලක්විය.

පසුගිය දා  හලාවත – පුත්තලම මාර්ගයේ බංගදෙනිය – කෝට්ටපිටිය මං සන්ධියේදී අතුරු මාර්ගයක සිට පැමිණි කැබ් රථය පාලනය කර ගැනීමට නොහැකිව කෝට්ටපිටිය මං සන්ධියේ පිහිටි නිවසක් තුළට කඩා වැදී තිබෙනවා.

මේ අනතුරෙන් නිවස සහ නිවසේ බඩු වලටද දැඩි හානි සිදු විය,මිට අමතර පෙර අවස්ථා දෙකකදී රිය අනතුරු සිදු කර ඇති අතර ඒවායින් එකකදී ජීවිතයක්ද අහිමි වී ඇත.